Ikilisiati Tuɛ mɛni ƃóɔɔ
Tuɛ mɛni ƃóɔɔ
Ikilisiati kɔlɔi káa a Ŋ̀âla-kɔlɔi su kɔlɔi dɔnɔ nyii a lôno é pîlaŋ berei ma táre-nuu tɔnɔ da è wɔ́lɔ lòno la é pîlaŋ berei ma ŋ̀éniɛi su mɛni-ŋai díkaa lai. Ǹalôŋ ŋí láa ƃé kɛ̀ a Saloma. Saloma è kɛ̀ a Deeƃé ǹóŋ.
Gɔlɔ ŋí su, da kɛ́ ǹalôŋ ŋí ma Dára-nuui. Ǹalôŋ ŋí ŋɔkili-ŋa sîai su, è gàa berei ŋ̀éniɛi ŋí káa la a zu-kpuaai. È ŋɔ́nɔ gàa a gɛ́ɛ m̀ɛni-ŋai díkaa núu-kpune ŋɔkɛ̀ ɣéniɛi sui, ŋáa kɔlɛ̂ɛi gîei feerɛ. M̀ɛni-ŋai ŋí káa a kili-ŋa tɛ̂i wôya mɛni da lii too pôlu-ŋa. È m̀o gɔlɔi ŋí kpɛɛ-ŋa a gɛɛ kɛ-ɣeniɛ káa nɔ́ kpɛ́ni-kpɛni. Dáre-nuui ŋí fé kɛ́ ní a dáreɛɛ berei Ɣâla nyii a núu-kpune ŋɔkɛ-ɣeniɛi téniŋ tɔɔi a tûa lai. Berei máŋ vé kɛ́ ní a dáreɛɛ la m̀ɛnii ŋí sui, è núu-kpune lia-woo ƃò a gɛɛ é tíi kɛ́ kpɔ́ a gbanaŋɔɔ, é Ɣâla ŋɔƃɛlɛ-seei ŋ̀aa nɛ̃ɛ kula, tãi nɔ́ gáa la ɣele mai.
M̀ɛni-ŋai ǹalôŋ ŋí è m̀oi, gelee fé kɛ ní pere me. Damaa káa a núu líi too pôlu mɛni, da ŋa díkɛ ƃò a tɔ̃yâ. Kɛ́lɛ, dí m̀ɛni sáŋ kɛ́ɛ-ŋai ŋí pɔ̃yɛ̂ Ŋ̀âla-kɔlɔi su é ǹɛ́ a gɛɛ berei Ŋ̀âla-kɔlɔi ŋɔsɛŋ lɛ́ɛi è ŋ̀éniɛi su mɛni kélee mɛi pɛ̂lɛ lai. Núu támaa da díkpîŋ kàa Ikilisiati kɔlɔi su a gɛɛ Ŋ̀âla-kɔlɔ tɔnɔi nyii a m̀ɛni-ŋai ŋí ŋá lɛ̂i, a lôno é pîlaŋ berei ma núu-kpune a ŋɔkili-kɛ zui kɛ̀ la Ɣâla sârai, nyii a núu ŋɔkɛ-ɣeniɛi kɛ̀ é kɛ́ a gula kɛ̂ɛ ƃóɔɔi.
M̀ɛni-ŋûŋ-ŋai gɔlɔi ŋí sui
Kɛ ɣéniɛ ŋɔsâpoi káa ma? (1:1--2:26)
Ŋ̀óo-ŋai bîlaŋɔɔi kɛ-ɣeniɛ mai (3:1--11:8)
Ǹia-wooi gbɛɛ-ŋai (11:9--12:8)
Gɔlɔi-ŋuŋ láa-wooi (12:9-14)
Currently Selected:
Ikilisiati Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia