1 Sôrta Gḭka-Israɛlje 2

Ŋgalə Jakob gə́ dɔg-gir-dee-joo gə ŋgalə Juda lé

1Aa ooje, ŋgalə Israɛl ɓa ri dee to nee: Rubḛ, gə Simeo̰, gə Ləbi, gə Juda, gə Isakar, gə Jabulo̰, 2gə Dan, gə Jisəb, gə Bḛjami, gə Neptali, gə Gad gə Aser.

3Ŋgalə Juda ɓa ri dee to nee: Er, gə Onan, gə Sela, deḛ gə́ munda neelé ŋgolə Sua gə́ dené gə́ to dəw gə́ Kana̰ lé ɓa yeḛ oji dee ne. Er gə́ to ŋgondər Juda lé to njemeeyèr kəm Njesigənea̰’g ndá yeḛ aree wəi. 4Tamar gə́ to məəm Judaje lé oji səa Peres gə Jera. Bula lə ŋgan Juda lai gə́ diŋgam to mi. 5Ŋgalə Peres ɓa ri dee to nee: Hesron gə Hamul. 6Ŋgalə Jera ɓa ri dee to nee: Jimri, gə Etan, gə Heman, gə Kalkol, gə Dara. Deḛ lai to mi tɔ. 7Ŋgalə Karmi ɓa ri dee to nee: Akar, yeḛ gə́ ɔm ɓəl dɔ Israɛlje’g loo gə́ yeḛ al ta wɔji ne dɔ néje gə́ Ala un ndia mba kar dee tuji dee pugudu lé#Juj 7.1. 8Ŋgolə Etan ɓa ria to nee: Ajaria. 9Ŋgalə Hesron gə́ yeḛ oji dee ɓa ri dee to nee: Jerameel, gə Ram, gə Kelubai.

10Ram oji Aminadab. Aminadab oji Nason gə́ to mbai dɔ ŋgalə Juda lé. 11Nason oji Salma. Salma oji Boaj. 12Boaj oji Obed. Obed oji Isai. 13Isai oji Eliab, ŋgondəree ləm, gə Abinadab gə́ njekɔm’g joo ləm, gə Simea, njekɔm’g munda ləm, 14gə Netaneel njekɔm’g sɔ ləm, gə Radai njekɔm’g mi ləm, 15gə Osem njekɔm’g misa̰ ləma, gə Dabid njekɔm’g siri ləm tɔ. 16Konan deeje ɓa ri dee to nee: Seruja gə Abigayil. Ŋgalə Seruja ɓa ri dee to nee: Abisai, gə Joab gə Ajael, deḛ munda. 17Abigayil oji Amasa, bɔ Amasaje to Jeter gə́ ḭ ginka Ismael’g.

18Kaleb, ŋgolə Hesron oji ŋganje gə dené ləa Ajuba ləm, gə Jeriot ləm tɔ. Aa oo, ŋganje gə́ yeḛ oji deḛ gə Ajuba ɓa ri dee to nee: Jeser, gə Sobab gə Ardo̰. 19Ajuba wəi ndá Kaleb taa Eprata oji ne Hur. 20Hur oji Uri ndá Uri oji Besalel,

21Gée gə́ gogo Hesron aw rɔ dené’g lə Makir, bɔ Galaadje ndá yeḛ ra ləb rɔ-misa̰ loo gə́ yeḛ təa lé, tɔɓəi yeḛ oji səa ŋgon gə́ ria lə Segub. 22Segub oji Jayir, to yeḛ gə́ iŋga ɓee-booje as rɔ-joo-giree-munda mee ɓee gə́ Galaad lé tɔ. 23Gesurje gə Aramje taa ɓee-kogoje lə Jayir ləm, gə Kenat gə ɓee-booje gə́ gugu dəa lé as rɔ-misa̰ ləm tɔ. Deḛ lai neelé to ŋgalə Makir gə́ to bɔ Galaadje lé. 24Loo gə́ Hesron wəi mee ɓee gə́ Kaleb-Eprata’g ndá Abija dené lə Hesron oji səa Asehur gə́ to bɔ Tekoaje lé tɔ.

