JOPE 26
26
Sa vunauci Pilitati ko Jope, 1-4, a sa tukuna na nona cakacaka rerevaki na Kalou, 5-14.
1Sa qai vosa ko Jope, ka kaya,
2Ko sa vukei koya vakacava sa sega ni kaukauwa?
Ko sa vakabula vakacava na liga i koya sa malumalumu?
3Ko sa vakavulici koya vakacava sa sega vua na vuku?
Ka tukuna sara vakacava na ka e dodonu?
4Ko sa cavuta vei cei na vosa?
Ia na yalo i cei sa lako maivei iko?
5Ko ira na mate era sautaninini,
E ruku ni wai, kei ira era tiko kina.
6Sa sega ni tabogo e matana ko Etesi,
A sa sega ni ubi ko Rusa.
7Sa tevuka yani na tokalau mai na vanua lala,
Ka sa vakarubeci vuravura e na ka sa sega ga.
8Sa vauca na wai e nona o vavaku;
A sa sega ni kadresu na o e rukuna.
9Sa vakatatabuya na mata ni nonai tikotiko,
Ka sa tabonaka e na nona o.
10Sa volita na wai e na kenai yalayala,
Ka me oti mada na siga kei na bogi.
11Sa sautaninini na duru kei lomalagi,
A sa kidacala ni sa vunauca ko koya.
12Sa wasea na wasawasa e nona kaukauwa,
A sa laubasikataki koya na viavialevu e na nona vuku.
13Sa vakaiukuukutaka na lomalagi e na yalona;
Sa bulia na gata takelo na ligana.
14Raica, oqori ga na nonai valavala vakatikina eso:
Ia na vakasolokakana walega eda sa rogoca kina:
Ia na kurukuru ni nona kaukauwa, ko cei me na kila rawa?
Currently Selected:
JOPE 26: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
