Sal 8
8
Re' ruloq'il i Dios, eh re' runimaal wach i winaq
1WaJaaw nuDios, xiik' naah loq'il aab'ihnaal chi junsuut i wach ak'al.
Eh xayeew wo' aaloq'il chikinaah chu'nchel i wilkeeb' pan taxaaj.
2Ruuk' i kitz'uuy i komanaan, eh ruuk' i kitz'uuy koch'uch' inki a'n
naa rutz'uyjiik nuwach,
reh chi neentz'ahpik kichii' i ki-ixowanik awach,
taqe inkaaj kianam i ti' k'axik aweh.
3Eh noq inwilow johtoq i taxaaj xayejaa' cho ruuk' aq'ab',
je' wo' poh, ruch'ihil taqe ch'umiil xayejaa' chaloq,
4je' wili nuq'or: ¿Chib'ih rajaawriik i winaq xasahchik wach reh chi naaketelaaj wach?
Eh, ¿Chib'ih reet noq ink'ulik cho panak'ux, eh ti' inawik'raaj?
5Eh xama' najt taj xaqasaj wach i rajaawriik i winaq chuwach i kajaawriik taqe ánjel.
Chi riij i re', xayeew wo' chik runimaal wach, xayeew ruloq'il.
6Xayeew wo' rajaawriik chikinaah chu'nchel ayejaam taqe chaloq ruuk' aaq'ab'.
Eh re' hat chu'nchel xayeew chi ri'sil i rajaawriik,
7re' taqe wili: tentzun, b'ooyax, chu'nchel taqe re',
je' wo' taqe xa chib'ih chopkaal wilkeeb' pantaq ch'ahn.
8Je' wo' taqe i chikop kirupinik pan taxaaj, taqe i kar wilkeeb' chupaam i palaw,
eh chu'nchel i chikop wilkeeb' chupaam, xayeew chi ri'sil i rajaawriik i winaq.
9WaJaaw nuDios, ehchan qeh, xiik' naah
loq'il aab'ihnaal chi junsuut i wach ak'al.
Currently Selected:
Sal 8: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
