Sal 97
97
Re' QaJaaw Dios xti manlik Reey
1Re' i QaJaaw Dios manlik Reey suuqb'oq taq ak'ux i hat wach ak'al,
je' wo' taq i hat i ye'aab' kotimaj taq awiij chi ha'.
2Re' QaJaaw Dios kotimaj riij chi q'equm paam suutz',
parub'ehel i ruq'at i q'orik, i rub'an i taaq'anik.
3Re' i QaJaaw Dios je' naa q'aaq' peet chuwach,
ruuk' i re' i rusach kiwach i ki-ixowanik wach.
4Eh re' rusaqumaal xan saqumanik chik i wach ak'al i rub'an.
Eh re' i wach ak'al ink'uyu'jik ruum.
5Re' taqe yuuq' kihab'ik, xa je' chik kihab'ik kantela
chuwach i QaJaaw Dios ehchan reh chu'nchel i wach ak'al.
6Re' taxaaj ink'uhtanik i rukorkiil wach ruk'ux i QaJaaw Dios,
eh chu'nchel i tinamit ki-ilwik reh i ruloq'il.
7Eh chu'nchel inkinimb'isaj kiwach ruuk' i kiloq'oonjiik i tiyoox
naa kikahniik pan k'ixb'ilaal.
Eh chu'nchel i kikojariik chi dios korehtaal inkiloch' kiib' chuwach i QaJaaw.
8QaJaaw Dios, re' ye'aab' Sión,
re' tinamiit i Judá ma' k'isiin ta nsuuqb'ik kik'ux,
ruum parub'ehel inaq'at i q'orik.
9Re' hat Jaawxiik'naah nimaal awach,
xa re' wo' hat i xti nim awajaawriik chinaah i wach ak'al,
je' wo' chikiwach taqe i xa tiyoox.
10Re' taq i hat i tik'axwik reh i QaJaaw Dios cha kanaa' taq i yiib' wach na'ojb'al.
Re' reh i ruko'leej riij i kik'achariik i rusantolaj aj nimaneel,
i ruko'leej pan kiq'ab' i yiib' wach kib'anik.
11Eh i ruyeew i rusaqumaal i kina'ojb'al i korik wach kik'ux.
Iruyeew rusuqkiil kik'ux i korik kib'anik.
12Re' taq i hat korik taq wach ak'ux chasuuqb'isaj taq awánima ruuk' i QaJaaw Dios,
chaloq'ej taq i rusantolaj b'ihnaal.
Currently Selected:
Sal 97: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
