1 VEIGAUNA 9
9
Sa tiko mai Jerusalemi eso na mataqali mai na veimataqali, 2-34. O ira ka tubu vei Saula, 35-44.
1A sa wili na nodra i tabatamata na Isireli kecega; ka raica, sa volai e na kedrai vola na tui Isireli: ia sa kau vakabobula ki Papiloni ko ira na mataqali i Juta e na vuku ni nodra talaidredre.
2Ia nai taukei eliu era sa tiko e na nodra vanua, e na nodra veikoro, sai ira na Isireli, ko ira na bete, ko ira na Livai, kei ira na Necinimi. 3A sa tiko mai Jerusalemi eso vei ira na mataqali i Juta, ka so vei ira na mataqali i Penijamini, ka so vei ira na mataqali i Ifireimi, kei ira na Manasa. 4Ko Ucei na tagane na luve i Amiute, na tagane na luve i Omirai, na tagane na luve i Imiri, na tagane na luve i Pani, maivei ira na luve i Feresi na luve i Juta. 5Ka so vei iratou na kai Sailo: ko Asaia na ulumatua, kei iratou na luvena tagane. 6Ka so vei iratou na tagane na luve i Sira: ko Jiueli, kei na wekadra, era le ono na drau ka ciwasagavulu.
7Ka so vei ira na tagane na luve i Penijamini; ko Salu na luve i Mesulame ka tagane, na luve i Otevaia ka tagane, na luve i Senua ka tagane, 8kei Ipinaia na tagane na luve i Jiroame kei Ela na tagane, na luve i Usai, na luve i Mikiri ka tagane, kei Mesulame na luve i Sefataia ka tagane, na luve i Riueli ka tagane, na luve i Ipinaia ka tagane; 9kei na wekadra e na nodra i tabatamata, era le ciwa na drau ka limasagavulu ka ono. O ira kece na tagane oqo era sa qase turaga e na mataqali ni nodra qase.
10Ia maivei ira na bete: ko Jitaia, kei Jioiaripi, kei Jakini, 11kei Asaraia na luve i Ilikaia ka tagane, na luve i Mesulame ka tagane, na luve i Setoki ka tagane, na luve i Miraioci ka tagane, na luve i Eiitupi ka tagane, o koya sa lewa na vale ni Kalou; 12kei Ataia na luve i Jiroame ka tagane, na luve i Pasuri ka tagane, na luve i Malikaia ka tagane, kei Masei na luve i Etieli ka tagane, na luve i Jasera ka tagane, na luve i Mesulame ka tagane, na luve i Misilemeci ka tagane, na luve i Ima ka tagane, 13kei na wekadra era turaga e na mataqali ni nodra qase, sa le dua na udolu ka vitu na drau ka onosagavulu; era tamata yaga sara e na cakacaka kecega e na vale ni Kalou.
14Ia maivei ira na Livai: ko Semaia na luve i Asupi ka tagane, na luve i Asirikame ka tagane, na luve i Esapaia ka tagane, maivei ira na tagane na luve i Mirari: 15kei Pakipakari, ko Eresi, kei Kalali, kei Matanaia na luve i Maika ka tagane, na luve i Sikiri ka tagane, na luve i Esafa ka tagane; 16kei Opetaia ka tagane na luve i Semaia, na luve i Kalali ka tagane, na luve i Jitucuni ka tagane, kei Perekaia na luve i Esa ka tagane, na luve i Elikana ka tagane, o ira sa tiko e na nodra koro lalai na kai Nitofa. 17Ia ko ira nai vakatawa ni katuba: ko Salumi; kei Akupi, kei Talimoni, kei Eiimani, kei ira na wekadra: sa nodra turaga ko Salumi; 18ia era sa tiko ga e na matamata-ni-koro ni tui vaka ki na tu-i-cake: erai vakatawa ni katuba e na nodra i tikotiko na Livai. 19Ia ko Salumi na luve i Kore ka tagane, na luve i Epaiasafi ka tagane, na luve i Kora ka tagane, kei ira na wekana, e na mataqali ni nona qase, ko ira na luve i Kora, era sa lewa na cakacaka, erai vakatawa ni katuba ni Vale tabu: a sa turaga ni tikotiko i Jiova ko iratou na nodra qase, erai vakatawa ni curucuru ni vale. 20Ia ko Finiase na luve i Eliesa ka tagane, sa lewai ira eliu, a sa totaki koya ko Jiova. 