1 Sôrta Gḭka-Israɛlje 3
3
Ŋgaka Dabid
1Aa ooje, ŋgalə Dabid gə́ oji dee Ebro̰ lé ɓa nee: Ŋgondəree to Amno̰ gə́ yeḛ ojee gə Ahinoam, dəw gə́ Jisreel, njekɔm’g joo to Daniel gə́ yeḛ ojee gə Abigayil, dəw gə́ Karmel, 2njekɔm’g munda to Absalɔm gə́ yeḛ ojee gə Maaka, ŋgolə Talmai gə́ dené, yeḛ gə́ to mbai gə́ Gesur lé, njekɔm’g sɔ to Adonija gə́ yeḛ ojee gə Agit tɔ, 3njekɔm’g mi to Sepatia gə́ yeḛ ojee gə Abital, njekɔm’g misa̰ to Jitream gə́ yeḛ ojee gə Egla gə́ to dené ləa lé tɔ. 4Deḛ gə́ misa̰ neelé yeḛ oji dee loo gə́ yeḛ si ne mee ɓee gə́ Ebro̰ o̰ ne ɓee keneŋ as ləb siri gə naḭ misa̰ lé ndá yeḛ si Jerusalem o̰ ɓee as ləb rɔ-munda-giree-munda tɔ#2Sam 5.4-5, 1Mb 2.11, 1SgI 29.27.
5Aa ooje, deḛ gə́ yeḛ oji dee Jerusalem ɓa nee: Simea, gə Sobab, gə Natan gə Salomo̰, deḛ gə́ sɔ neelé yeḛ oji dee gə Bat-Sua, ŋgolə Amiel gə́ dené#2Sam 11.3, 6gə Jibar, gə Elisama, gə Elipelet, 7gə Noga, gə Nepeg, gə Japia, 8gə Elisama, gə Eliada gə Elipelet, deḛ jinaikara. 9Deḛ lai neelé ɓa to ŋgalə Dabid ya, ŋganeeje gə́ raŋg to ŋgalə gamla-denéje ləa ndá Tamar ɓa to kɔnan dee.
10Ŋgalə Salomo̰ ɓa ri dee to nee: Roboam oji Abija, Abija oji Asa, Asa oji Josapat, 11Josapat oji Joram, Joram oji Ahajia, Ahajia oji Joas, 12Joas oji Amasia, Amasia oji Ajaria, Ajaria oji Jotam, 13Jotam oji Ahas, Ahas oji Ejekias, Ejekias oji Manasə, 14Manasə oji Amo̰, Amo̰ oji Jojias. 15Ŋgalə Jojias ɓa ri dee to nee: Ŋgondəree to Jokana, njekɔm’g joo to Jojakim, njekɔm’g munda to Sedesias, njekɔm’g sɔ to Salum. 16Ŋgalə Jojakim ɓa ri dee to nee: Jojakim oji Jekonias, Jekonias oji Sedesias,
17Ŋgalə Jekonias ɓa ri dee to nee: Asir. Asir oji Səaltiel, 18gə Malkiram, gə Pedaja, gə Senasar, gə Jekamia, gə Hosama, gə Nedabia. 19Ŋgalə Pedaja ɓa ri dee to nee: Jorobabel gə Simei. Ŋgalə Jorobabel ɓa ri dee to nee: Mesulam gə Hanania gə Selomit gə́ to kɔnan dee, 20gə Hasuba, gə Ohel, gə Berekia gə Hasadia, gə Jusab-Hesed, deḛ mi. 21Ŋgalə Hanania ɓa ri dee to nee: Pelatia gə Esai, ŋgalə Repaja gə ŋgalə Arnan gə ŋgalə Abdias gə ŋgalə Sekania tɔ. 22Ŋgolə Sekania ɓa ria to nee: Semaeja. Ŋgalə Semaeja ɓa ri dee to nee: Hatus, gə Jigeal, gə Baria, gə Nearia gə Sapat, deḛ misa̰. 23Ŋgalə Nearia ɓa ri dee to nee: Eljoenai gə Ejekias gə Asrikam, deḛ munda tɔ. 24Ŋgalə Eljoenai ɓa ri dee to nee: Hodabia, gə Eliasib, gə Pelaja, gə Akub, gə Jokana, gə Delaja, gə Anani, deḛ siri.
Currently Selected:
1 Sôrta Gḭka-Israɛlje 3: SBA2015
Highlight
Copy
Compare
Share
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
