NA SAME 81
81
Sa masuti ira na tamata me ra vakavinavinaka vei Jiova, 1-5. Sa vakaroti ira ko Jiova me ra talairawarawa, 6-16.
Vua na Domo-ni-Sere e na Kitica. A Same i Esafa.
1Dou sere vakadomoilevu vua na Kalou na noda kaukauwa:
Dou reki vakadomoilevu vua na Kalou i Jekope.
2Lagata na same, ka kauta mai na tibereli,
Kei na api domo vinaka kei na soliteri.
3Uvuca na davui e na vula vou,
E na gauna sa loku, e na siga ni noda solevu.
4Ni sa lesi na ka oqo vei ira na Isireli,
A vunau mai vua na Kalou i Jekope.
5Sa cakava na ka oqo mei vakadinadina vei ira na Josefa,
Ni sa lako tani voli mai na vanua ko Ijipita:
Na vanua ka'u a rogoca kina na vosa ka'u a sega ni kila.
6Au a laveta tani nai colacola mai na tabana:
Kei na ligana sa sereki mai na kuro.
7O a tagi ni ko a rarawa, ia ka'u a vakabulai iko;
Au a vosa vei iko mai na yasana vuni ni kurukuru:
Au a vakatovolei iko mai na wai mai Meripa. Sela.
8Dou vakarorogo, na noqu tamata, ka'u na tukutuku vei iko:
I Isireli, kevaka ko na vakarorogo vei au;
9Ena sega na Kalou tani me tiko kei iko;
Ia mo kakua ni cuva ki na Kalou ni kai tani.
10Oi au ko Jiova na nomu Kalou,
Ka kauti iko tani mai na vanua ko Ijipita:
Mo dalaga vakalevu, ia ka'u na vakamamautaki iko.
11Ia na noqu tamata, era sa sega ni via rogoca na domoqu;
Ka sa sega ni vinakati au ko ira na Isireli.
12Ia ka'u a biuti ira me ra muria na nodra yalokaukauwa:
Ka ra sa muria na nodra lewa.
13Ke ra sa vakarorogo mada vei au ko ira na noqu tamata,
Ka muria ga na noqu sala ko ira na Isireli:
14Ka'u a qai vakamalumalumutaki ira vakusakusa na nodra meca,
Ka vakalesuya na ligaqu me'u veivala kei ira era sa vakararawataki ira.
15O ira sa cati Jiova, era a qai soro vua:
Ia na nodra gauna na noqu tamata, sa na qai sega ni oti rawa.
16Ia sa na qai vakani ira ko koya e na witi vinaka sara:
Ka vakamamautaki iko e na oni mai na uluvatu.
Currently Selected:
NA SAME 81: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
