Adad 26
26
Al-hasaaba fi kadaadit Muwaab
1 # 26:1 Al-kalimaat al-awwalaaniyiin hana l-fasul 26 aaya 1 be l-arabi, humman min al-fasul 25 aaya 19 be l-faransaawi. Laakin ma zaad wa la nagas cheyy illa l-nimar bas albaddalo. Wa baʼad al-waba da, Allah gaal le Muusa wa le Aliʼaazar wileed Haaruun raajil al-diin : 2«Min kulla mujtamaʼ Bani Israaʼiil, ahsubu kulla l-rujaal al-umurhum min 20 sana wa foog al-yagdaro le khidmit al-askariiye hasab aayilaathum.»
3Wa fi kadaadit Muwaab fi khachum bahar al-Urdun al-mugaabil hillit Ariiha, Muusa wa raajil al-diin Aliʼaazar gaalo le l-chaʼab : 4«Aniina nahsubuuku intu al-rujaal al-umurku min 20 sana wa foog misil Allah amar beyah Muusa.»
Wa daahu gabaayil Bani Israaʼiil al-marago min balad Masir.
Gabiilat Raʼuubiin
5Wa Raʼuubiin hu bikir Israaʼiil wa dool zurriiytah hasab khuchuum buyuuthum.
Hanuuk jaab al-Hanuukiyiin
wa Fallu jaab al-Falluwiyiin
6wa Hasruun jaab al-Hasruuniyiin
wa Karmi jaab al-Karmiyiin.
7Wa khuchuum buyuut gabiilat Raʼuubiin adadhum 43 730 naas.
8Wa Fallu jaab Aliyaab 9wa Aliyaab jaab Namuwiil wa Dataan wa Abiraam. Wa Dataan wa Abiraam dool kubaaraat mujtamaʼ Bani Israaʼiil al-gammo didd Muusa wa Haaruun. Humman maʼa naas Khuurah wakit gammo didd Allah. 10Wa l-ard anfatahat wa zaratathum humman wa Khuurah wa l-naas al-maʼaahum wa l-naar haragat 250 naadum wa bigo masal le l-aakhariin. 11Wa laakin iyaal Khuurah ma maato fi l-yoom daak.
Gabiilat Chimʼuun
12Wa dool zurriiyit Chimʼuun hasab khuchuum buyuuthum.
Namuwiil jaab al-Namuwiiliyiin
wa Yaamiin jaab al-Yaamiiniyiin
wa Yaakiin jaab al-Yaakiiniyiin
13wa Zaarah jaab al-Zaarahiyiin
wa Chaawuul jaab al-Chaawuuliyiin.
14Wa khuchuum buyuut gabiilat Chimʼuun adadhum 22 200 naas.
Gabiilat Gaad
15Wa dool zurriiyit Gaad hasab khuchuum buyuuthum.
Safuun jaab al-Safuuniyiin
wa Haggi jaab al-Haggiyiin
wa Chuuni jaab al-Chuuniyiin
16wa Uzni jaab al-Uzniyiin
wa Iiri jaab al-Iriyiin
17wa Aruudi jaab al-Aruudiyiin
wa Ariili jaab al-Ariiliyiin.
18Wa khuchuum buyuut gabiilat Gaad adadhum 40 500 naas.
Gabiilat Yahuuza
19Wa iyaal Yahuuza humman Iir wa Unaan#26:19 Iir wa Unaan maato fi balad Kanʼaan Al-taariikh da talgooh fi Takwiin 38:1-11. wa humman dool maato fi balad Kanʼaan. 20Wa dool zurriiyit Yahuuza hasab khuchuum buyuuthum.
Chiila jaab al-Chiiliyiin
wa Faaris jaab al-Faarisiyiin
wa Zaarah jaab al-Zaarahiyiin.
21Wa min al-Faarisiyiin marago Hasruun wa Haamul.
Wa Hasruun jaab al-Hasruuniyiin
wa Haamul jaab al-Haamuliyiin.
22Wa khuchuum buyuut gabiilat Yahuuza adadhum 76 500 naas.
Gabiilat Yassaakar
23Wa dool zurriiyit Yassaakar hasab khuchuum buyuuthum.
Tuulaʼ jaab al-Tuulaʼiyiin
wa Fuwwa jaab al-Fuwwiyiin.
24Wa Yachuub jaab al-Yachuubiyiin
wa Chimruun jaab al-Chimruuniyiin.
25Wa khuchuum buyuut gabiilat Yassaakar adadhum 64 300 naas.
Gabiilat Zabuluun
26Wa dool zurriiyit gabiilat Zabuluun hasab khuchuum buyuuthum.
Saarad jaab al-Saaradiyiin
wa Iluun jaab al-Iluuniyiin
wa Yahaliil jaab al-Yahaliiliyiin.
27Wa khuchuum buyuut gabiilat Zabuluun adadhum 60 500 naas.
Gabaayil Manassa wa Afraayim
28Wa dool zurriiyit Yuusuf, gabaayil Manassa wa Afraayim hasab khuchuum buyuuthum.
29Manassa jaab Makiir
wa Makiir jaab al-Makiiriyiin
wa min al-Makiiriyiin marag Gilʼaad
wa Gilʼaad jaab al-Gilʼaadiyiin.
30Wa min al-Gilʼaadiyiin marago Iyaʼzar al-jaab al-Iyaʼzariyiin
wa Hilakh al-jaab al-Hilakhiyiin.
31Wa Asriyiil al-jaab al-Asriyiiliyiin
wa Chakiim al-jaab al-Chakiimiyiin.
32Wa Chamiidaʼ al-jaab al-Chamiidaʼiyiin
wa Hiifar al-jaab al-Hiifariyiin.
33Wa Saluufhad wileed Hiifar ma jaab awlaad wa laakin jaab banaat bas. Wa banaatah asaameehum Mahla wa Nuuʼa wa Hugla wa Milka wa Tirsa.
34Wa khuchuum buyuut gabiilat Manassa adadhum 52 700 naas.
35Wa dool zurriiyit Afraayim hasab khuchuum buyuuthum.
Chutaalah jaab al-Chutaalahiyiin
wa Baakar jaab al-Baakariyiin
wa Taahan jaab al-Taahaniyiin.
36Wa min al-Chutaalahiyiin marag Araan.
Wa Araan jaab al-Araaniyiin.
37Wa khuchuum buyuut gabiilat Afraayim adadhum 32 500 naas.
Wa dool gabaayil Manassa wa Afraayim iyaal Yuusuf hasab khuchuum buyuuthum.
Gabiilat Banyaamiin
38Wa dool zurriiyit Banyaamiin hasab khuchuum buyuuthum.
Baalaʼ jaab al-Baalaʼiyiin
wa Achbiil jaab al-Achbiiliyiin
wa Ahiraam jaab al-Ahiraamiyiin
39wa Chafuufam jaab al-Chafuufamiyiin
wa Huufam jaab al-Huufamiyiin.
40Wa min al-Baalaʼiyiin marago Arad wa Naʼamaan.
Wa Arad jaab al-Aradiyiin
wa Naʼamaan jaab al-Naʼamaaniyiin.
41Wa khuchuum buyuut gabiilat Banyaamiin adadhum 45 600 naas.
Gabiilat Daan
42Wa dool zurriiyit Daan hasab khuchuum buyuuthum.
Chuhaam jaab al-Chuhaamiyiin.
Wa dool zurriiyit gabiilat Daan hasab khachum beethum. 43Wa khachum beet al-Chuhaamiyiin adadah 64 400 naas.
Gabiilat Achiir
44Wa dool zurriiyit Achiir hasab khuchuum buyuuthum.
Yimna jaab al-Yimniyiin
wa Yichwi jaab al-Yichwiyiin
wa Bariiʼa jaab al-Bariiʼiyiin.
45Wa min al-Bariiʼiyiin marago Haabar wa Malkiyiil.
Wa Haabar jaab al-Haabariyiin
wa Malkiyiil jaab al-Malkiyiiliyiin.
46Wa Achiir jaab bineeye usumha Saarah. 47Wa khuchuum buyuut gabiilat Achiir adadhum 53 400 naas.
Gabiilat Naftaali
48Wa dool zurriiyit Naftaali hasab khuchuum buyuuthum.
Yahsiil jaab al-Yahsiiliyiin
wa Guuni jaab al-Guuniyiin
49wa Yisar jaab al-Yisriyiin
wa Chilliim jaab al-Chilliimiyiin.
50Wa khuchuum buyuut gabiilat Naftaali adadhum 45 400 naas.
51Wa Bani Israaʼiil adadhum bigi 601 730 naas.
Gassimiin al-balad
52Wa Allah hajja le Muusa wa gaal : 53«Gassim al-balad di warasa ambeenaat al-gabaayil dool wa gassimha leehum hasab adad al-naas. 54Al-gabiila al-kabiire antiiha ard warasa kabiire wa l-gabiila al-sakhayre antiiha ard warasa sakhayre. Ayyi gabiila, antiiha warasa hasab adad naasha. 55Wa gassimiin al-balad di yabga be amʼiyeedaat. Wa ayyi gabiila talga warasatha hasab adad naasha. 56Wa be amʼiyeedaat ambeenaat al-gabaayil al-kubaar wa l-dugaag, ayyi gabiila talga warasatha.»
Al-hasaaba al-taaniye hana l-Laawiyiin
57Wa dool zurriiyit Laawi hasab khuchuum buyuuthum.
Girchuun jaab al-Girchuuniyiin
wa Gahaat jaab al-Gahaatiyiin
wa Maraari jaab al-Maraariyiin.
58Wa min khuchuum al-buyuut al-talaata dool marago khuchuum buyuut Libni wa Habruun wa Mahli wa Muuchi wa Khuurah.
Wa min khachum beet Gahaat marag al-raajil al-bisammuuh Amraam. 59Wa marit Amraam usumha Yuukaabad bineeyit Laawi al-wildooha fi Masir. Wa Yuukaabad jaabat le Amraam, Haaruun wa Muusa wa akhuthum Mariyam. 60Wa Haaruun jaab Nadaab wa Abiihu wa Aliʼaazar wa Itamaar. 61Wa Nadaab wa Abiihu maato achaan humman gaddamo le Allah fi lubb kheemat al-ijtimaaʼ bakhuur fi naar al-hu ma azan beeha.
62Wa l-Laawiyiin al-dukuur min wileed chahar wa foog, adadhum 23 000 naas. Wa ma hasaboohum maʼa Bani Israaʼiil al-aakhariin achaan ma induhum warasa min al-balad maʼa Bani Israaʼiil.
63Wa dool al-naas al-hasaboohum Muusa wa raajil al-diin Aliʼaazar wakit hasabo Bani Israaʼiil fi kadaadit Muwaab fi khachum bahar al-Urdun al-mugaabil hillit Ariiha. 64Wa laakin Bani Israaʼiil al-zamaan hasaboohum Muusa wa raajil al-diin Haaruun fi saharat Siinaaʼ, waahid kula minhum ma faddal. 65Achaan Allah gaal : «Humman kulluhum yumuutu fi l-sahara.» Wa khalaas, waahid kula minhum ma faddal illa Kaalib wileed Yafuuna wa Yachuuʼ wileed Nuun.
Currently Selected:
Adad 26: ADT19
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.
