ዬሱሲ ኪቴዳዋንቱ ኦሱዋ 19
19
ጳዉሎሲ ኤፌሶኔ ቤዳ
1ኣጲሎሲ ቆሮንቶሳን ዴዒሺን፥ ጳዉሎሲ ቆሞ ባጋና ኣዴ፥ ኤፌሶኔ ቤዳ፤ ኢቲ ኢቲ ካሊያዋንታ ዴሜዳ። 2ጳዉሎሲ ኡንቱንታ፥ «ሂንቴንቱ ኣማኔዳ ዎዴ ጌሻ ኣያና ኣኬዲቴ?» ያጊዴ ኦቼዳ።
ኡንቱንቱ፥ «ቱይቲ፥ ኣኪቤይኮ፤ ሃራይ ኣቶ፥ ጌሻ ኣያናይ ዴዒያዋካ ሲሲቤይኮ» ያጌዲኖ።
3ጳዉሎሲ ኡንቱንታ፥ «ያቲና፥ ኣያን ፃማቄቴዲቴ?» #19፡3 ኣያን ፃማቄቴዲቴ? ሃዋ ጉሳይ ኦ ሱንን ፃማቄቴዲቴ፥ ጉሳ። ያጌዳ።
ኡንቱንቱ፥ «ኑኒ ዮሃኒሳ ፂንቃታኒ ፃማቄቴዶ» ያጊዴ ዛሬዲኖ።
4ጳዉሎሲ፥ «ዮሃኒሲ ባሬፔ ጉዪያን ዪያ ዬሱሲ ኪሪስቶሳን ኣሳይ ኣማናና ማላ፥ ኣሳሲ ኦዲዴ፥ ናጋራፔ ሲሚያ ፂንቃታኒ ፃማቄዳ» ያጌዳ።
5ኡንቱንቱ ሄዋ ሲሴዳ ዎዴ፥ ጎዳ ዬሱሲ ኪሪስቶሳሲ ጊዳናው ፃማቄቴዲኖ። 6ጳዉሎሲ ባሬ ኩሺያ ኡንቱንቱ ቦላ ዎዳ ዎዴ ጌሻ ኣያናይ ኡንቱንቱ ቦላን ዎና፥ ዱማ ዱማ ቃላን ሃሴዬዲኖ፤ ቃሲ ቲምቢቲያካ ኦዴዲኖ። 7ሄዋን ታማኔ ላዑ ኣሳቱዋ ጊዲያዋንቱ ዴዒኖ።
8ጳዉሎሲ ኣዪሁዳ ዎሳ ጎሌ ጌሊዴ፥ ፆሳ ካዉቴባ ፓሉሜቲዲኔ ኣኬኪሲዴ፥ ኣሳና ሄዙ ኣጌና ጊዲያዋ ኬና ያዬናን ሃሳዬ። 9ሺን ኡንቱንቱፔ ኢቱ ኢቱ ማካሊዴ፥ ጮራ ኣሳ ሲንን ጎዳ ኦጊያ ቦሪዴ ኣማኔናን ኢፂና፥ ጳዉሎሲ ኡንቱንቱፔ ሻኬቲ፥ ባሬና ካሊያዋንታ ባሬናና ኣፌዳ፤ ፂራኖሳ ጊያ ቲሚርቴ ጎሊያን ኡባ ጋላሲ ፓሉሜቴ። 10ጳዉሎሲ ላዑ ላይ ጋካናው ቃላ ኦዴዳ፤ ሄዋ ዲራው፥ ኢሲያን ዴዒያ ኣሳይ ኡባይ፥ ኣዪሁዳቱካ ኣዪሁዳ ጊዴናዋንቱካ ጎዳ ቃላ ሲሴዲኖ።
ፆሳይ ጳዉሎሳ ኩሺያን ኦዳ ኦራባ
11ፆሳይ ጳዉሎሳ ባጋና ዱማ ማላታ ኦዳ። 12ሄዋ ዲራው፥ ኣሳይ ኣ ቦላይ ቦቼዳ ማራቢያ ዎይ ማዩዋ ሃርጋንቻቱዋሲ ኣፌ፤ ሃርጋንቻቱካ ፓፂኖ፤ ኢታ ኣያናቱካ ኡንቱንቱፔ ኬሲኖ።
13ኢታ ኣያናቱዋ ኬሲዴ ዩዪያ ኣዪሁዳቱዋፔ ኢቱ ኢቱ፥ «ጳዉሎሲ ቃላ ኦዲያ ዬሱሳ ሱንን ኑኒ ሂንቴንታ ኬሲቴ ጊዴ ኣዛዜቶ» ያጊዴ፥ ኢታ ኣያናቱ ዴዒያ ኣሳቱዋ ቦላን ጎዳ ዬሱሳ ሱን ፄሲ ቤዔዲኖ። 14ቄሳቱዋ ካፑዋ ኣስቄዋ ጊያ ኢቲ ኣዪሁዳ ቢታኒያሲ ሄዋ ኦዳ ላፑ ናናይ ዴዒኖ።
15ኢታ ኣያናይ ኡንቱንቶ ዛሪዴ፥ «ታኒ ዬሱሳ ኤራይ፤ ጳዉሎሳካ ኤራይ። ሺን ሂንቴንቱ ኦኔ?» ያጌዳ።
16ኢታ ኣያናይ ዴዒያ ቢታኒ ኡንቱንቱ ቦላ ጉፒ ዎና፥ ኡንቱንቱ ማሱንፂዴ፥ ሄ ጎሊያፔ ካሎ ዎፃና ጋካናሲ፥ ዎልቃሚዴ ፆኔዳ። 17ኤፌሶኔን ዴዒያ ኣዪሁዳቱኔ ኣዪሁዳ ጊዴናዋንቱ ኡባይ ሄዋ ሲሲዴ ኡባይ ዳሮ ያዬዲኖ፤ ጎዳ ዬሱሳ ሱንይካ ዳሮ ቦንቼቴዳ። 18ኣማኒያዋንቱፔ ጮራ ኣሳቱ ባሬንቱ ኦዳዋ ፓፂዲኔ ቆንጪያን ኦዲዴ ዪኖ። 19ቢቲያዋንቱፔ ጮራቱ ባሬንቱ ማፃፋቱዋ ሺሺዴ፥ ኣሳ ኡባ ሲንን ጉዴዲኖ፤ ሄ ማፃፋቱዋ ጋቲያ ሄቲያ ዎዴ፥ ኢሻታሙ ሻዓ ቢራ ሳንቲሚያ ጊዴዳ። 20ሄዋ ማላ ዎልቃማ ኦጊያን ፆሳ ቃላይ ዲጬኔ ኣኬ።
ኤፌሶኔ ካታማን ዋላሳይ ዴንዴዳ
21ሄዌ ፖሌቴዳዋፔ ጉዪያን ጳዉሎሲ፥ «ታኒ ዬሩሳላሜ ባዴ ሮሜካ ቃሲ ቤዓናው ቤሴ» #19፡21 ጳዉሎሲ ሃዋ ኣያና ጌሻን ካሌሴቲዴ ሃሳዬዳዋ። ያጊዴ፥ ማቂዶኒያናኔ ኣካዪያና ኣዴ፥ ዬሩሳላሜ ባናው ቆፋ ቃቼዳ። 22ቃሲ ባሬና ማዲያዋንቱፔ ላዓቱዋ ፂሞቶሳኔ ኤራስፆሳ ማቂዶኒያ ኪቲዴ፥ ባሬው ኢሲያን ኣማሬዳ ዎዲያ ጋሚዔዳ።
23ጎዳ ኦጊያ ዲራው፥ ሄ ዎዴ ዳሮ ዋላሳይ ኬሴዳ። 24ኣዪሲ ጎፔ፥ ፃጋራ ቢራ ሙሺሲዴ ቲጊ ሜያ ዲሜፂሮሳ ጊያ ኢቲ ቢታኒ ኣርፄሚሲ ጌሻ ጎሊያ ሚሲሊያ ቢራፔ ቲጊ ቲጊዴ፥ ኦሳንቻቱዋሲ ዳሮ ዎያ ዴሜ። 25ሄዋንታኔ ኡንቱንቱዋ ማላ ኦሱዋ ኦያዋንታ ኢቲፔ ሺሺዴ፥ ሃዋዳን ያጌዳ፤ «ኣሳው፥ ኑ ዱሬቴይ ሃ ኦሱዋና ጊዲያዋ ሂንቴ ኤሪታ። 26ሄዌ ጳዉሎሲ፥ ‹ኣሳ ኩሺ ሜዳዋንቱ ፆሳቱዋ ጊዲኪኖ› ያጊዴ፥ ኤፌሶኔ ፃላላን ጊዴናን ኣማሬዳ ጋዳቱዋፔ ኣቲን፥ ኢሲያን ኡባን ጮራ ኣሳሲ ኦዲ ኣማንዳዋ ሂንቴንቱ ቤዔዲታኔ ሲሴዲታ። 27ሎዔናባይ፥ ኑ ኦሱ ካታናዋ ፃላላ ጊዴና፤ ሺን ኢሲያን ዴዒያ ኡባቱኔ ሳዓ ኡባን ዴዒያዋንቱ ጎዪኒያ ዎልቃማ ፆሳቶ ጌቴቲያ ኣርፄሚሲ ጌሻ ጎሊ ቦንቼቴናን ኣታናዋኔ፥ ኢዚ ዳሮቴይ ኩንዳናዋ» ያጌዳ።
28ኣሳይ ሄዋ ሲሴዳ ዎዴ ሎይ ሃንቄቲዴ «ኤፌሶኔ ኣርፄሚሳ ዎልቃማ» ያጊዴ ጫቦቴዲኖ። 29ካታማ ኡባን ዋላሳይ ዴንዴዳ፤ ጳዉሎሳና ሃሜቲያ ማቂዶኒያ ኣሳቱዋ ጋዮሳኔ ኣሪስፂሮኮሳ ባሬንቱና ኦይቂ ኣኪዴ፥ ኢቲፔ ካሳ ሳዓ ዎፄዲኖ። 30ጳዉሎሲካ ኣሳይ ሺቄዳሳ ጌላናው ኮዬዳ። ሺን ካሊያዋንቱ ኣ ዲጌዲኖ። 31ኢሲያ ጋዲያ ካፓቱዋፔ ጳዉሎሳ ላጌቱዋፔ ኢቱ ኢቱ ጳዉሎሳው ኪቲዴ፥ ካሳ ሳዓን ቆንጪያ ኬሲዴ ኢ ቤቴና ማላ፥ ኣ ዎሴዲኖ።
32ሺቁዋን ዋላሳይ ዴንዲና፥ ዳሪያ ባጋ ኣሳይ ሃራይ ኣቶ ኣዪሲ ሺቄዴንቶ ኤሬና ዲራው፥ ኢቱ ኢቲባው ዋላቄቲያ ዎዴ፥ ዮኩ ቃይ ሃራባው ዋላቄቴ። 33ኣዪሁዳቱ ኢስኪንዲራ ኣ ቤሲና፥ ኢቲ ኢቲ ኣሳይ ኢ ሃሳያና ማላ፥ ኣሳ ጊዶፔ ሲንው ኣ ኣዳ፤ ኣሳይ ጮዑ ጋና ማላ፥ ኢ ባሬ ኩሺያን ፆርሲ ቤሲዴ፥ ኣሳሲ ሞቴታናው ኮዬዳ። 34ሺን ኢስኪንዲሬ ኣዪሁዳ ኣሳ ጊዴዳዋ ኣሳይ ኤሬዳ ዎዴ፥ ላዑ ሳቴ ጊዲያዋ ኬና ኡባይ ኢቲ ቃላን፥ «ኤፌሶኔ ኣርፄሚሳ ዎልቃማ» ያጊዴ ጫቦቴዲኖ።
35ካታማው ፃፌ ጊዴዳዌ ኣሳ ጮዑ ኦዴ፥ ሃዋዳን ያጌዳ፤ «ኤፌሶኔ ኣሳው፥ ኤፌሶኔ ካታማይ ዎልቃማ ኣርፄሚሲሲኔ ሳሉዋፔ ዎዳ ኤቃ ሹቻሲ ኤቃ ጎሊያ ናጊያዋ ጊዴዳዋ ኤሬና ኣሳይ ኦኔ? 36ሃዋ ካዲያ ኣሳይ ባይና ዲራው፥ ሂንቴንቱ ዎፑ ጋናዉኔ ዲርቤናን ኣጋናው ቤሴ። 37ኣዪሲ ጎፔ፥ ሃዋንቱ ጌሻ ጎሊያ ሚሻ ዉዒቤናዋንታ ኑ ፆሳቱዋካ ቦሪቤናዋንታ ኣሄዲታ። 38ሄዋ ዲራው፥ ዲሜፂሮሲኔ ኣናና ዴዒያ ኦሳንቻቱ ኣሳ ሞታናው ኮዮፔ፥ ፒርዳ ጎሊ ዶያ ዴዔ፤ ቃሲ ጋዲያ ሞዲያዋንቱካ ዴዒኖ፤ ኡንቱንቱ ባሬንቱ ጊዶን ሞቴቲኖ። 39ሺን ሂንቴ ሃራ ዬዉዋ ኮዮፔ፥ ሂጊያ ሺቁዋን ዬዉዋ ቃቻና። 40ኣዪሲ ጎፔ፥ ሃቼ ሃኔዳዋ ሻቢሬ ጊዴ፥ ሮሜ ጋዲያ ኣሳቱ ኑና ሞታና፤ ሃ ሺቆካ ጋሱ ባዪና ዲራው፥ ኑኒ ጋሱዋ ኦዳናው ዳንዳዮኮ» 41ያጊዴ ሺቁዋ ላሌዳ።
Currently Selected:
ዬሱሲ ኪቴዳዋንቱ ኦሱዋ 19: dwrENT
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaዬሱሲ ኪቴዳዋንቱ ኦሱዋ 19
19
ጳዉሎሲ ኤፌሶኔ ቤዳ
1ኣጲሎሲ ቆሮንቶሳን ዴዒሺን፥ ጳዉሎሲ ቆሞ ባጋና ኣዴ፥ ኤፌሶኔ ቤዳ፤ ኢቲ ኢቲ ካሊያዋንታ ዴሜዳ። 2ጳዉሎሲ ኡንቱንታ፥ «ሂንቴንቱ ኣማኔዳ ዎዴ ጌሻ ኣያና ኣኬዲቴ?» ያጊዴ ኦቼዳ።
ኡንቱንቱ፥ «ቱይቲ፥ ኣኪቤይኮ፤ ሃራይ ኣቶ፥ ጌሻ ኣያናይ ዴዒያዋካ ሲሲቤይኮ» ያጌዲኖ።
3ጳዉሎሲ ኡንቱንታ፥ «ያቲና፥ ኣያን ፃማቄቴዲቴ?» #19፡3 ኣያን ፃማቄቴዲቴ? ሃዋ ጉሳይ ኦ ሱንን ፃማቄቴዲቴ፥ ጉሳ። ያጌዳ።
ኡንቱንቱ፥ «ኑኒ ዮሃኒሳ ፂንቃታኒ ፃማቄቴዶ» ያጊዴ ዛሬዲኖ።
4ጳዉሎሲ፥ «ዮሃኒሲ ባሬፔ ጉዪያን ዪያ ዬሱሲ ኪሪስቶሳን ኣሳይ ኣማናና ማላ፥ ኣሳሲ ኦዲዴ፥ ናጋራፔ ሲሚያ ፂንቃታኒ ፃማቄዳ» ያጌዳ።
5ኡንቱንቱ ሄዋ ሲሴዳ ዎዴ፥ ጎዳ ዬሱሲ ኪሪስቶሳሲ ጊዳናው ፃማቄቴዲኖ። 6ጳዉሎሲ ባሬ ኩሺያ ኡንቱንቱ ቦላ ዎዳ ዎዴ ጌሻ ኣያናይ ኡንቱንቱ ቦላን ዎና፥ ዱማ ዱማ ቃላን ሃሴዬዲኖ፤ ቃሲ ቲምቢቲያካ ኦዴዲኖ። 7ሄዋን ታማኔ ላዑ ኣሳቱዋ ጊዲያዋንቱ ዴዒኖ።
8ጳዉሎሲ ኣዪሁዳ ዎሳ ጎሌ ጌሊዴ፥ ፆሳ ካዉቴባ ፓሉሜቲዲኔ ኣኬኪሲዴ፥ ኣሳና ሄዙ ኣጌና ጊዲያዋ ኬና ያዬናን ሃሳዬ። 9ሺን ኡንቱንቱፔ ኢቱ ኢቱ ማካሊዴ፥ ጮራ ኣሳ ሲንን ጎዳ ኦጊያ ቦሪዴ ኣማኔናን ኢፂና፥ ጳዉሎሲ ኡንቱንቱፔ ሻኬቲ፥ ባሬና ካሊያዋንታ ባሬናና ኣፌዳ፤ ፂራኖሳ ጊያ ቲሚርቴ ጎሊያን ኡባ ጋላሲ ፓሉሜቴ። 10ጳዉሎሲ ላዑ ላይ ጋካናው ቃላ ኦዴዳ፤ ሄዋ ዲራው፥ ኢሲያን ዴዒያ ኣሳይ ኡባይ፥ ኣዪሁዳቱካ ኣዪሁዳ ጊዴናዋንቱካ ጎዳ ቃላ ሲሴዲኖ።
ፆሳይ ጳዉሎሳ ኩሺያን ኦዳ ኦራባ
11ፆሳይ ጳዉሎሳ ባጋና ዱማ ማላታ ኦዳ። 12ሄዋ ዲራው፥ ኣሳይ ኣ ቦላይ ቦቼዳ ማራቢያ ዎይ ማዩዋ ሃርጋንቻቱዋሲ ኣፌ፤ ሃርጋንቻቱካ ፓፂኖ፤ ኢታ ኣያናቱካ ኡንቱንቱፔ ኬሲኖ።
13ኢታ ኣያናቱዋ ኬሲዴ ዩዪያ ኣዪሁዳቱዋፔ ኢቱ ኢቱ፥ «ጳዉሎሲ ቃላ ኦዲያ ዬሱሳ ሱንን ኑኒ ሂንቴንታ ኬሲቴ ጊዴ ኣዛዜቶ» ያጊዴ፥ ኢታ ኣያናቱ ዴዒያ ኣሳቱዋ ቦላን ጎዳ ዬሱሳ ሱን ፄሲ ቤዔዲኖ። 14ቄሳቱዋ ካፑዋ ኣስቄዋ ጊያ ኢቲ ኣዪሁዳ ቢታኒያሲ ሄዋ ኦዳ ላፑ ናናይ ዴዒኖ።
15ኢታ ኣያናይ ኡንቱንቶ ዛሪዴ፥ «ታኒ ዬሱሳ ኤራይ፤ ጳዉሎሳካ ኤራይ። ሺን ሂንቴንቱ ኦኔ?» ያጌዳ።
16ኢታ ኣያናይ ዴዒያ ቢታኒ ኡንቱንቱ ቦላ ጉፒ ዎና፥ ኡንቱንቱ ማሱንፂዴ፥ ሄ ጎሊያፔ ካሎ ዎፃና ጋካናሲ፥ ዎልቃሚዴ ፆኔዳ። 17ኤፌሶኔን ዴዒያ ኣዪሁዳቱኔ ኣዪሁዳ ጊዴናዋንቱ ኡባይ ሄዋ ሲሲዴ ኡባይ ዳሮ ያዬዲኖ፤ ጎዳ ዬሱሳ ሱንይካ ዳሮ ቦንቼቴዳ። 