2 KORINICA 2
2
Sa kaya ko koya me ra lomani koya tale na tamata ka cala ka sa qai veivutuni, ni sa vakakina ko koya, 111. Sa qai tukuna na ka sa lako kina ki Masitonia, a sa tukuna ni sa vakarokorokotaki na Kalou e nai tukutuku-vinaka, 1217.
1Ia kau sa lewa vakaoqo e na lomaqu, meu kakua ni lako tale vei kemudou e na veivakararawataki. 2Io, kevaka kau sa vakararawataka na lomamudou, o cei sa vakamarautaki au, o koya duaduaga kau sa vakararawataka? 3Ia kau a vola vakakina vei kemudou, de vakararawataki na lomaqu, niu lako yani, e na vukudra sa dodonu meu reki kina; kau sa vakararavi ga vei kemudou kecega ni sa nomudou kecega na noqu reki. 4Ni sa rarawa vakalevu ka yaluma na lomaqu niu a vola vei kemudou, a sa vakawai vakalevu na mataqu; sa segai mo dou rarawa kina, ia mo dou kila ga ni sa levu sara na noqu loloma vei kemudou.
5Ia kevaka e dua sa ia na veivakararawataki, sa sega ni vakararawataki au ga ko koya, ia (meu kakua ni bitaka vakalevu) koi kemudou kece talega. 6Sa rauti koya sa vakakina na kenai sau oqo, sa yaco vua maivei ira na lewe vuqa: 7ka sa kilikili cake kina mo dou kua soti ni cudruva, ka mo dou vakaceguya, de luvuci koya sa vakaoqo na nona rarawa levu sara. 8O koya oqo kau sa masuti kemudou kina, mo dou vakadinadinataka na nomudou loloma vei koya. 9Ni sa ka talega oqo kau a vola yani kina, meu kilai kemudou kina, se dou sa talairawarawa e na ka kecega, se segai. 10Ia kevaka dou sa sega ni cudruva e dua e na dua na ka, au sa vaka talega kina koi au; ia kevaka kau sa sega ni cudrutaka e dua na ka, sai kemudou ga kau sa sega ni cudrutaka e dua na ka, sai kemudou ga kau sa sega ni cudrutaka kina, e na mata i Karisito; 11me kakua ni rawai keda ko Setani: ni da sa sega ni lecava na nona daulawaki.
12IA niu a lako ki Tiroa e na vuku ni tukutuku-vinaka kei Karisito, a sa dolava vei au na katuba na Turaga, 13sa sega ni cegu na yaloqu, niu sa sega ni kunei Taito na wekaqu: au sa qai tatau vei ira, ka lako tani ki Masitonia.
14Me ia na vakavinavinaka vua na Kalou, o koya sa tuberi keitou tikoga e na reki e na yaca i Karisito, ka sa vakatakila vata kei keitou e na yasana kecega ni sa boi vinaka na kilai koya. 15Ni sai Karisito keitou sa boi vinaka kina e na mata ni Kalou, vei ira era sa vakabulai tiko, vei ira talega era sa vakarusai tiko: 16vei ira oqo sa boiboi veivakamatei me ra mate kina; vei ira oqori sa boiboi veivakabulai me ra bula kina. Ia ko cei sa rawata na veika oqo? 17Ni keitou sa sega ni dauvakatanitaka na vosa ni Kalou, me vakataki ira na lewe vuqa; ia keitou sa vakataki ira era sa dina sara, me vaka sa mai vua na Kalou, e na mata ni Kalou, keitou sa vosa e na yaca i Karisito.
Currently Selected:
2 KORINICA 2: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
