PSALMS 46
AFR53
46
God is ’n toevlug.
1VIR die musiekleier. Van die kinders van Korag. #I Kron. 15:20Met sopraanstemme. #Ps. 48:1’n Lied.
2God is vir ons ’n toevlug en sterkte; as hulp in benoudhede is Hy in hoë mate beproef.
3Daarom sal ons nie vrees nie, al waggel die aarde en al wankel die berge weg in die hart van die see.
4Laat sy waters bruis, laat hulle skuim; laat die berge bewe deur sy onstuimigheid! Sela.
5Die stroompies van #Ps. 65:10; Jes. 8:6’n rivier maak #Ps. 48:2; Jes. 60:14die Godstad bly, die heiligste van die woninge van die Allerhoogste.
6God is #Deut. 23:14; Jes. 12:6daar binne-in, dit sal nie wankel nie; God sal dit help as die dag aanbreek.
7 # Ps. 2:1 Nasies het gebruis, koninkryke het gewankel; Hy het sy stem verhef; die aarde bewe.
8 # Jes. 7:14; 8:8,10 Die Here van die leërskare is met ons; die God van Jakob is ’n rotsvesting vir ons. Sela.
9Kom, aanskou die dade van die Here, wat verskriklike dinge oor die aarde bring,
10 # Jes. 2:4 wat die oorloë laat ophou tot by die einde van die aarde, die boog verbreek en die spies stukkend slaan, die strydwaens met vuur verbrand.
11Laat staan en weet dat Ek God is; #Jes. 2:11 ens.Ek sal hoog wees onder die nasies, hoog op die aarde.
12 # Jes. 7:14; 8:8,10 Die Here van die leërskare is met ons; die God van Jakob is ’n rotsvesting vir ons. Sela.

Verskaf met die komplimente van die Bybelgenootskap van Suid-Afrika. © Bybelgenootskap van Suid-Afrika. Gebruik met toestemming. Alle regte voorbehou.

Ondersteun ons en word ‘n saaier van hoop.

Learn More About Afrikaans 1933/1953