Emɔ 1
1
1Emɔ, nyii kɛ̀ m̀ála mɛi-kaa-ƃelai sáma Tekoai, ŋɔwóo-ŋai ká ŋí nyii-ŋai bîlaŋɔɔi Eezuɛ-ŋai dîai. È ŋ̀óo-ŋai ŋí mɛ̀ni a Zuda-kaloŋ Uzia ŋɔtãi da Zɛoasi ǹóŋ Zɛroboaŋ ŋɔtãi, nyii kɛ̀ a Eezuɛ-ŋai díkâloŋ kóraŋ feerɛ tɛɛ pôlu ma ǹɔii é lɛ́ɛ pâi kpɛlînii.
2Emɔ è mò ǹyɛɛi,
“Kúnuu-namui kpéɣe-woo è kùla Zãiyɔŋ,
ŋ̀óo é kúla Zerusâlɛŋ.
Ǹyaŋ gala ŋûnu lɔii a pâi wɔ̂lɔi,
Kamɛɛ Yeei tôŋ é kpála.”
Ɣâla a Eezuɛ kɔlɛ ma lɔii-ŋuŋ kula maa kɛ̂i
Siria
3Kúnuu-namui e mò, ǹyɛɛi, “Dɛmɛika ŋɔsɔnyɔ̂ŋ saaƃa kpaa náaŋ mɛ̂ni ma, fé pâi dɔŋ-kpɛ-maai siɣêi pôlu mà kpɛ́ni fêi, da Gilia táŋ a mɔlɔŋ táŋ-kɔli. 4Mɛni ma, ŋa pâi ŋɔŋ pilîi Azae ŋɔpɛ́rɛi ma a gɛɛ é Bɛŋ Ada ŋɔkóli-ŋai kéreŋ. 5Ŋa pâi Dɛmɛika ŋɔsiɣãŋ gbôŋ wôloi, ŋá Bîka-Avɛŋ-ƃelai zu kara, ŋá ǹúui su kara, nyii gáloŋ-wurii káa ǹyéei Bɛ-Idɛŋ. Kúnuu-namui è mò, ǹyɛɛ, Siria-ƃelai da pâi liî luɛ-laa su Kîɛ.”
Felesia-ŋai
6Ɣâla Yâwɛɛ è mò, ǹyɛɛi, “Geza ŋɔsɔnyɔ̂ŋ saaƃa kpaa náaŋ mɛni ma, fe pâi dɔŋ-kpɛ-maai siɣêi pôlu mà, kpɛ́ni fêi, dí li a ǹûai kélee Idɔŋ luɛ-lâa su. 7M̀ɛni ma, ŋa pâi ŋɔŋ pilîi Geza ŋɔsiɣãŋ ma a gɛɛ é ŋɔkɔli-ŋai kéreŋ. 8Ŋa pâi Asɔdɔ-ƃelai su karâi, ŋá ǹúui su kara, nyii gâloŋ-wurii káa ǹyéei Asikɛlɔŋ. Ŋa pâi ńyee tínanîi Ɛkulɔŋ pɔ́-pere é lɛ́ɛ la zu Felesia-ŋai kpêli su é kara.”
Taya-ŋai
9Ɣâla Yâwɛɛ è mò ǹyɛɛi, “Taya ŋɔsɔŋyɔ̂ŋ saaƃa kpaa naaŋ mɛni ma, fe pâi dɔŋ-kpɛ-maai siɣêi pôlu mà kpɛ́ni fêi, dí lì a ǹûai kélee Idɔŋ luɛ-laa su, dí nia díkono-tee-wooi mɛni ma da dîa-ni díkîe-ni loai. 10Ŋa pâi ŋɔŋ pilîi Taya ŋɔsiɣãŋ ma a gɛɛ é ŋɔkóli-ŋai kélee kéreŋ.”
Idɔŋ-ŋai
11Ɣâla Yâwɛɛ è mò ǹyɛɛ, “Idɔŋ ŋɔsɔnyɔ̂ŋ saaƃa kpaa náaŋ mɛni ma, fé pâi dɔŋ-kpɛ-maai siɣêi pôlu mà, kpɛ́ni fêi, è ǹêɣe kpɛ̀ a gbálai kɛ̀ ǹyéei, maloŋ-kaa kélee fé kɛ́ ní ǹyêei m̀ɛni ma, ŋɔlii-ŋwanai su è kɛ̀tɛ, è ƃò nɔ́ gíli ŋá wɔ́. 12M̀ɛni ma ŋa pâi ŋɔŋ pilîi Temaŋ ma a gɛɛ é Boza ŋɔkóli-ŋai kéreŋ.”
Amɔŋ-ŋai
13Ɣâla Yâwɛɛ è mò, ǹyɛɛ, “Amɔŋ ǹônii dísɔnyɔ̂ŋ saaƃa kpaa náaŋ mɛni ma, fé pâi dɔŋ-kpɛ-maai siɣêi pôlu dîa kpɛ́ni fêi, dí Gilia koo-nɛyãai koi ƃêla a gɛɛ dí dílɔii su kɛ́tɛ. 14M̀ɛni ma ŋa pâi ŋɔŋ pɔnîi Laba ŋɔsiɣãŋ ma a gɛɛ é ŋɔkóli-ŋai kéreŋ, a láɣi-woo su kɛ́tɛ a kɔ́ kɔ́-tãi da fãa kɛ́tɛ tɛɛ-tãi, 15ǹyaŋ díkâloŋ a pâi liî luɛ-laa su, da ǹyaa kpîŋ é pɛ́lɛ ŋɔkâloŋ-lonii dîa.”
Currently Selected:
Emɔ 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia