1 TIMOCI 3
3
Sa tukuna ko koya nai valavala e kilikili kei ira nai talatala qase kei nai talatala lalai, 113. Sa vakaroti Timoci vakakina, ka tukuna nai vakavuvuli dina, 1416.
1Sa dina na vosa, Kevaka e dua sa gadreva na cakacaka vakaitalatala qase, sa gadreva na cakacaka vinaka. 2O koya sa kilikili kaya nai talatala qase me tawa cala, me dua bauga na watina, me yalomamakutu, me yalomatua, mei valavala dodonu, me daulomasoli, me vakatavuvuli vakavuku; 3me kakua ni daugunu waini, me kakua ni dauveivala, me kakua ni daugarova nai yau vakasisila: me yalomalua, me kakua ni daucudrucudru, me kakua ni daukocokoco; 4me lewai ira vinaka na nona lewe-ni-vale, ka me talairawarawa ko ira na luvena ka ia nai valavala sa kilikili; 5(ia kevaka sa dua na tamata sa sega ni lewai ira rawa na nona lewe-ni-vale, ena raica vakavinaka vakaevei nai soqosoqo lewe ni lotu ni Kalou?) 6me kakua e dua sa qai lotu, de viavialevu, ka cudruvi kina me vaka na tevoro. 7A sa dodonu talega me rogo vinaka vei ira e taudaku; de bale ki na ka ena vosavakacacataki kina, kei nai cori ni tevoro.
8Me yaloqaseqase ko ira talega na tuirara, me ra kakua ni veivakaisini e na vosa, me ra kakua ni guta vakalevu na waini, me ra kakua ni daugarova nai yau vakasisila; 9me ra taura matua nai vakavuvuli ka vuni eliu era sa qai vakabauta, e na lewa-eloma vinaka. 10Ia me ra vakatovolei mada eliu ko ira talega oqo; me ra qai yaco me tuirara ni ra sa sega ni cala. 11Me yaloqaseqase ko ira talega na yalewa, me ra kakua ni daukakase, me ra yalomatua, ka lomadina e na ka kecega. 12Me sa yadua ga na watidra na tuirara, ia me ra lewai ira vinaka na luvedra, kei na nodra lewe-ni-vale. 13Ia ko ira era sa kitaka vinaka na cakacaka ni tuirara, era sa rawata kina me ra tubu cake, a ra sa doudou talega me tukuna na vakabauti Karisito Jisu.
14A veika oqo kau sa vola vei iko, ia kau sa vakanuinui meu lako kusarawa yani vei iko: 15ia kevaka kau sa dede, mo kila nai valavala sa kilikili kei ira na tamata e na vale ni Kalou, oqori nai soqosoqo lewe ni lotu ni Kalou bula, na duru kei na yavu ni vakavuvuli dina.
16Ia na ka oqo sa sega ni veiletitaki ni sa ka levu na ka ni Kalou ka vuni tu eliu: Sa rairai vakatamata na Kalou, sa vakadinadina vei koya na Yalo Tabu, sa raici koya na agilose eso, sa vunautaki ko koya vei ira na veimatanitu, sa vakabauti koya eso na kai vuravura, sa kau cake ki na vanua vakaiukuuku.
Currently Selected:
1 TIMOCI 3: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
