NA SAME 58
58
Sa vunauci na nodra i valavala na tamata ca, 1-5. Ena cudruvi ira na Kalou, 6-9; ia era na reki ga na yalododonu, 10,11.
Vua na Domo-ni-sere; Ali-tasikici. A Same i Tevita.
1Dou sa vosa dodonu vakaidina li, oi kemudou nai soqosoqo?
Dou sa lewa vakadodonu li, oi kemudou na luve ni tamata?
2E sega, e na lomamudou dou sa caka cala tiko;
A ligamudou sa vakarautaka na ka sa sega ni dodonu e na vanua oqo.
3O ira nai valavala ca era sa lako cala voli mai na kete i tinadra:
Era sa lako sese, ka vosa lasu tiko, mai na siga era sucu kina.
4A nodra weli gaga sa vaka na weli gaga ni gata:
Era vaka na gata didivara sa vakadidivarataka na daligana;
5Ka sa bese ni vakarorogo ki na domodra era dauuvu bitu,
Io kevaka sa uvuca vakavuku sara.
6Kemuni na Kalou, mo ni doloka na batidra e gusudra;
I Jiova, mo ni doloka sara na batidra lelevu na laioni kaukauwa.
7Me ra waicala yani me vaka na wai sa dave tiko:
Ni ra sa navuca na nodra dakai me vanataka na gasau, me sa tamusumusuki ga.
8Me ra waicala ka oti yani, me vaka na la dregadregata;
Me ra vaka na lutudole ni yalewa, sa sega ni kunea na mata-ni-siga.
9Ni sa bera ni kila na buka kau vakavotona na nomudou kuro,
Ena kauti ira tani ko koya me vaka e na covulaca, ni ra sa bula tiko, ka ni sa cudru ko koya.
10Era na reki na yalododonu ni ra kunea na veisausaumi:
Ena lomoca na yavana e na kedra dra nai valavala ca.
11Era na qai kaya kina na tamata,
E dina era na saumi ko ira na yalododonu;
E dina ni sa Kalou ko koya ka sa lewa e vuravura.
Currently Selected:
NA SAME 58: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
