AISEA 27
27
A loloma ni Kalou ki na nona were ni vaini, 1-5. E dua tani na nona yaviti ira na nona tamata ka dua tani na nona cudruvi ira na nona meca, 6-13.
1E na siga ko ya, ena vakayacora na cudru ko Jiova e na nonai seleiwau gata ka levu ka kaukauwa vei Livaiacani na gata totolo, io vei Livaiacani na gata sa cibini; ia ena vakamatea ko koya na gata levu ka tiko mai na wasawasa. 2E na siga ko ya dou seretaka na were-ni-vaini. 3Koi au ko Jiova ka'u sa kenai vakatawa; ka'u na vakasuasuataka tikoga; de dua sa vakacacana, ka'u na vakatawa e na siga kei na bogi. 4Sa sega vei au na cudru waqawaqa: ko cei me na via tuva na soni kei na kau vakavotona me ia nai valu vei au? ka'u na sa curu basikataki ira, ka'u na sa vakama vata. 5Ke sega, me qai taura mada ko koya na noqu kaukauwa, me ia na veivinakati kei au; ena qai ia kina na veivinakati kei au.
6E na gauna maimuri ena tei sobu ko Jekope; ena se ka beta ko Isireli, ia era na robota na dela i vuravura e na vuadra. 7Sa yaviti koya li ko koya me vaka sa yaviti ira era a yaviti koya? se sa vakamatei ko koya me vakataki ira era sa vakamatea ko koya? 8Sa vakarauti ga na nomu veicudruvi kaya ni ko a vakatalai koya tani: sa kauti koya tani e nona cagi kaukauwa e na siga ni cagi mai na tu-i-cake. 9E na ka oqo ena sava tani kina na caka cala i Jekope; ia oqo na vuana kecega me na kauta tani na nonai valavala ca; ni sa cakava ko koya na vatu kecega ni cabocabo-ni-soro me tautauvata kei na lase sa kakavorovoro, me sega ni tu cake tale na matakau i Asetoreci kei na mata-ni-siga. 10Ia ena lala ga na koro kaukauwa, kei nai tikotiko sa na biu laivi me vaka na veikau: ena kana voli kina na luve ni pulumokau, ka koto sobu kina ka kania sara na tabana. 11Ni sa malai na tabana, ena qai musuki laivi: era na mai visa ko ira na yalewa: e na vuku ni ra sa sega ni tamata yalomatua, ena sega ni yalololoma kina vei ira ko koya ka bulia, ia ko koya ka bulia ena sega ni lomani ira. 12Ia ena yaco e na siga ko ya, ena tauca ko Jiova na nona vuata mai na dreke ni Uciwai ka yacova na uciwai ko Ijipita, ia dou na soqoni yadua mai, koi kemudou na Isireli. 13Ia ena yaco e na siga ko ya, ena uvu na davui levu, ka ra na lako mai na vanua ko Asiria ko ira era voleka ni rusa, kei ira era tiko se mai na vanua ko Ijipita, a ra na mai cuva vei Jiova e na ulu-ni-vanua tabu mai Jerusalemi.
Currently Selected:
AISEA 27: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
