NA SERE I SOLOMONI 8
8
1Mo vakataki koya mada ga na taciqu,
Ko koya ka sucuma na sucu i tinaqu!
Ni'u na kunei iko e tautuba, ka'u na qai reguci iko:
Io, ka'u na sega ni beci kina:
22Ka'u na tuberi iko, ka kauti iko ki na vale nei tinaqu,
Sa na vakavulici au ko koya:
Ka'u na vagunuvi iko e na waini boi vinaka
Na dra ni noqu pomekaraneti.
3A ligana i mawi sa na kenai nono ni uluqu,
Ia na ligana i matau ena mokoti au.
4Au sa vakaroti kemudou, na goneyalewa ni Jerusalemi,
Mo dou kakua ni yavalata, se vakayadrati koya ka'u sa lomana,
Ka me vakatau mada ga vua.
5Ko cei sa lako cake mai oqo mai lekutu,
Ka sa raviti koya sa lomana?
Au a vakayadrati iko mai na ruku ni vu ni moli:
Sa vakasucumi iko maikea ko tinamu:
Sa taratara maikea ko koya ka vakasucumi iko.
6Mo tabaki au me vaka na mama ki lomamu, io, me vaka na mama ki ligamu:
Ni sa gumatua me vaka na mate na loloma;
Sa yalokaukauwa me vaka nai bulubulu na vuvu:
A kena qilaiso na qilaiso waqa,
Io, na yameyame ni buka sa kurukuru, 7Sa na sega ni bokoca rawa na loloma na wai e vuqa,
Ena sega talega ni luvuca rawa na waluvu:
Kevaka ena solia na tamata nai yau kece e nona vale mei sosomi ni loloma,
Sa na beci sara ga. 8Sa dua na tacidaru lailai,
Ka sa sega na sucuna:
A cava me daru ia e na vukuna na tacidaru
E na siga ena duguci kina? 9Kevaka e bai vatu ko koya,
Edaru na tara e delana na vale siliva cecere:
Ia kevaka nai sogo ni katuba ko koya,
Edaru na vakalatia e na papa sitari. 10Koi au ka'u sa bai vatu, ia na sucuqu sa vaka na vale-cecere:
Au a qai vaka e dua sa vinakati e matana. 11Sa dua na nona were-ni-vaini ko Solomoni mai Peali-amoni;
Ka sa lisitaka vei ira eso nai vakatawa;
Me ra dui kauta mai e dua na udolu na tiki ni siliva sai voli ni kena vuata. 12A noqu were-ni-vaini, o koya sa noqu dina, sa no mai:
Me nomu, Solomoni, e dua na udolu,
Ka rua na drau me nodra nai vakatawa ni vuata. 13Ko iko sa dautiko e na veiwere,
Era vakarorogo ki na domomu nai tokani:
Mo vakarogoya talega kivei au. 14Mo kusarawa, ko iko ka'u sa lomana,
Ia mo vaka na me kila se na luve ni teira
E na veiulu-ni-vanua ni kau boi vinaka.
Currently Selected:
NA SERE I SOLOMONI 8: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
