JOSUA 14
14
Ai valavala ni veivota vanua, 1-5. Sa nei Kelepi ko Epironi, 6-15.
1Ia oqo era sa taukena na Isireli mai na vanua ko Kenani, o koya sa solia ko Eliesa na bete, kei Josua na luve i Nuni, kei iratou na qase ni nodra veimataqali na Isireli, mei votavota vei ira: 2ka sa votai e na vakawiri madigi, me nodra na mataqali e ciwa, kei na dua na kena wase ni mataqali, me vaka ka vakarota ko Jiova e na gusu i Mosese: 3ni sa solia oti ko Mosese na nodra tikina na mataqali e rua, ka dua na kena wase ni mataqali, mai tai kadua ni Joritani: ia sa sega ni solia ko koya edua nai votavota vei ira na Livai e na kedra maliwa. 4Ni sa rua na mataqali, ko Manasa kei Ifireimi, koi rau na luve i Josefa, ia era sega kina ni solia e dua na tiki ni vanua vei ira na Livai, era solia ga na veikoro me ra tiko kina, kei na vanua veico sa volita, me yaga ki na nodra manumanu e yavai va kei na nodra i yau. 5Me vaka sa vakarota vei Mosese ko Jiova, era kitaka vakakina ko ira na Isireli, ka ra sa vota na vanua.
6Era qai lako mai vei Josua ki Kilikali ko ira na Juta: a sa kaya vua ko Kelepi na luve i Jifune, na Kenisaiti, O sa kila na vosa ka kaya vei Mosese, e na vukudaru, mai Ketesa-parinea. 7Sa vasagavulu na noqu yabaki ni sa talai au mai Ketesa-parinea ko Mosese, nai talatala ni Kalou, me'u la'ki yamata; ia ka'u a kauta tale vua na vosa sa tu e lomaqu. 8Ia ko iratou na wekaqu keitou a lako vata, eratou vakadatuvutaka na yalodra na tamata: ia koi au ga, ka'u a muri Jiova sara ga na noqu Kalou: 9a sa bubului e na siga ko ya ko Mosese, ka kaya, Ena nomu i votavota vakaidina ga na vanua sa butuka na yavamu, kei na nodra na nomu kawa ka tawa mudu ni ko sa muri Jiova sara ga na noqu Kalou. 10Ia oqo, raica, sa vakabulai au tikoga ko Jiova, e na yabaki e vasagavulu ka lima oqo, ni ra sa veilakoyaki tikoga na Isireli mai na vanua liwa, me vaka ka kaya ko koya, io mai na siga ka vosataka kina na vosa oqo ko Jiova vei Mosese; io oqo, raica, sa qai walusagavulu ka lima oqo, ni ra sa veilakoyaki tikoga na Isireli mai na vanua liwa, me vaka ka kaya ko koya, io mai na siga ka vosataka kina na vosa oqo ko Jiova vei Mosese; io oqo, raica, sa qai walusagavulu ka lima na noqu yabaki edaidai: 11au sa kaukauwa tiko edaidai, me vaka e na siga ka talai au kina ko Mosese: na noqu kaukauwa edaidai sa vaka na noqu kaukauwa e na siga ko ya, me'u la'ki valu, se me'u lako yani, ka me'u lesu mai. 12Ia oqo, mo solia kina vei au na ulu-ni-vanua oqo, ka vosa kina ko Jiova e na siga ko ya; ni ko a rogoca e na siga koya ni ra sa tiko kina na luve i Anaki, ka sa lelevu ka vakabai na veikoro: ena tiko beka kei au ko Jiova, ka'u na qai vakasavi ira rawa, me vaka ka kaya ko Jiova.
13A sa vosavakalougatataki koya ko Josua, ka soli Epironi vei Kelepi na luve i Jifune me taukena. 14O koya sa taukeni Epironi kina ko Kelepi na luve i Jifune, na Kenisaiti, ka yacova na siga oqo, ni sa muri Jiova sara ga, na Kalou ni Isireli, ko koya. 15Ia na yaca i Epironi eliu, Na koro i Aripa, o koya na tamata ka rogo levu vei ira na luve i Anaki. A sa tawa mudu nai valu e na vanua.
Currently Selected:
JOSUA 14: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
