NA SERE I SOLOMONI 1
1
A nodra veilomani ko Karisito kei ira nai soqosoqo lewe ni lotu sa tukuni e nai vola oqo, ni sa vakatakarakarataki e na nodrau veilomani na veiwatini.
1A sere ka uasivi e na veisere, o koya ka nei Solomoni.
2Me daureguci au ko koya na turaga e na regu ni gusuna:
Ni sa vinaka na nomuni loloma ka ca na waini.
3E na vuku ni kenai boi na nomu i lumu vinaka sara
Na yacamuni sa vaka nai lumu sa livi yani,
O koya era sa lomani kemuni kina ko ira na goneyalewa.
4Vakayarayarataki au; keitou na qai cicimuri kemuni:
Sa kauti au mai na tui ki na nona loqi:
Keitou na marau ka rekitaki kemuni,
Keitou na nanuma vakalevu ki na nomuni loloma ka vakalailai ki na waini:
Ko ira na yalododonu era sa lomani kemuni.
5Koi au na yalewa loaloa, ia ka'u sa matavinaka,
Koi kemudou na goneyalewa ni Jerusalemi,
Me vaka na vale laca ni Kitari, Ka vaka na vale i sulu i Solomoni.
6Kakua ni wanonovi au, ni'u sa loaloa,
Ni sa cilavi au na siga:
Era a cudruvi au na luve ni tinaqu;
Era a lesi au me'u vakatawa na veiwere-ni-vaini;
Ia na noqu were-ni-vaini ka'u a sega ni vakatawa.
7Tukuna mai vei au, koi kemuni ka'u sa lomana,
Se evei na yasana ko ni sa vakania kina na nomuni qele ni sipi, na yasana ko ni sa vakadavori ira kina e na siga
levu:
Ni'u na lako sese voli e na cava
Ki na nodra qele ni sipi na nomuni tokani?
8Kevaka ko sa sega ni kila, ko iko sa matavinaka sara vei ira na yalewa,
Mo muria voli na we ni yavadra na sipi,
Ka vakani ira na nomu luve ni me voleka ki na nodra vale laca nai vakatawa ni sipi.
9Au sa vakatauvatani iko, na wekaqu,
Kei na ose yalewa e na qiqi vakaturaga nei Fero.
10Sa yatuni tu na ka vakaiukuuku e na balumu,
Kei na domomu e na sinucodo koula.
11Keitou na cakava me nomu nai talitali koula,
Ka vakasavusavu siliva.
12Ni sa tiko na tui mai na nona tepeli,
Sa boi vinaka yani na noqu narita.
13Sa vaka e dua nai vau mura vei au ko koya ka'u sa lomana;
Ena davo no ga e na maliwa ni sucuqu.
14O koya ka'u sa lomana sa vaka vei au e dua na se ni kamifaia
E na veiwere-ni-vaini mai Eni-keti.
15Raica, ko sa matavinaka, na wekaqu; raica, ko sa matavinaka;
Na matamu sa vaka na mata ni ruve.
16Raica, sa matavinaka koi kemuni, ka'u sa lomana, io, ko sa yalovinaka:
A nodaru i davodavo talega sa ka drokadroka.
17Ai coka ni nodaru vale na sitari,
Na kenai sa na damanu.
Currently Selected:
NA SERE I SOLOMONI 1: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
