Sal 85
85
Re' reey David xupahqaaj chi naa wo' chik kiko'ljiik ruka'peech
1QaJaaw Dios, re' hat q'e' hat atoob' quuk' i hoj, hoj aatinamiit,
ruum xoj asutej wo' chik chaloq i hoj, hoj riih rumaam i Jacob.
2Eh xakuy chu'nchel i kimahk aatinamiit,
je' wo' taqe i yiib' wach na'ojb'al inki a'n
3Eh ma' xta chik cho aajosq'iil chikinaah,
sahchik panak'ux chi jumpech i ransil aajosq'iil.
4QaDios i aj ko'len qeh, je' re' i na a'n.
Chakuy qoh ako'leej yu'naak, maayeew chik aajosq'iil chi qanaah.
5¿Mi ma' naa chik amayam re' aajosq'iil chi qanaah chi jumpech?
¿Mi konaa wo' aye'em cho re' aajosq'iil chikinaah
taqe qak'uun qixq'uun naa kiwihiik koq'uun?
6¿Mi ma' naa chik aye'em qeh re' i suq laj k'acharik
reh chi neensuuqb'ik qak'ux awuuk' i hoj, hoj aatinamiit?
7QaJaaw Dios, chaketelaaj tii qawach,
eh qoh ako'leej.
8Re' hin naab'iram i naa ruq'orom i QaJaaw Dios.
Ruum naa ruq'orom chi naa ruwihiik
rusuqkiil kik'ux i rusantolaj tinamiit.
Reh chi ma' nee ta chik imb'aan i tehwachiil.
9Xti korik noq re' QaJaaw Dios ma' najt ta wilik
chi kiko'ljiik i kiye'wik runimaal wach,
reh chi neen wihik ruloq'il chupaam i qa ye'aab' wilkooj wii'.
10Re' ketelinik wachiis, re' korik naa ruwihiik kuuk' i tinamit.
Eh naa ruwihiik i suq kiil k'uxliis, i rukorkiil wach k'uxliis.
11Re' korik chi kixilak i tinamit wach ak'al naa rutihk'iik.
Eh re' wihik parukorkiil pan taxaaj naa ruchaliik.
12Re' QaJaaw Dios naa ruye'em i rotob'il chi qanaah, eh
naa ruwachiniik i qatik pan qa ye'aab'.
13Re' korik naa ruk'uhtaam qeh i QaJaaw.
Eh naa ruk'uhtaam qeh i wihik parukorkiil.
Currently Selected:
Sal 85: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
