Azaya 46
46
1“Babelɔŋ lɔii su-ƃelai díɣâla-ŋai da pɛ̂lɛ díkɔɔ mu dí kɛ́ dífɛ̂lii, díwala-walai kpɛɛ ŋá a seri.
Ŋ̀âla-ŋai ŋí ƃa Bɛɛ da Nebo.
Da pâi díɣirîi taa-tulɛ-ŋa pôlu dí lí a dia lɔii-ŋuŋ da kpɛ́ni-ŋa su.
Ŋ̀âla-ŋai ŋí díkaa a kpîri wuyɛɛ-ŋa daa tûlɛ-ŋai ŋí mɛni ma.
Da pâi kɔlɔ kpɛɛ̂i dîa.
2Dífa pɔ̂ri díkpîŋ ŋuŋ ma ƃôi.
Dí dísòŋ, dí lí a dia luɛ-lâa su.
Babelɔŋ ɣala-ŋai kpɛɛ ŋá ká ŋí.
3“Káai a Eezuɛ-ƃelai pù ká kúla gɔ-sôŋ-laai sui,
ka káwoli tɔ́ɔ ḿâ.
Ńyãa ƃé kákpɛ̀tɛ.
Ŋ́gbaaŋɔɔ̂i kámɛni ma é síɣe kámaa sɔlɔ ƃó tãi ma.
4Ŋa pâi lɛɛ̂i kámɛi kâai,
é lɛɛ la zu káŋuŋ é poa.
Ńyãa ƃa Káɣâlai.
Ńyãa ƃé kákpɛ̀tɛ.
Ŋa pâi kámɛi kâai,
ŋá káŋuŋ ma ƃó.”
5Yâwɛɛ ǹyɛɛi, “Gbɛ̂ɛ ƃé ka pɔ̂ri ŋ́gɔɔ̂ni mai?
Núu da káa kásama zeriɛ́ɛ ḿbɔ?
6Nûa da díyee lɔ̀ díkolâ-ŋai su dí gôo da káne-ŋa kùla naa,
dí díwuyɛ kɔ̂ɔŋ,
dí kɔli ɣale-ƃela féla fé la a gɛ́ɛ dí ɣâla pɔkɔɔŋ-ŋa kpɛtɛ la dîɛ dí díkɛ a díɣâla-ŋa.
À kɛ̀ tí, da pɛ̂lɛ m̀aa ɣâla pɔkɔɔŋ-ŋai ŋí kɔ́ɔ mu díkɛ dífɛli.
7Gɔli ɣâle-ƃelai da kpɛ̀ɛ zãâi ŋí kpɛ̂tɛi, da dɛ̀ɛ ǹamela pɔ́,
dí ǹáa díkarâŋ ŋá, dí lí a dia dípɛrɛ-ŋai lá, dí dítɔɔ dílôŋpo-ŋai su.
Da kɛ̂ tɔɔ̂ni naa, dífa pɔ̂ri díkpono tûmoi.
Da dífɛ̀li, dífa díwoo su tòo,
kpaa máŋ dí díkula mɛni kpɔ̂lu da su.
8“Sɔnyɔ̂ŋ-ƃela, ka kákili ŋá sía é pîlaŋ m̀ɛni-ŋai dîa ŋa wɔ́lɔ gɛ́i.
Káfe ǹia dîa.
9Ka kákili ŋá sía é pîlaŋ m̀ɛni-ŋai ma ŋá wɔ́lɔ dí kɛ̀ kásamai.
Ka gɔ́lɔŋ a gɛ́ɛ ńyãa tɔnɔ nɔ́ ƃa Káɣalai.
Ɣâla da kpɛ́ni fé naa é kúla ḿbôlu.
10M̀ɛni-ŋai pâi kɛ̂i é kúla gɔ́ɔ pîlani é tóo gbɛɛ ŋái mai, ŋá wɔ́lɔ dí maa mɛni ƃò kâa.
M̀ɛni-ŋai kɛ̂i ŋá dímaa mɛni ƃò kâa tãi su-kôyaa tɛɛ pôlu ma.
Ŋá m̀o kâa a gɛ́ɛ m̀ɛnii kélee ŋa m̀ôi, ŋaa see a kɛ̀.
Ŋá m̀o kâa a gɛ́ɛ fa ŋ́oo sìɣe pôlu.
11Ŋa pâi núu da kulâi vóloi kulâi-pere, ŋá pá la.
A pâi kɛ̂i pâi, díŋ kɛ̀ tɛ̀ yɛ̂ɛ kuɛ koôŋ su tiŋ.
M̀ɛnii kélee ŋá m̀oi ŋ̀aa-see a pâi kɛ̂i.
Ńyãa Yâwɛɛ ƃe gbɛ̀tɛ ǹyaŋ ŋa pâi gɛ̂i.
12“Wolii-kpɔ̂lɔ-ƃela, ka káwoli tɔ́ɔ ḿâ.
Káwolii kpɔ̂lɔi a gɛ́ kákɛ kákili-ŋa sìa a gɛɛ káfe pâi ŋuŋ ma ƃô sɔlɔ ƃôi a maa félaa.
13Ŋa pâi káŋuŋ ma ƃôi a maa félaa.
Ǹaa su fé ŋɔ́nɔ kôya ní.
Sɛŋ da fa pɔ̂ri káŋuŋ ma ƃó mɛnii kperâi.
Ŋa pâi Zerusâlɛŋ ŋuŋ ma ƃôi,
ŋá Eezuɛ mu-wuyɛ.”
Currently Selected:
Azaya 46: KWB
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia
