ዬሱሲ ኪቴዳዋንቱ ኦሱዋ 18
18
ጳዉሎሲ ቆሮንቶሳ ቤዳ
1ሄዋፔ ጉዪያን፥ ጳዉሎሲ ኣቴናፔ ኬሲዴ፥ ቆሮንቶሳ ቤዳ። 2ሄዋን ኣቂላ ጊያ ኢቲ ኣዪሁዳ ቢታኒያ ዴሜዳ፤ ኣቂላይ ጳንፆሳን ዬሌቴዳ፤ ኣዪሁዳ ኣሳይ ኡባይ ሮሜፔ ኬሳና ማላ፥ ቃላዉዴዮሲ ኣዛዜዳ ዲራው፥ ኣማሬዳ ዎዲያፔ ካሴ፥ ኢ ባሬ ማቻቲ ጲሪስቂላና ፃሊያፔ ዬዳ፤ ጳዉሎሲ ኡንቱንቱና ጋኬታናው ቤዳ። 3ኣ ኦሱኔ ኡንቱንቱ ኦሱ ኢቲ ማላ ዱንካኒያ ሲካ ጊዲያ ዲራው፥ ኡንቱንቱና ኡቲዴ፥ ኢቲፔ ኦዳ። 4ጳዉሎሲ ሳምባታ ኡባን ኣዪሁዳቱዋና ጊሪካቱዋ ኣማንናው ኣዪሁዳ ዎሳ ጎሊያን ፓሉሜቴ።
5ሲላሴኔ ፂሞቶሴ ማቂዶኒያፔ ዬዳ ዎዴ፥ ጳዉሎሲ ኣዪሁዳቱዋሲ ዬሱሲ ባሬ ሁጴው ኪሪስቶሳ ጊዴዳዎ ቃላ ኦዱዋ ቶሌዳ። 6ሺን ኡንቱንቱ ጳዉሎሳ ሃሳያ ጳልቂናኔ ኣ ቦሪና፥ ጳዉሎሲ ባሬ ማዩዋፔ ባና ቆቆፊዴ፥ #18፡6 ማዩዋፔ ባና ቆቆፌ፡ ሃዋ ጉሳይ ጌዲያፔ ባና ቆቆፊያዋና ኢታ። «ሂንቴንቱ ኢታቴይ ሂንቴንታ ኦይቆ፤ ታኒ ሄዋን ጌሊኬ፤ ሃዋፔ ሂኒ ባጋን ታኒ ኣዪሁዳ ጊዴና ኣሳኮ ባይ» ያጌዳ።
7ሄዋፔ ኬሲዴ፥ ፆሳሲ ጎዪኒያ ዮስፆሳ ጊያ ቢታኒያ ሶይ ቤዳ፤ ዮስፆሳ ጎሊ ኣዪሁዳ ዎሳ ጎሊያ ማታን ዴዔ። 8ኣዪሁዳ ዎሳ ጎሌ ካፑ ቃሪሲጶሲ ባሬ ሶይ ኣሳ ኡባና ጎዳ ኣማኔዳ፤ ቆሮንቶሳ ኣሳቱዋፔካ ጮራቱ ፆሳ ቃላ ሲሴዳ ዎዴ፥ ኣማኒዴ ፃማቄቴዲኖ።
9-10ጎዳይ ኢቲ ቃማ ሳፃን ጳዉሎሳ፥ «ያዮፓ፤ ኦዳ፤ ጮዑ ጎፓ። ታኒ ኔናና ዴዒያ ዲራው፥ ኔና ቆሃናው ኢታባን ዬጋና ኣሳይ ኦኒኔ ባዋ፤ ኣዪሲ ጎፔ፥ ታው ሃ ካታማን ጮራ ኣሳይ ዴዔ» ያጌዳ። 11ጳዉሎሲ ፆሳ ቃላ ኣሳ ታማሪሲዴ፥ ኢቲ ላይኔ ኡሱፑን ኣጌና ኡንቱንቱና ኡቴዳ።
12ጋሊዮሴ ኣካዪያ ጋዲያ ሞዲያ ዎዴ፥ ኣዪሁዳቱ ኢቲፔ ጳዉሎሳ ቦላ ዴንዲዴ፥ ፒርዳ ጎሌ ኣ ኣፊዴ፥ 13«ሃ ቢታኒ ሙሴ ሂጊያ ኢፂዴ፥ ኣሳይ ፆሳሲ ጎዪናና ማላ ጪሜ» ያጌዲኖ።
14ጳዉሎሲ ሃሳያና ሃኒሺን፥ ጋሊዮሴ ኣዪሁዳቱዋ፥ «ኣዪሁዳቶ፥ ሄዌ ባላ ኦሱዋ ዎይ ኢታ ናቆ ጊዶፔ፥ ታኒ ሂንቴንቱባ ዳንዳያዴ ሲሳናው ቤሴ። 15ሺን ቃላሲ ሱንሲኔ ሂንቴ ሁጴ ሂጊያሲ ሂንቴንቱ ፓሉሜቶፔ፥ ሂንቴ ሁጴው ኤሪቴ፤ ሃዋ ታኒ ፒርዲኬ» ያጌዳ። 16ፒርዳ ጎሊያፔ ካሬው ኡንቱንታ ኬሴዳ። 17ሄዋፔ ጉዪያን፥ ጊሪኬ ኣሳይ ኡባይ ኣዪሁዳ ዎሳ ጎሌ ካፑዋ ሶስቴኒሳ ኦይቂዴ፥ ፒርዳ ጎሊያ ሲንን ሾጬዲኖ፤ ሺን ጋሊዮሳ ሄዌ ኣይኔ ሜቲቤና።
ጳዉሎሲ ኣንፆኪያ ቤዳ
18ጳዉሎሲ ዳሮ ዎዲያ ቆሮንቶሳን ኡቴዳዋፔ ጉዪያን፥ ኢሻቱዋ ሳሮቲዴ፥ ጲሪስቂሊናኔ ኣቂላና ማርካቢያን ሶሪያ ቤዳ፤ ባሬው ሺቄዳ ጋሱ ዴዒያ ዲራው፥ ኪንኪሪያ ካታማን ባሬ ሁጲያ ሜዴቴዳ። #18፡18 ሁጲያ ሜዴቴዳ፡ ጳዉሎሲ ጉ ዎዲያሲ «ዱማታና» ጊዴ ጫቄዳ። ሃዋ ጉሳይ፥ ባሬ ሁጲያካ ሜዴቴና፤ ዎዪኒያካ ኡሼና ጉሳ። ሺን ኢ ጫቄዳ ዎዲ ዉሮዴ፥ ባሬ ሁጲያ ሜዴቲዴ ፆሳው ያርሹዋ ያርሻናው ቤሴ ጉሳ። #ፓይ 6፡18 19ኡንቱንቱ ኤፌሶኔ ጋኬዳ ዎዴ፥ ጳዉሎሲ ጲሪስቂሎኔ ኣቂላ ያኒ ዬጊ ዬዳ፤ ሺን ባሬው ኣዪሁዳ ዎሳ ጎሌ ጌሊዴ፥ ኣዪሁዳቱዋና ፓሉሜቴዳ። 20ኡንቱንቱ ባሬንቱና ዳሮ ዎዲያ ኡታና ማላ ጳዉሎሳ ዎሲና ኢ ኢፄዳ። 21ሺን ኡንቱንቱፔ ሻኬቲዴ፥ «ፆሳይ ጎፔ፥ ላዔዋ ሂንቴንቱኮ ሲማና» ያጊዴ ኤፌሶናፔ ማርካቢያን ቤዳ። 22ቂሳሪያ ጋኬዳ ዎዴ ዬሩሳላሜ ቢዴ፥ ኣማኒያ ኣሳ ሳሮቴዳዋፔ ጉዪያን፥ ኣንፆኪያ ዎዳ።
23ያኒ ኣማሬዳ ዎዲያ ጋሚዒዴ ቤዳ፤ ካሊያዋንታ ኡባ ሚኒሲዴ፥ ጋላቲያናኔ ፒርጊያና ኣዳ።
ኣጲሎሲ ኤፌሶናኔ ቆሮንቶሳ ቤዳ
