Sal 60
60
Re' reey David xupahqaaj i rotob'il i Dios noq xooj panq'aq'inik
(Sal 108.6-13)
1QaJaaw Dios, re' hat xoj akanaa' chi qutkeel ruum aajosq'iil.
Xoj akanaa' chi ma' xta chik qakowiil.
Inqapahqaaj aweh chi qoh atoob'eej,
eh chayeew wo' chik qakowiil.
2Chi qeh i hoj je' naa xak'u'yisaj aak'al, je' naa xatarib'eej,
xa re' la' qoh atoob'eej wo' chik reh chi nee
wo' chik i rureq paruye'aab'.
3Eh xayeew q'ab' chi xuk'ul i ti' k'axik aatinamiit,
je' naa xayeew qeh chi uuk'jik i k'ahlaj ha' inyojwik na'ojb'al.
4Re' hat yu'naak xayeew jinaj kehtalil i kiye'wik aloq'il
ko'lemb'al kiib' chuwach i kikanteesb'aal i aj ixowaal.
5Eh qoh ab'iraj tii, qoh ako'leej ruuk' awajaawriik,
chawesaj wo' taqe panti' k'axik awach taqe i q'e' nak'ax.
6Re' QaJaaw Dios je' wili i xuq'or parusantolaj ye'aab':
Re' hin naa rusuuqb'iik nuk'ux noq
naa nuch'aqam i ye'aab' Siquem.
Eh naa nupajam i ye'aab' wach k'ixkaab' Sucot.
7Re' i Galaad, i Manasés wee hin taqe.
Re' Efraín je' naa poyb'al wach nunaah.
Eh re' i Judá, je' naa nukarote noq wilik, rehtalil i wajaawriik.
8Re' i Moab je' jino'q johm ye'aab' tz'ajb'al nuq'ab'.
Eh re' i Edom, naa nuyeq'em pan wooq.
Eh naa rusuuqb'iik nuk'ux noq naa nuq'atam
kiwach i taqe aj filisteo, inki i Dios.
9QaJaaw Dios, ¿Awach naa ruk'amwiik reje
weh chupaam i tinamit kow riib'?
¿Awach i naa ruk'amwiik reje weh Edom?
10QaJaaw Dios, ¿Mi xti xoj aq'eb' chi jumpech re'?
¿Mi ma' nee wo' naq chik i rub'an chi re' hat
nee ti k'amwik reje qeh panq'aq'inik re'?
11Jaaw, qoh ako'leej tii pan kiq'ab' i ki-ixowanik qawach.
Ruum re' ko'linik inki a'n i xa winaq xama' xta nokik wii'.
12Re' QaJaaw Dios naa rutoob'iniik qeh
reh chi ma' xta nee qoh kuchej i ki-ixowanik qawach.
Eh re' wo' reh neenesanik i kajaawriik.
Currently Selected:
Sal 60: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
