SAKARAIA 13
13
A mata-ni-wai, nai vakatakarakara ni soro ena vakacabora ko koya na Mesaia, na nodra i silisili na tamata ca era veivutuni, me na oti kina na cakacaka vakailasu, 1-6. Sa parofisaitaki ko koya, kei ira na Juta, 7-9.
1E na siga ko ya ena vure cake e dua na mata-ni-wai dauvure vei ira na mataqali i Tevita, kei ira na kai Jerusalemi, me vuivui ni valavala ca kei na tawa savasava. 2Ena yaco talega e na siga ko ya, sa kaya ko Jiova ni lewe vuqa, ka'u na bokoca laivi na yacadra na matakau mai vuravura, me kakua ni nanumi tale: ia ka'u na vakayalitaki ira na parofita talega e na vanua kei koya na yalo velavela. 3Ia ena yaco, kevaka ena parofisai tale e dua, ena qai kaya vua ko tamana kei tinana koi rau na nona qase, Ko na mate ga; ni ko sa cavuta na ka lasu e na yaca i Jiova: ka rau na cokabasikataki koya ko tamana kei tinana, ni sa ia na parofisai ko koya.
4Ia ena yaco e na siga ko ya, era na dui madua na parofita yadua e na vuku ni nona raivotu, ni sa ia na nona parofisai; ka ra na sega ni vakaisulu e nai sulu vutivuti me ia kina na veivakacalai: 5ka ra na dui kaya, Au sa sega ni parofita koi au, nai vakatau-ni-were ga koi au; ni'u a vakabobulataki ni'u sa gone. 6Ena qai kainaki vua, A we ni cava li oqori e ligamu? ena qai kaya ko koya, Oqo na we ni noqu vakamavoataki e na vale ni wekaqu.
7Mo yadra mai, nai seleiwau, me lauti koya na noqu i vakatawa, io, me lauti koya na tamata keirau sa dua vata kaya, sa kaya ko Jiova ni lewe vuqa: me yavita nai vakatawa, ka ra na dui vakasevi na sipi: ia ka'u na tarai ira na lalai e na ligaqu. 8Ia e na vanua taucoko, sa kaya ko Jiova, ena muduki tani e rua na kena wase me ra mate; ia na kenai katolu ni kena wase ena vo tu kina. 9Ia ka'u na vakauta nai katolu ni wase e loma ni bukawaqa, ka vakasavasavataki ira me vaka sa vakasavasavataki na siliva, ka vakatovolei ira me vaka sa vakatovolei na koula: era na masuta na yacaqu ko ira, ia koi au talega ka'u na rogoci ira: au na kaya, Era sa noqu tamata ko ira: ia ko ira talega era na kaya, sa neimami Kalou Ko Jiova.
Currently Selected:
SAKARAIA 13: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific