Sal 70
70
Re' reey David xupahqaaj ree Dios chi naa rehtesjiik chupaam i ti' k'axik
1QaJaaw Dios, cha kuy kinako'leej tii,
kinatoob'eej chi jumehq'iil.
2Neeta naq kikahnik chi xase'lb'al chik
taqe inkaaj nukanteesjiik.
Eh nee ta naq inkimol chi elik ruum kik'ixiik
taqe i xa re' i yiib' wach inkikapaaj chi wiij.
3Neeta naq inkimol chi elik
ruum kik'ixiik taqe i kikaqse'lanik weh.
4Eh chu'nchel i kisik'wik aweh nee ta naq insuuqb'ik kik'ux.
Re' taqe i ki ajwanik reh i ko'lemb'al iib',
nee ta naq inkiq'or chi je' wili:
Xiik' naah nimaal wach i QaJaaw Dios, inko'q ta naq taqe.
5QaJaaw Dios q'e' ketel nuwach, ti' nuk'ux kinatoob'eej tii,
xa re' wo' hat titoob'inik weh.
Eh xa re' wo' hat nee ti eesanik weh chupaam i ti' k'axik,
Jaaw kinatoob'eej tii chi jumehq'iil.
Currently Selected:
Sal 70: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
