NA SAME 149
149
Me ia na vakavinavinaka vei Jiova.
1Dou ia vei Jiova na vakavinavinaka.
Dou seretaka vei Jiova na sere vou, Kei na vakavinavinaka vua e na nodra i soqosoqo na tamata yalosavasava.
2Ko ira na Isireli, me ra rekitaki koya sa buli ira:
Na luve i Saioni, me ra rekitaka na nodra Tui.
3Me ra vakavinavinaka ki na yacana e na bitu-ni-vakatagi;
Me ra sere vua ka qiria na tibereli kei na api.
4Ni sa vinakati ira na nona tamata ko Jiova:
Ena vakaiukuukutaki ira na yalomalumalumu e na bula.
5Me ra reki vakalevu ko ira na yalosavasava:
Me ra sere vakadomoilevu e na nodra i mocemoce.
6Me sere vakaidina vua na Kalou na gusudra,
Ka me taura nai seleiwau batirua na ligadra;
7Me cudruvi ira na veimatanitu,
Ka turisautaki ira na lewe ni veivanua;
8Me vesuki ira na nodra tui e na sinucodo,
Kei na nodra turaga e nai vesu aironi;
9Me vakayacora vei ira na lewa sa volai:
Era sa dokai vakaoqo ko ira na nona tamata yalosavasava kecega.
Dou ia vei Jiova na vakavinavinaka.
Currently Selected:
NA SAME 149: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific