ሮሚያ 10
10
ኢስራዔሊያ ኣሳይ ፆሳ ኦጊያ ካሊቤና
1ታናዳን ኣማኒያዋንቶ፥ ታኒ ኢስራዔሊያ ኣሳው ታ ኩሜን ዎዛናፔ ኣሞቲያዌኔ ፆሳ ዎሲያዌ ኡንቱንቱ ኣታናሳ፤ 2ኣዪሲ ጎፔ፥ ኡንቱንቱ ፆሳው ኦናው ሎይ ኮዪያዋ ታኒ ማርካታይ፤ ሺን ኡንቱንቱ ፆሳው ኦናው ሎይ ኮዪያ ኮሻይ ቱሙ ኤራቴፔ ጊዴና። 3ኣዪሲ ጎፔ፥ ፆሳይ ኣሳ ፂሊሲያ ኦጊያ ኡንቱንቱ ኤሬናን፥ ባሬንቱ ሁጴ ፂሎቴ ኤሳናው ኮዬዲኖ፤ ቃሲ ባሬንቱ ሁጴው ፆሳይ ኣሳ ፂሊሲያ ኦጌው ኤኖ ጊቤይኪኖ። 4ኣዪሲ ጎፔ፥ ኣማኔዳ ኡባይ ፂላናዳን፥ ኪሪስቶሲ ሂጊያ ቆፋ ፖሌዳ።
ኣቶቴይ ኡባሳ
5ኣሳይ ሂጌው ኣዛዜቲዴ ፂሊያባው ሙሴ፥ «ሂጊ ኣዛዚያዋ ኦያ ኦኒኔ ሄ ሂጊያን ፓፃ ዴዓና» ያጊ ፃፌዳ፤ #ዎግ 18፡5 6ሺን ኣማኑዋን ፂሊያባው ጌቴቴዳዌ ሃዋ፤ «ኔ ዎዛናን፥ ‹ኦኒ ሳሉዋ ፑዴ ባኔ?› ጎፓ። ሄዌ ኪሪስቶሳ ዱጌ ዎናሳ፤ #ዛር 30፡12-14 7ዎይ ‹ዱጌ ሳዓ ጋርሳ ዎናዌ ኦኔ?› ጎፓ። ሄዌ ኪሪስቶሳ ሃይቁዋፔ ዴንናሳ። 8ሺን ኢ ጊያዌ ሃዋ፤ ‹ፆሳ ቃላይ ኔ ማታና፤ ኔ ዶናኒኔ ኔ ዎዛናን ዴዔ› ጌቴቴዳ» ያጌ። ሄዌካ ኑኒ ሂንቴንቶ ኦዲያ ኣማኑዋ ቃላ።
9ኔኒ፥ «ዬሱሲ ጎዳ» ጋዴ ኔ ዶናን ማርካቶፔ፥ ቃሲ ፆሳይ ሃይቁዋፔ ኣ ዴንዳዋ ኔ ዎዛናን ኣማኖፔ፥ ኔኒ ኣታና። 10ኣዪሲ ጎፔ፥ ኣሳይ ባሬ ዎዛናን ኣማኒዴ ፂሌ፤ ባሬ ዶናንካ ማርካቲዴ ኣቴ። 11ፆሳ ማፃፋይ፥ «ኣኒ ኣማኒያ ኦኒኔ ዬላቴና» ያጌ። #ኢሳ 28፡16 12ኣዪሁዳ ኣሳኔ ኣዪሁዳ ጊዴና ኣሳ ጊዶን ዱማቴይ ባዋ። ኢቲ ፆሳይ ኡባ ጎዳ፤ ኢ ባሬና ፄሲያ ኡባቶ ዳሮ ኬካ። 13ኣዪሲ ጎፔ፥ ፆሳ ማፃፋይ፥ «ጎዳ ሱን ፄሲያ ኦኒኔ ኣታና» ያጌ። #ኢዩ 2፡32
14ያቲና፥ ኡንቱንቱ ኣ ኣማኒቤናዋንታ ጊዶፔ፥ ዎቲ ኣ ፄሳናው ዳንዳዪኖ? ቃሲ ቃላ ሲሲቤናዋንቱ ዋኒ ኣማናናው ዳንዳዪኖ? ቃላ ኦዲያዌ ዮፔ፥ ኡንቱንቱ ዋኒ ሲሳናው ዳንዳዪኖ? 15ቃሲ ቃላ ኦዲያዋንቱ ኪቴቴናን ኣጎፔ፥ ኦሱ ዎቲ ኦዴታናው ዳንዳዪ? ኣዪሲ ጎፔ፥ ፆሳ ማፃፋይ፥ «ናሼቺያ ሚሺራቹዋ ኦዲያዋንቱ ዩሳይ ዎቲ ሎዒ!» ያጌ። #ኢሳ 52፡7
16ሺን ኡንቱንቱ ኡባይ ዎንጋላው ኣዛዜቲቤይኪኖ፤ ኣዪሲ ጎፔ ኢሲያሲ፥ «ታ ጎዳው፥ ኑኒ ማርካቴዳዋ ኦኒ ኣማኔዴ?» ያጌዳ። #ኢሳ 53፡1 17ሲሚ ኣሳይ ቃላ ሲሲዴ ኣማኔ፤ ቃሲ ኢቲ ኡራይ ኪሪስቶሳ ቃላ፥ ኦዲና ሲሴ።
18ሺን ኡንቱንቱ ቃላ ሲሲቤናዌ ቱሜ ጋዴ ታኒ ኦቻይ። ቱማ ኡንቱንቱ ሲሴዲኖ፤ ፆሳ ማፃፋይ፥
«ኡንቱንቱ ሃሳያ ኮሻይ
ሳዓ ኡባን ላሌቴዳ፤
ኡንቱንቱ ቃላይካ ሳዓ ጋፃ ጋኬዳ»
ያጌዳ። #ማዝ 19፡4 19ሺን ኢስራዔሊያ ኣሳቱ ኤሪቤይኪኖዬ ጋዴ ታኒ ኦቻይ። ሙሴ ካሴ፥
«ታኒ ሂንቴንታ ኣሳ ጊዴና ኣሳቱዋን ሴሊሳና፤
ቃሲ ኤያ ኣሳቱዋን ታኒ ሂንቴንታ ሃንቄሳና»
ያጌዳ። #ዛር 32፡21 20ቃሲ ኢሲያሲ ዳሮ ፃሊዴ፥
«ታና ኮዪቤናዋንቶ ቤታዲ፤
ታና ኦቺቤናዋንቶካ ቆንጫዲ»
ያጌ። #ኢሳ 65፡1 21ሺን ኢስራዔላቱዋባ ኢ ሃሳዪዴ፥
«ጋላሳ ኡባ ኣዛዜቴናዋንቶኔ
ታዋ ኢፂያዋንቶ ታ ኩሺያ ሚጫዲ»
ያጌ። #ኢሳ 65፡2
Currently Selected:
ሮሚያ 10: dwrENT
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa
