NA SAME 95
95
Sa vakarota na vakavinavinaka vua na Kalou levu ka loloma.
1Tou mai sere vei Jiova; Tou mai ia na meke vua na uluvatu ni noda bula.
2Tou lako mada vua ni da vakavinavinaka,
Ka reki ni da mai ia vua na same.
3Ni sa Kalou levu ko Jiova,
Ka sa Tui levu vei ira na kalou kecega.
4Sa tiko e ligana na vanua titobu kei vuravura;
Ka sa nona talega na veiulu-ni-vanua cecere.
5Sa nona na wasawasa, ni sa bulia ko koya:
Ka sa bulia na vanua mamaca na ligana.
6Tou mai lotu ka cuva sobu:
Tou mai vakatekiduru e na mata i Jiova, o koya ka buli keda.
7Ni sa noda Kalou ko koya,
Koi keda na tamata ni nona vanua, kei na sipi sa tubera ko koya.
E na siga edaidai kevaka dou sa via rogoca na domona,
8Dou kakua ni vakaukauwataka na yalomudou, me vaka e na veivakacudrui,
Me vaka e na siga ni dauvere mai na lekutu:
9Era na dauveretaki au kina ko ira na nomudou qase
Ka vakatovolei au vakaca, ni ra sa raica tiko na noqu cakacaka.
10E vasagavulu na yabaki ka'u a rarawa kina vei ira nai tabatamata ko ya,
Ka kaya, Era tamata e daulako sese na lomadra,
Ka ra sa sega ni kila na noqu i valavala:
11Ia ka'u a bubului kina vei ira e na noqu cudru
Ni ra na sega ni curu ki na noqu i vakavakacegu.
Currently Selected:
NA SAME 95: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