24ኢስኪንዲሪያን ዬሌቴዳ ኣዪሁዳ ኣሳ ኢቲ ኣጲሎሳ ጊያ ሎዖ ሃሳዪያዌ ኤፌሶኔ ቤዳ፤ ፆሳ ማፃፋቱዋ ኢ ዳሪሲ ኤሪያ ኣሳ። 25ጎዳ ኦጊያካ ታማሬዳ ኣሳ፤ ዮሃኒሳ ፂንቃታ ፃላላ ኤሪዴ፥ ኣያናን ባሬ ጋርሳን ኤፄቲዴ፥ ዬሱሳባ ሱሪሲዴ ሃሳዬዳኔ ታማርሴዳ። 26ያቲዴ ኣዪሁዳ ዎሳ ጎሊያን ያዬናን ሃሳያ ዶሜዳ። ጲሪስቂላይኔ ኣቂላይ ኢ ኦዲያዋ ሲሴዳ ዎዴ፥ ባሬንቱና ሶይ ኣ ኣፊዴ፥ ፆሳ ኦጊያ ካሴፔ ሱሪሲዴ፥ ኣው ጌሺ ኦዴዲኖ።
27ኣጲሎሲ ኣካዪያ ፒናና ኮዪና፥ ኢሻቱ ኣ ሚኒሲዴ፥ ኣካዪያን ዴዒያ ካሊያዋንቱ ኣ ሞካና ማላ፥ ኡንቱንቶ ዳቢዳቢያ ፃፌዲኖ፤ ኢ ያ ጋኪዴ፥ ፆሳ ኣ ኬካቴን ኣማኒያዋንታ ዳሮ ማዴዳ። 28ኣዪሲ ጎፔ፥ ዬሱሲ ባሬ ሁጴው ኪሪስቶሳ ጊዴዳዋ ኣዪሁዳቱዋሲ ፆሳ ማፃፋቱዋፔ ቆንጪሲዴ፥ ኣሳ ሲንን ሚኒሲዴ ኦዴዳ።
Currently Selected:
ዬሱሲ ኪቴዳዋንቱ ኦሱዋ 18: dwrENT
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaaዬሱሲ ኪቴዳዋንቱ ኦሱዋ 18
18
ጳዉሎሲ ቆሮንቶሳ ቤዳ
1ሄዋፔ ጉዪያን፥ ጳዉሎሲ ኣቴናፔ ኬሲዴ፥ ቆሮንቶሳ ቤዳ። 2ሄዋን ኣቂላ ጊያ ኢቲ ኣዪሁዳ ቢታኒያ ዴሜዳ፤ ኣቂላይ ጳንፆሳን ዬሌቴዳ፤ ኣዪሁዳ ኣሳይ ኡባይ ሮሜፔ ኬሳና ማላ፥ ቃላዉዴዮሲ ኣዛዜዳ ዲራው፥ ኣማሬዳ ዎዲያፔ ካሴ፥ ኢ ባሬ ማቻቲ ጲሪስቂላና ፃሊያፔ ዬዳ፤ ጳዉሎሲ ኡንቱንቱና ጋኬታናው ቤዳ። 3ኣ ኦሱኔ ኡንቱንቱ ኦሱ ኢቲ ማላ ዱንካኒያ ሲካ ጊዲያ ዲራው፥ ኡንቱንቱና ኡቲዴ፥ ኢቲፔ ኦዳ። 4ጳዉሎሲ ሳምባታ ኡባን ኣዪሁዳቱዋና ጊሪካቱዋ ኣማንናው ኣዪሁዳ ዎሳ ጎሊያን ፓሉሜቴ።
5ሲላሴኔ ፂሞቶሴ ማቂዶኒያፔ ዬዳ ዎዴ፥ ጳዉሎሲ ኣዪሁዳቱዋሲ ዬሱሲ ባሬ ሁጴው ኪሪስቶሳ ጊዴዳዎ ቃላ ኦዱዋ ቶሌዳ። 6ሺን ኡንቱንቱ ጳዉሎሳ ሃሳያ ጳልቂናኔ ኣ ቦሪና፥ ጳዉሎሲ ባሬ ማዩዋፔ ባና ቆቆፊዴ፥ #18፡6 ማዩዋፔ ባና ቆቆፌ፡ ሃዋ ጉሳይ ጌዲያፔ ባና ቆቆፊያዋና ኢታ። «ሂንቴንቱ ኢታቴይ ሂንቴንታ ኦይቆ፤ ታኒ ሄዋን ጌሊኬ፤ ሃዋፔ ሂኒ ባጋን ታኒ ኣዪሁዳ ጊዴና ኣሳኮ ባይ» ያጌዳ።
7ሄዋፔ ኬሲዴ፥ ፆሳሲ ጎዪኒያ ዮስፆሳ ጊያ ቢታኒያ ሶይ ቤዳ፤ ዮስፆሳ ጎሊ ኣዪሁዳ ዎሳ ጎሊያ ማታን ዴዔ። 8ኣዪሁዳ ዎሳ ጎሌ ካፑ ቃሪሲጶሲ ባሬ ሶይ ኣሳ ኡባና ጎዳ ኣማኔዳ፤ ቆሮንቶሳ ኣሳቱዋፔካ ጮራቱ ፆሳ ቃላ ሲሴዳ ዎዴ፥ ኣማኒዴ ፃማቄቴዲኖ።
9-10ጎዳይ ኢቲ ቃማ ሳፃን ጳዉሎሳ፥ «ያዮፓ፤ ኦዳ፤ ጮዑ ጎፓ። ታኒ ኔናና ዴዒያ ዲራው፥ ኔና ቆሃናው ኢታባን ዬጋና ኣሳይ ኦኒኔ ባዋ፤ ኣዪሲ ጎፔ፥ ታው ሃ ካታማን ጮራ ኣሳይ ዴዔ» ያጌዳ። 11ጳዉሎሲ ፆሳ ቃላ ኣሳ ታማሪሲዴ፥ ኢቲ ላይኔ ኡሱፑን ኣጌና ኡንቱንቱና ኡቴዳ።
12ጋሊዮሴ ኣካዪያ ጋዲያ ሞዲያ ዎዴ፥ ኣዪሁዳቱ ኢቲፔ ጳዉሎሳ ቦላ ዴንዲዴ፥ ፒርዳ ጎሌ ኣ ኣፊዴ፥ 13«ሃ ቢታኒ ሙሴ ሂጊያ ኢፂዴ፥ ኣሳይ ፆሳሲ ጎዪናና ማላ ጪሜ» ያጌዲኖ።
14ጳዉሎሲ ሃሳያና ሃኒሺን፥ ጋሊዮሴ ኣዪሁዳቱዋ፥ «ኣዪሁዳቶ፥ ሄዌ ባላ ኦሱዋ ዎይ ኢታ ናቆ ጊዶፔ፥ ታኒ ሂንቴንቱባ ዳንዳያዴ ሲሳናው ቤሴ። 15ሺን ቃላሲ ሱንሲኔ ሂንቴ ሁጴ ሂጊያሲ ሂንቴንቱ ፓሉሜቶፔ፥ ሂንቴ ሁጴው ኤሪቴ፤ ሃዋ ታኒ ፒርዲኬ» ያጌዳ። 16ፒርዳ ጎሊያፔ ካሬው ኡንቱንታ ኬሴዳ። 17ሄዋፔ ጉዪያን፥ ጊሪኬ ኣሳይ ኡባይ ኣዪሁዳ ዎሳ ጎሌ ካፑዋ ሶስቴኒሳ ኦይቂዴ፥ ፒርዳ ጎሊያ ሲንን ሾጬዲኖ፤ ሺን ጋሊዮሳ ሄዌ ኣይኔ ሜቲቤና።
ጳዉሎሲ ኣንፆኪያ ቤዳ
