Sal 76
76
Re' Dios i ruq'at kiwach chu'nchel i wilik kajaawriik
1Re' QaJaaw Dios naab'imaj wach ar Judá.
Eh xiik' naah holwochiil i rub'ihnaal ar Israel.
2Re' i rupaat i Dios inwihik wii',
ar wilik chinaah i yuuq' Sión ar Jerusaleem.
3Eh ar ruuk' i rajaawriik xutoq i kiflecha,
i pulato ch'ihch', i kiq'aslaj ch'ihch' aj ixowaal re' inkikoj reh q'aq'inik.
4QaJaaw Dios xiik' naah aaloq'il awajaawriik,
ma' xata je' rukab' taqe rax chee' wilkeeb' chi juneliik.
5Eh re' taqe i q'e' kow kiib' xq'ucharik i chib'ih keh.
Eh xqajik i kiwiriik atoob' ta q'e' wo' naq kow kiib',
ma' xta wo' i xkian noq xooj kuxoq.
6QaJaaw, ruDios Jacob noq i inaq'or chi naa a'nam keh,
ni xata naq chik re' i kikareta, i kikawayu inkik'uyu'saj.
7Eh xiik' naah yohb'alil awach.
Ma' awach ta jino'q ineerukuy i pa'lojik
chawach noq qopinaq aajosq'iil.
8Kopan taxaaj i na a'n chaloq i q'ataj q'orik.
Eh re' taqe i wilkeeb' wach ak'al ma' k'isiin ta kiyo'jiik, eh kikahniik meem.
9QaJaaw Dios, ¿kojaruuj aj wo' na a'n re' i q'ataj q'orik?
reh chi nee taqe nako'leej chu'nchel i k'ahchi' rub'aan ti' k'axik keh ayu' wach ak'al.
10Re' rujosq'iil i winaq xama' xta wo' neetiruchej, insutinik la' chi loq'oomb'al aweh,
eh chi ye'b'al runimaal awach.
11Chayeew taq reh aaDios aaq'orom taq chi naa aye'em reh.
Eh re' taq i hat i wilkaat taq chi junsuut i reh,
chak'am taq chaloq alemóxna chuwach, i yohljik iraaj wach.
12Ruum re' reh ineesanik i kik'achariik taqe i k'amal b'eeh.
Eh chuwach i reh kiyo'jik taqe reey wilkeeb' wach ak'al.
Currently Selected:
Sal 76: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