18ኣማኒያዋንቱፔ ጮራ ኣሳቱ ባሬንቱ ኦዳዋ ፓፂዲኔ ቆንጪያን ኦዲዴ ዪኖ። 19ቢቲያዋንቱፔ ጮራቱ ባሬንቱ ማፃፋቱዋ ሺሺዴ፥ ኣሳ ኡባ ሲንን ጉዴዲኖ፤ ሄ ማፃፋቱዋ ጋቲያ ሄቲያ ዎዴ፥ ኢሻታሙ ሻዓ ቢራ ሳንቲሚያ ጊዴዳ። 20ሄዋ ማላ ዎልቃማ ኦጊያን ፆሳ ቃላይ ዲጬኔ ኣኬ።
ኤፌሶኔ ካታማን ዋላሳይ ዴንዴዳ
21ሄዌ ፖሌቴዳዋፔ ጉዪያን ጳዉሎሲ፥ «ታኒ ዬሩሳላሜ ባዴ ሮሜካ ቃሲ ቤዓናው ቤሴ» #19፡21 ጳዉሎሲ ሃዋ ኣያና ጌሻን ካሌሴቲዴ ሃሳዬዳዋ። ያጊዴ፥ ማቂዶኒያናኔ ኣካዪያና ኣዴ፥ ዬሩሳላሜ ባናው ቆፋ ቃቼዳ። 22ቃሲ ባሬና ማዲያዋንቱፔ ላዓቱዋ ፂሞቶሳኔ ኤራስፆሳ ማቂዶኒያ ኪቲዴ፥ ባሬው ኢሲያን ኣማሬዳ ዎዲያ ጋሚዔዳ።
23ጎዳ ኦጊያ ዲራው፥ ሄ ዎዴ ዳሮ ዋላሳይ ኬሴዳ። 24ኣዪሲ ጎፔ፥ ፃጋራ ቢራ ሙሺሲዴ ቲጊ ሜያ ዲሜፂሮሳ ጊያ ኢቲ ቢታኒ ኣርፄሚሲ ጌሻ ጎሊያ ሚሲሊያ ቢራፔ ቲጊ ቲጊዴ፥ ኦሳንቻቱዋሲ ዳሮ ዎያ ዴሜ። 25ሄዋንታኔ ኡንቱንቱዋ ማላ ኦሱዋ ኦያዋንታ ኢቲፔ ሺሺዴ፥ ሃዋዳን ያጌዳ፤ «ኣሳው፥ ኑ ዱሬቴይ ሃ ኦሱዋና ጊዲያዋ ሂንቴ ኤሪታ። 26ሄዌ ጳዉሎሲ፥ ‹ኣሳ ኩሺ ሜዳዋንቱ ፆሳቱዋ ጊዲኪኖ› ያጊዴ፥ ኤፌሶኔ ፃላላን ጊዴናን ኣማሬዳ ጋዳቱዋፔ ኣቲን፥ ኢሲያን ኡባን ጮራ ኣሳሲ ኦዲ ኣማንዳዋ ሂንቴንቱ ቤዔዲታኔ ሲሴዲታ። 27ሎዔናባይ፥ ኑ ኦሱ ካታናዋ ፃላላ ጊዴና፤ ሺን ኢሲያን ዴዒያ ኡባቱኔ ሳዓ ኡባን ዴዒያዋንቱ ጎዪኒያ ዎልቃማ ፆሳቶ ጌቴቲያ ኣርፄሚሲ ጌሻ ጎሊ ቦንቼቴናን ኣታናዋኔ፥ ኢዚ ዳሮቴይ ኩንዳናዋ» ያጌዳ።
