JONA 2
2
A masumasu i Jona, 1-9. Sa vakabulai koya ko Jiova, 10.
1A sa masu ko Jona vei Jiova na nona Kalou ni sa tiko e na kete ni ika; 2ka sa kaya, Au a tagi vei Jiova e na vuku ni noqu rarawa, A sa rogoci au ko koya; Mai na loma i etesi ka'u a qoqolou, Ko ni a rogoca na domoqu. 3Ni kemuni a biuti au ki na wasa titobu, ki na loma ni wasa levu; Ia sa vakavolivoliti au na ua: A nomu biau kei na nomu biau kecega sa luvuci au. 4Ia koi au ka'u a kaya, Au sa vakasevi tani mai na matamuni; Ia ka'u na goleva tale na nomuni vale tabu. 5Sa mai luvuci au na wai, sa yacova sara na yaloqu: Sa voliti au na wai titobu, Sa viviraka na uluqu na lumi. 6Au a lako sobu ki na vu ni veiulu-ni-vanua; Ia ko vuravura, na kenai sogo sa vakalati au ka sega ni mudu: Ia ko sa vueta tani ga na noqu bula mai na rusa, Jiova na noqu Kalou. 7Ni sa luvu e lomaqu na yaloqu, au a qai nanumi Jiova: A sa curu vei kemuni na noqu masu, ki na nomuni vale tabu. 8O ira era sa dauqarava na ka lasu wale, Era sa biuta na vu ni nodra vinaka. 9Ia koi au, ka'u na ia nai madrali vei kemuni e na domo ni vakavinavinaka; Au na cakava na ka ka'u a bubului kina. Sa maivei Jiova na veivakabulai. 10Sa qai vosa ki na ika ko Jiova, ka sa luaraki Jona ki na vanua mamaca.
Currently Selected:
JONA 2: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