21Sai vakatawa ni katuba ni vale ni veitavaki ko Sakaraia na luve i Miselimaia ka tagane. 22O ira kecega oqo sa digitaki mei vakatawa ni matamata-ni-koro, era sa le rua na drau ka tinikarua. Era sa wili e na nodra i tabatamata, e na nodra veikoro lalai, o ira ka lesia ko Tevita kei Samuela na rairai ni ra sa yalodina. 23Ia ko ira kei na luvedra era sa dauvakaraica na matamata-ni-koro ni vale i Jiova, oqori na Vale tabu, ni ra veivuke vakatawa. 24Era sa tiko e na yasana vava ko ira nai vakatawa, vaka ki na tu-i-cake, ki ra, ki na tokalau, ki na ceva talega. 25Ia ko ira na wekadra, era sa tiko e na nodra veikoro lalai, era daulako vakabogi vitu kei ira. 26Ia sa yalodina nai vakatawa vava sa liu, ko iratou na Livai a ratou sa lewa na veitaba-ni-vale e cake kei nai yau ni vale ni Kalou. 27A ra sa dautiko vakavolivolita na vale ni Kalou, ni sa nodra i tavi me ra vakaraica, ka sa nodra i tavi talega me dolava e na veimataka kecega. 28Ia eso vei ira sa nodra i tavi nai yaya ni cakacaka, me ra wilika ni sa kau ki loma, ka wilika talega ni sa kau ki tautuba. 29A sa lesi eso vei ira me ra vakaraica nai yaya, io nai yaya ni vale tabu kecega, kei na madrai droka vinaka, kei na waini, kei na waiwai, kei na kau boi vinaka, kei nai saluaki. 30Ka so vei ira na luvedra tagane na bete era sa dau ulia nai lumu e vakaisaluaki. 31Ia ko Matacaia, e dua vei ira na Livai, o koya na ulumatua i Salumi na luve i Kora, sa nonai tavi me lewa na ka sa tavuteke. 32Ka so tale vei ira na wekadra, era luvedra tagane na Koaca, sa nodra i tavi na madrai dauyatuni, me ra vakarautaka e na veisiga ni vakacecegu. 33Ia ko ira oqo na dau-ni-sere, era nodra qase turaga na Livai, era tiko vakadua e na veivale e cake ka ra sa lalaga mai na cakacaka tani; ni ra sa ia tiko na cakacaka oqo e na siga kei na bogi. 34O ira oqo na nodra qase turaga na Livai, era sa liu e na nodra i tabatamata; ka ra sa tiko ko ira oqo mai Jerusalemi.
35A sa tiko mai Kipioni na tama i Kipioni, ko Jieli, ia na yaca ni watina ko Meeka; 36a nona ulumatua tagane ko Apitoni, ka tarava ko Suri, ko Kisi, ko Peali, ko Neri, ko Netapi, 37ko Kitori, ko Eiio, ko Sakaraia, kei Mikiloci. 38A sa vakatuburi Semea ko Mikiloci. Ia ko ira talega oqo era tiko vata kei ira na wekadra mai Jerusalemi, ka donuya na wekadra. 39A sa vakatuburi Kisi ko Neri; ka vakatuburi Saula ko Kisi, ka vakatuburi Jonacani ko Saula, kei Malikisua, kei Epinatapi, kei Esipeali. 40Ia na luve i Jonacani ka tagane, ko Miripi-peali; a sa vakatuburi Maika ko Miripi-peali. 41Ia ko iratou na luve i Maika eratou tagane: ko Piconi, kei Meleki, kei Tarea, kei Easi. 42A sa vakatuburi Jara ko Easi; a sa vakatuburi Alemeci, kei Asimavece, kei Simirai, ko Jara; a sa vakatuburi Mosa ko Simirai; 43a sa vakatuburi Pina ko Mosa; ia sa luvena ko Rifaia ka tagane, sa luvena ko Elasa ka tagane, sa luvena ko Aseli ka tagane. 44A sa le ono na luve i Aseli, na yacadratou oqo: ko Asirikame, ko Pokiru, kei Isimeli, kei Siaraia, kei Opetaia, kei Anani. O iratou oqo na luve i Aseli eratou tagane.
Currently Selected:
1 VEIGAUNA 9: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
