JOSUA 12
12
Ai wiliwili ni tui era gu ca.
1Ia ko ira oqo na tui ni vanua, sa ra mokuta na Isireli, ka ra qai taukena na nodra vanua e na tai kadua ni Joritani vaka ki nai cadracadra ni mata-ni-siga, mai na uciwai ko Arinoni ki na ulu-ni-vanua ko Erimoni, kei na vanua cecelevu kece mai na vanua mai na tu-i-cake: 2o Sioni na nodra tui na Amoraiti, ko koya ka tiko mai Esiponi, ka lewa mai Aroeri, ko ya sa tu mai na bati ni uciwai ko Arinoni, kei na loma ni uciwai, kei na dua na kena wase ni Kiliati, ka yacova na uciwai ko Japoki, nai yalayala ni nodra vanua na luve i Amoni; 3kei na vanua cecelevu talega ka yaco ki na wasawasa ko Kineroci mai na tu-i-cake, ka yaco ki na wasawasa mai na vanua cecelevu, na Wasa Tuituina mai na tu-i-cake, e na sala ki Peci-jisimoci; mai na ceva talega e ruku i Asitoci-pisika: 4kei na yasana nei Oki na tui Pasani, o koya ka vo vei ira na tamata yagolevu, ka tiko mai Aseteroci kei Etirei, 5a sa lewa mai na ulu-ni-vanua ko Erimoni, kei Salika, kei Pasani taucoko, ka yacova na nodra i yalayala na kai Kisuri, kei na luve i Meeka, kei na dua na kena wase i Kiliati, na yasana nei Sioni na tui Esiponi. 6Sa mokuti ira oqo ko Mosese nai talatala i Jiova, kei ira na Isireli: a sa solia ko Mosese nai talatala i Jiova vei ira na Rupeni, kei ira na Kata, kei na dua na kena wase ni mataqali i Manasa, me ra taukena.
7Ia ko ira oqo na tui ni vanua ka mokuta ko Josua, kei ira na Isireli, e na tai oqo ni Joritani vaka ki ra, sa vakatekivu mai Peali-kata e na buca kei Lepanoni ka yacova na ulu-ni-vanua ko Alaki, sa lako cake ki Sia; ia sa solia ko Josua ki na veimataqali ni Isireli me ra taukena, me vaka na kedrai wasewase; 8e na veiulu-ni-vanua, kei na veibuca, kei na vanua cecelevu, kei na veimata-ni-wai, e na lekutu talega, kei na vanua sa no e na mata ni Ceva; o ira na Itaiti, o ira na Amoraiti, kei ira na kai Kenani, o ira na Perisaiti, o ira na Aivaiti, kei na Jepusaiti: 9na tui Jeriko, e dua; na tui Ai, sa voleka ki Peceli, e dua; 10na tui Jerusalemi, e dua; na tui Epironi, e dua; 11na tui Jarimoce, e dua; na tui Lakisi, e dua; 12na tui Ekiloni, e dua; na tui Keseri, e dua; 13na tui Tipiri, e dua; na tui Keteri, e dua; 14na tui Orima, e dua; na tui Arati, e dua; 15na tui Lipina, e dua; na tui Atulama, e dua; 16na tui Maketa e dua; na tui Peceli, e dua; 17na tui Tapua, e dua; na tui Eferi, e dua; 18na tui Efeki, e dua; na tui Leseroni, e dua; 19na tui Matoni, e dua; na tui Asori, e dua; 20na tui Simironi-mironi, e dua; na tui Ekisafi, e dua; 21na tui Teenaki, e dua; na tui Mikito, e dua; 22na tui Ketesi, e dua; na tui Jokiniami, mai Kameli, e dua; 23na tui Toa, mai na yasana nei Toa, e dua; na tui ni veivanua mai Kilikali, e dua; 24na tui Tirisa, e dua: na tui kecega, era le tolusagavulu ka dua.
Currently Selected:
JOSUA 12: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