18ጳዉሎሲ ዳሮ ዎዲያ ቆሮንቶሳን ኡቴዳዋፔ ጉዪያን፥ ኢሻቱዋ ሳሮቲዴ፥ ጲሪስቂሊናኔ ኣቂላና ማርካቢያን ሶሪያ ቤዳ፤ ባሬው ሺቄዳ ጋሱ ዴዒያ ዲራው፥ ኪንኪሪያ ካታማን ባሬ ሁጲያ ሜዴቴዳ። #18፡18 ሁጲያ ሜዴቴዳ፡ ጳዉሎሲ ጉ ዎዲያሲ «ዱማታና» ጊዴ ጫቄዳ። ሃዋ ጉሳይ፥ ባሬ ሁጲያካ ሜዴቴና፤ ዎዪኒያካ ኡሼና ጉሳ። ሺን ኢ ጫቄዳ ዎዲ ዉሮዴ፥ ባሬ ሁጲያ ሜዴቲዴ ፆሳው ያርሹዋ ያርሻናው ቤሴ ጉሳ። #ፓይ 6፡18 19ኡንቱንቱ ኤፌሶኔ ጋኬዳ ዎዴ፥ ጳዉሎሲ ጲሪስቂሎኔ ኣቂላ ያኒ ዬጊ ዬዳ፤ ሺን ባሬው ኣዪሁዳ ዎሳ ጎሌ ጌሊዴ፥ ኣዪሁዳቱዋና ፓሉሜቴዳ። 20ኡንቱንቱ ባሬንቱና ዳሮ ዎዲያ ኡታና ማላ ጳዉሎሳ ዎሲና ኢ ኢፄዳ። 21ሺን ኡንቱንቱፔ ሻኬቲዴ፥ «ፆሳይ ጎፔ፥ ላዔዋ ሂንቴንቱኮ ሲማና» ያጊዴ ኤፌሶናፔ ማርካቢያን ቤዳ። 22ቂሳሪያ ጋኬዳ ዎዴ ዬሩሳላሜ ቢዴ፥ ኣማኒያ ኣሳ ሳሮቴዳዋፔ ጉዪያን፥ ኣንፆኪያ ዎዳ።
23ያኒ ኣማሬዳ ዎዲያ ጋሚዒዴ ቤዳ፤ ካሊያዋንታ ኡባ ሚኒሲዴ፥ ጋላቲያናኔ ፒርጊያና ኣዳ።
ኣጲሎሲ ኤፌሶናኔ ቆሮንቶሳ ቤዳ
24ኢስኪንዲሪያን ዬሌቴዳ ኣዪሁዳ ኣሳ ኢቲ ኣጲሎሳ ጊያ ሎዖ ሃሳዪያዌ ኤፌሶኔ ቤዳ፤ ፆሳ ማፃፋቱዋ ኢ ዳሪሲ ኤሪያ ኣሳ። 25ጎዳ ኦጊያካ ታማሬዳ ኣሳ፤ ዮሃኒሳ ፂንቃታ ፃላላ ኤሪዴ፥ ኣያናን ባሬ ጋርሳን ኤፄቲዴ፥ ዬሱሳባ ሱሪሲዴ ሃሳዬዳኔ ታማርሴዳ። 26ያቲዴ ኣዪሁዳ ዎሳ ጎሊያን ያዬናን ሃሳያ ዶሜዳ። ጲሪስቂላይኔ ኣቂላይ ኢ ኦዲያዋ ሲሴዳ ዎዴ፥ ባሬንቱና ሶይ ኣ ኣፊዴ፥ ፆሳ ኦጊያ ካሴፔ ሱሪሲዴ፥ ኣው ጌሺ ኦዴዲኖ።
27ኣጲሎሲ ኣካዪያ ፒናና ኮዪና፥ ኢሻቱ ኣ ሚኒሲዴ፥ ኣካዪያን ዴዒያ ካሊያዋንቱ ኣ ሞካና ማላ፥ ኡንቱንቶ ዳቢዳቢያ ፃፌዲኖ፤ ኢ ያ ጋኪዴ፥ ፆሳ ኣ ኬካቴን ኣማኒያዋንታ ዳሮ ማዴዳ። 28ኣዪሲ ጎፔ፥ ዬሱሲ ባሬ ሁጴው ኪሪስቶሳ ጊዴዳዋ ኣዪሁዳቱዋሲ ፆሳ ማፃፋቱዋፔ ቆንጪሲዴ፥ ኣሳ ሲንን ሚኒሲዴ ኦዴዳ።
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa