NA SERE I SOLOMONI 4
4
1Raica, ko sa matavinaka, na wekaqu; raica, ko sa matavinaka;
Na matamu sa vaka na mata ni ruve ka sa puloutaki tu:
Na drau ni ulumu sa vaka na qele ni me,
Sa rairai mai na ulu-ni-vanua ko Kiliati.
2A batimu sa vaka na qele ni sipi yalewa sa koti,
Ka sa lako cake mai nai silisili;
Ka sa dui luvei drua yadua,
Ka sa sega vei ira sa sega ni luvea.
3A tebenigusumu sa vaka na wa kulakula,
A sa daukilikili na nomu vosa:
A nomu kanavalavala sa vaka na tiki ni pomekaraneti
Sa puloutaki tu.
4A domomu sa vaka na vale-cecere i Tevita sa tara me vale ni yaragi,
Ka dua na udolu nai sasabai sa rube kina,
Na nodra i sasabai kecega na qaqa.
5A sucumu ruarua sa vaka e rua na me kila lalai erau drua,
Erau kana voli e na maliwa ni viavia.
6Ka'u na lako mada yani ki na ulu-ni-vanua ni mura,
Kei na ulu-ni-koro ni drega boi vinaka,
Ka yacova na kena kida na mataka, ka sa seavu yani na malamalawa.
7Ko sa matavinaka sara, na wekaqu;
Sa sega na tikimu e ca.
8Daru mai lako vata e Lepanoni, na watiqu,
Daru lako tani e Lepanoni:
Mo rai tu mai na dela i Emana,
Mai na dela i Siniri kei Erimoni,
Mai na nodra qara na laioni,
Mai na nodra ulu-ni-vanua na lepate.
9Ko sa rawa na lomaqu taucoko, na ganequ, na watiqu;
Ko sa rawa na lomaqu taucoko e na dua na matamu,
E na dua na sinucodo ni domomu.
10Na kena vinaka sara na nomu loloma, na wekaqu, na watiqu!
Na kena vinaka sara na nomu loloma na kena ca na waini!
Kei nai boi ni nomu i lumu e na kau boi vinaka kecega!
11A tebenigusumu, na watiqu, sa tiri me vaka na qa ni oni:
Na oni kei na wai-ni-sucu sa no e ruku ni yamemu;
Ia nai boi ni nomu i sulu sa vaka na kenai boi ko Lepanoni.
12A were sa viribaiti tu na wekaqu, na watiqu;
A mata-ni-wai sa sogo, nai vurevure ni wai sa dregati.
13A nomu i teitei na pomekaraneti, sa kamikamica na vuana;
Na kamifaia, kei na narita,
14Na narita kei na safaroni;
Na drove kei na sinamoni, kei na kau drega boi vinaka kecega;
Na mura kei na yasi, kei na kau kece e boi vinaka sara:
15Na mata-ni-wai ni veiwere,
Nai keli-wai bula,
Kei na uciwai mai Lepanoni.
16Mo yadra mai, na tokalau; mo liwa mai, na ceva;
Drau mudre mai ki noqu were, me tiri yani kina na kena drega sa boi vinaka.
Me lako mai ko koya ka'u sa lomana ki nona were,
Me kania na kena vua ni kau vinaka.
Currently Selected:
NA SERE I SOLOMONI 4: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
