NA SAME 108
108
Sa vakavinavinaka ko Tevita, ka sa masulaki koya kei na nona vanua.
A Same i Tevita.
1Kemuni na Kalou, sa dei na yaloqu;
Au na sere ka vakavinavinaka, ia ka'u na vakaiukuukutaka.
2Drau yadra mai, na soliteri kei na api:
Ia koi au ka'u na souta e na mataka.
3Au na vakavinavinaka vei kemuni Jiova, e na veimatanitu:
Au na sere vei kemuni e na kedra maliwa na veimataqali:
4Ni sa sivia na lomalagi na kena levu ni nomuni loloma:
Ka sa yacova na o na nomuni dina.
5Mo ni cecere, na Kalou, ka me lolovira ko lomalagi:
Kei na nomuni lagilagi ki vuravura taucoko;
6Me vakabulai kina ko koya ko ni sa lomana,
Mo ni vakabulai au e na ligamuni matau, ka rogoci au.
7Sa vosa oti na Kalou e na nona yalosavasava; au na rekitaka;
Au na votai Sikemi, ka vakarauta na buca mai Sukoci.
8Sa noqu ko Kiliati; sa noqu ko Manasa;
Ai vakaruru ni uluqu ko Ifireimi;
A noqu tamata daulewa ko Juta;
9A noqu i vuivui ko Moapi;
Ka'u na viritaka ki Itomi na noqu i vava:
Ka'u na kailataki Filisitia.
10O cei ena kauti au ki na koro kaukauwa?
O cei ena tuberi au ki Itomi?
11Oi kemuni na Kalou, se segai, oi kemuni ka sa biuti keimami?
Ia koi kemuni na Kalou, ko ni sa sega ni lako vata kei na neimami valu?
12Mo ni vukei keimami mai na ka rarawa:
Ni sa sega ni yaga na nodra veivuke na tamata.
13E na vuku ni Kalou eda na gugumatua:
Ni sai koya ga ena buturaka sobu na noda meca.
Currently Selected:
NA SAME 108: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
