NA SAME 114
114
Sa daudokai na Kalou e na ka sa sega ni vosa rawa; ia sa kilikili kei ira na nona tamata me ra vakarokorokotaki koya.
1Ni sa lako tani mai Ijipita ko ira na Isireli,
Na mataqali i Jekope maivei ira na tamata sa dua tani na nodra vosa;
2Sa yaco me nona yasana tabu ko Juta,
Ka nona matanitu ko ira na Isireli.
3Sa kunea na wasawasa, ka sa dro:
Sa vakalesui ki cake ko Joritani.
4Sa rika voli na veiulu-ni-vanua me vaka na sipi tagane,
Kei na ulu-ni-koro lalai me vaka na luve ni sipi.
5A cava ka manati iko, na wasawasa, ni ko a dro?
Se ko iko, Joritani, ni ko a vakalesui ki cake?
6Se koi kemudou na ulu-ni-vanua, ni dou a rika voli me vaka na sipi tagane;
Kei kemudou na ulu-ni-koro lalai, me vaka na luve ni sipi?
7Mo sautaninini, ko iko vuravura, e na mata ni Turaga,
E na mata ni Kalou i Jekope;
8O koya ka vukica na vatu me drano,
Kei na vatu kaukauwa sara mei vurevure ni wai.
Currently Selected:
NA SAME 114: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
