SAKARAIA 2
2
A Kalou, ni sa lomani Jerusalemi, sa tala e dua me vakarauta, 1-5. A nodra veivakabulai na kai Saioni, 6-9. Sa yalayala na Kalou me tiko kei ira, 10-13.
1Au a qai ta cake, me'u vakaraica, ka raica, sa dua na tamata, sa taura e dua na wa i vakarau. 2Au a qai kaya, O sa lako kivei? A sa kaya vei au ko koya, Me'u vakarauti Jerusalemi, me'u kila na kena raraba, kei na kena balavu. 3Ka raica, sa lako yani na agilose keirau sa veivosaki kaya, ka sa dua tale na agilose sa mai tavaki koya, 4ka kaya vua, Mo cici, ka vosa vua na cauravou oqori, ka kaya, Ena tawa ko Jerusalemi ka na sivia sara na kena bai, e na vuku ni kena levu ni tamata kei na manumanu ena tiko kina: 5ia sa kaya ko Jiova, koi au ka'u na yaco me'u kena bai bukawaqa e vakavolivolita, me'u kenai ukuuku talega kina.
6Ie, Ie, koi kemudou, dou dui dro mai na vanua ni tokalau, sa kaya ko Jiova: ka ni ka'u a vakasevi kemudou vaka na cagi vava kei lomalagi sa kaya ko Jiova. 7I Saioni, ka tiko kaya na goneyalewa ni Papiloni mo vakabulai iko. 8Ni sa kaya vakaoqo ko Jiova ni lewe vuqa; Sa liu mai nai ukuuku sa qai talai au emuri ko koya ki na veimatanitu sa vakacacani kemudou: ia ko koya sa tarai kemudou sa tara na loa ni matana. 9Io, raica, au na dulaka na ligaqu vei ira, a ra na kau mei toki ni valu vei ira ka nodra bobula: ia dou na kila ni sa talai au mai ko Jiova ni lewe vuqa.
10Mo sere ka marau, na goneyalewa ni Saioni: raica, koi au, ka lako mai, ia ka'u na tiko e na kemudou maliwa, sa kaya ko Jiova. 11Ia na lewe ni veimatanitu e vuqa ena musuki ira vei Jiova e na siga ko ya, ka yaco me noqu tamata: au na tiko talega e na kemudou maliwa, ia dou na kila ni sai Jiova ni lewe vuqa sa talai au mai vei kemudou. 12Ia ko Jiova ena taukeni Juta me sa nonai votavota e na vanua tabu, ka na digitaki Jerusalemi tale. 13Dou tiko lo na tamata kecega e na mata i Jiova: ni sa tu cake ko koya mai na nonai tikotiko tabu.
Currently Selected:
SAKARAIA 2: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
