1 VEIGAUNA 24
24
A nodratou i lawalawa na luve i Eroni, 1-19. A kena vo ni luvedra na Livai, 20-31.
1Ia oqo na nodratou i lawalawa na luve i Eroni. O iratou na luve i Eroni ka tagane: ko Netapi, kei Epaiu, ko Eliesa, kei Icama. 2Ia sa mate ko Netapi kei Epaiu ni sa bula ko tamadrau, ka sega na luvedrau: a sa ia na cakacaka vakabete ko Eliesa kei Icama. 3Ia ko Tevita kei Setoki vei ira na luve i Eliesa ka tagane, kei Eiimeleki vei ira na luve i Icama, sa wasei ira, me vaka na nodra i tavi e na nodra cakacaka.
4A sa le vuqa cake na tamata sa liu sa kune vei ira na luve i Eliesa ka lailai vei ira na luve i Icama; a ra sa qai wase vakaoqo. Sa lewe tinikaono na tagane sa liu vei ira na luve i Eliesa, e na veimataqali ni nodra qase; ka sa lewe walu na tagane vei ira na luve i Icama, me vaka na mataqali ni nodra qase. 5A ra sa tawase vakaoqo e na vakawiri madigi, e dua oqo ka dua ko ya; ni ra sa lesi mai vei ira na luve i Eliesa, kei ira na luve i Icama, ko ira sa turaga e na vale tabu, kei ira sa turaga e na veika ni Kalou.
6Ia ko Semaia na luve i Nicaneli ka tagane, na vunivola, e dua vei ira na Livai, sa volai ira e na mata ni tui, kei na matadra na turaga, kei Setoki na bete, kei Eiimeleki na luve i Epaiaca, kei ira na nodra qase turaga na bete kei ira na Livai: sa dua na mataqali sa wili vei Eliesa, ka dua sa wili vei Icama.
7A ra vakawiri madigi vakadua a sa qaravi Jioiaripi, nai karua sa qaravi Jitaia, 8ai katolu sa qaravi Erimi, ai kava sa qaravi Siorimi, 9ai kalima sa qaravi Malikaia, ai kaono sa qaravi Maijamini, 10ai kavitu sa qaravi Akosi, ai kawalu sa qaravi Apaija, 11ai kaciwa sa qaravi Jesua, ai katini sa qaravi Sekanaia, 12ai katinikadua sa qaravi Ilaiasipi, ai katinikarua sa qaravi Jakimi, 13ai katinikatolu sa qaravi Upa, ai katinikava sa qaravi Jisepapi, 14ai katinikalima sa qaravi Pilika, ai katinikaono sa qaravi Ima, 15ai katinikavitu sa qaravi Esiri, ai katinikawalu sa qaravi Fisesi, 16ai katinikaciwa sa qaravi Pecaaia, ai karuasagavulu sa qaravi Jesikeli, 17ai karuasagavulu ka dua sa qaravi Jakini, ia karuasagavulu ka rua sa qaravi Kamuli; 18ai karuasagavulu ka tolu sa qaravi Tilaia, ai karuasagavulu ka va sa qaravi Measaia.
19Sa vakaoqori na kedrai lawalawa e na nodra cakacaka ni ra sa lako mai ki na vale i Jiova, me vaka sa kenai valavala, sa lesia ko Eroni na tamadra, ka vaka sa vakarota vua ko Jiova na nodra Kalou na Isireli.
20Ia na kedra vo na Livai ka tagane: vei iratou na luve i Amirami ka tagane: ko Supaeli; vei iratou na luve i Supaeli ka tagane: ko Jetaia. 21O Riapaia: vei iratou na luve i Riapaia ka tagane: ai matai ko Isaia. 22Vei iratou na luve i Isari: ko Silomoci; vei iratou na luve i Silomoci ka tagane: ko Jeaci. 23Ia vei iratou na luve i Epironi ka tagane: ko Jiraija, ai karua ko Amaraia, ai katolu ko Jeesieli, ai kava ko Jikamiami. 24Na luve i Usieli ka tagane: ko Maika; vei iratou na luve i Maika ka tagane: ko Samiri. 25A taci i Maika ko Isaia; vei iratou na luve i Isaia ka tagane: ko Sakaraia. 26Oi rau na luve i Mirari ka tagane: ko Mali, kei Musi; na luve i Jeesaia ka tagane: ko Pino. 27O iratou na tagane na luve i Mirari maivei Jeesaia: ko Pino, kei Soami, kei Sakuri, kei Ipiri. 28Maivei Mali: ko Eliesa, o koya sa sega na luvena tagane. 29O Kisi: sa luve i Kisi ka tagane, ko Jiramieli. 30O iratou talega na luve i Musi ka tagane: ko Mali, kei Iteri, kei Jirimoci. O ira oqo na luvedra na Livai, me vaka na mataveivuvale ni nodra qase. 31A sa ia na vakawiri madigi ko ira oqo me vakataki ira na wekadra, na luve i Eroni, e na mata i Tevita na tui, kei Setoki, kei Eiimeleki, kei ira na nodra qase turaga na bete, kei ira na Livai, io ko ira na qase sa liu, ka vakataki ira na wekadra era cauravou.
Currently Selected:
1 VEIGAUNA 24: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