25Ŋgalə Jerameel, ŋgondər Hesron gə́ yeḛ oji dee gə Aija lé ɓa ri dee to nee: Ram, ŋgondəree ləm, gə Buna ləm, gə Orḛ ləma, gə Osem ləm tɔ. 26Jerameel taa dené gə́ raŋg ria lə Atara, yeḛ to ko̰ Onamje. 27Ŋgalə Ram, ŋgondər Jerameel ɓa ri dee to nee: Maas, gə Jamḭ, gə Eker. 28Ŋgalə Onam ɓa ri dee to nee: Samai gə Jada. Ŋgalə Samai ɓa ri dee to nee: Nadab gə Abisur. 29Ri dené lə Abisur to Abihayil ndá yeḛ oji ŋganje gə́ ri dee lə Aban gə Molid. 30Ŋgalə Nadab ɓa ri dee to nee: Seled gə Apayim. Seled wəi lal koji ŋgon. 31Ŋgolə Apayim ɓa ria to nee: Jisei. Ŋgolə Jisei ɓa ria to nee: Sesan. Ŋgolə Sesan ɓa ria to nee: Ahlai. 32Ŋgalə Jada, ŋgoko̰ Samaije ɓa ri dee to nee: Jeter gə Jonatan. Jeter wəi lal koji ŋgon. 33Ŋgalə Jonatan ɓa ri dee to nee: Pelet gə Jaja. Deḛje nee ɓa to gə́ ŋgaka Jerameel lé.

34Sesan oji ŋganje gə́ diŋgam el nɛ ŋganje gə́ dené ba. Sesan aw gə ɓər gə́ ria lə Jara gə́ to dəw gə́ Ejiptə. 35Sesan lé ar Jara gə́ to ɓər ləa lé taa ŋgonee gə́ dené gə́ dené ləa ndá yeḛ oji ne Atai. 36Atai oji Natan, Natan oji Jabad, 37Jabad oji Eplal, Eplal oji Obed, 38Obed oji Jehu, Jehu oji Ajaria, 39Ajaria oji Hales, Hales oji Eləasa, 40Eləasa oji Sismai, Sismai oji Salum, 41Salum oji Jehamia, Jehamia oji Elisama.

42Ŋgalə Kaleb, ŋgoko̰ Jerameelje lé ɓa ri dee to nee: Mesa, ŋgondəree, yeḛ ɓa to bɔ Jibje ləm, gə ŋgalə Maresa gə́ to bɔ Ebro̰je ləm tɔ. 43Ŋgalə Ebro̰ ɓa ri dee to nee: Koré, gə Tapua, gə Rekem, gə Sama tɔ. 44Sema oji Rakham gə́ to bɔ Jorkeamje. Rekem oji Samai. 45Ŋgolə Samai ɓa ria to nee: Maon, ndá Maon to bɔ Bet-Surje. 46Epa gamla-dené lə Kaleb, oji Haran, gə Mosa gə Gajeje. 47Ŋgalə Jahdai ɓa ri dee to nee: Régem, gə Jotam, gə Gesan, gə Pelet, gə Epa gə Saap tɔ. 48Maaka, gamla-dené lə Kaleb lé oji Seber gə Tirana. 49Tɔɓəi yeḛ oji Saap, bɔ Madmanaje ləm, gə Seba, bɔ Mahbénaje gə bɔ Gibeaje ləm tɔ. Ŋgolə Kaleb gə́ dené ria lə Aksa tɔ.

50Deḛ gə́ to ŋgaka Kaleb lé ɓa ri dee to nee: Sobal, ŋgolə Hur gə́ to ŋgondəree gə́ yeḛ ojee gə Eprata gə́ to bɔ Kirjat-Yearimje, 51gə Salma, gə́ to bɔ Betlehemje, gə Harep gə́ to bɔ Bet-Gaderje. 52Ŋgalə Sobal, bɔ Kirjat-Yearimje lé ɓa ri dee to nee: Haroe ləm, gə Hasi-Hamenuhot ləm tɔ. 53Mbai dɔ gel-bɔje lə Kirjat-Yearim ɓa ri dee to nee: Jeterje ləm, gə Putje ləm, gə Sumatje ləma, gə Misraije ləm tɔ. Soreatje gə Estaolje kara d’ḭ mbuna gel-bɔje’g neelé tɔ. 54Ŋgalə Salma ɓa ri dee to nee: Betlehem gə deḛ gə́ to Netopatje ləm, gə Atroh-Bet-Joabje ləm, gə Hasi-Hamanatije ləm, gə Soreije ləma, 55gə deḛ gə́ to gel-bɔje lə njéndaji-maktubje gə́ d’isi Jabes gə́ to Tireatje, gə Simeatje, gə Sumatje ləm tɔ. Deḛje neelé to Kenije gə́ d’ḭ ginka’g lə Amat gə́ to bɔ ŋgaka Rekabje ya.

Currently Selected:

1 Sôrta Gḭka-Israɛlje 2: SBA2015

Highlight

Copy

Compare