28ኣሳይ ሄዋ ሲሴዳ ዎዴ ሎይ ሃንቄቲዴ «ኤፌሶኔ ኣርፄሚሳ ዎልቃማ» ያጊዴ ጫቦቴዲኖ። 29ካታማ ኡባን ዋላሳይ ዴንዴዳ፤ ጳዉሎሳና ሃሜቲያ ማቂዶኒያ ኣሳቱዋ ጋዮሳኔ ኣሪስፂሮኮሳ ባሬንቱና ኦይቂ ኣኪዴ፥ ኢቲፔ ካሳ ሳዓ ዎፄዲኖ። 30ጳዉሎሲካ ኣሳይ ሺቄዳሳ ጌላናው ኮዬዳ። ሺን ካሊያዋንቱ ኣ ዲጌዲኖ። 31ኢሲያ ጋዲያ ካፓቱዋፔ ጳዉሎሳ ላጌቱዋፔ ኢቱ ኢቱ ጳዉሎሳው ኪቲዴ፥ ካሳ ሳዓን ቆንጪያ ኬሲዴ ኢ ቤቴና ማላ፥ ኣ ዎሴዲኖ።
32ሺቁዋን ዋላሳይ ዴንዲና፥ ዳሪያ ባጋ ኣሳይ ሃራይ ኣቶ ኣዪሲ ሺቄዴንቶ ኤሬና ዲራው፥ ኢቱ ኢቲባው ዋላቄቲያ ዎዴ፥ ዮኩ ቃይ ሃራባው ዋላቄቴ። 33ኣዪሁዳቱ ኢስኪንዲራ ኣ ቤሲና፥ ኢቲ ኢቲ ኣሳይ ኢ ሃሳያና ማላ፥ ኣሳ ጊዶፔ ሲንው ኣ ኣዳ፤ ኣሳይ ጮዑ ጋና ማላ፥ ኢ ባሬ ኩሺያን ፆርሲ ቤሲዴ፥ ኣሳሲ ሞቴታናው ኮዬዳ። 34ሺን ኢስኪንዲሬ ኣዪሁዳ ኣሳ ጊዴዳዋ ኣሳይ ኤሬዳ ዎዴ፥ ላዑ ሳቴ ጊዲያዋ ኬና ኡባይ ኢቲ ቃላን፥ «ኤፌሶኔ ኣርፄሚሳ ዎልቃማ» ያጊዴ ጫቦቴዲኖ።
35ካታማው ፃፌ ጊዴዳዌ ኣሳ ጮዑ ኦዴ፥ ሃዋዳን ያጌዳ፤ «ኤፌሶኔ ኣሳው፥ ኤፌሶኔ ካታማይ ዎልቃማ ኣርፄሚሲሲኔ ሳሉዋፔ ዎዳ ኤቃ ሹቻሲ ኤቃ ጎሊያ ናጊያዋ ጊዴዳዋ ኤሬና ኣሳይ ኦኔ? 36ሃዋ ካዲያ ኣሳይ ባይና ዲራው፥ ሂንቴንቱ ዎፑ ጋናዉኔ ዲርቤናን ኣጋናው ቤሴ። 37ኣዪሲ ጎፔ፥ ሃዋንቱ ጌሻ ጎሊያ ሚሻ ዉዒቤናዋንታ ኑ ፆሳቱዋካ ቦሪቤናዋንታ ኣሄዲታ። 38ሄዋ ዲራው፥ ዲሜፂሮሲኔ ኣናና ዴዒያ ኦሳንቻቱ ኣሳ ሞታናው ኮዮፔ፥ ፒርዳ ጎሊ ዶያ ዴዔ፤ ቃሲ ጋዲያ ሞዲያዋንቱካ ዴዒኖ፤ ኡንቱንቱ ባሬንቱ ጊዶን ሞቴቲኖ። 39ሺን ሂንቴ ሃራ ዬዉዋ ኮዮፔ፥ ሂጊያ ሺቁዋን ዬዉዋ ቃቻና። 40ኣዪሲ ጎፔ፥ ሃቼ ሃኔዳዋ ሻቢሬ ጊዴ፥ ሮሜ ጋዲያ ኣሳቱ ኑና ሞታና፤ ሃ ሺቆካ ጋሱ ባዪና ዲራው፥ ኑኒ ጋሱዋ ኦዳናው ዳንዳዮኮ» 41ያጊዴ ሺቁዋ ላሌዳ።
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa