Sal 5
5
Re' reey David xupahqaaj parutiij chi naa rutoob'jiik ruum i Dios
1WaJaaw nuDios, cha kuy chab'iraj tii weh i nutiij.
Chayeew tii weh i nupahqaaj ruuk' oq'ik.
2Neeta tii nab'iraj i nupahqaaj aweh ruuk' nuchii',
ruum re' hat, hat nuReey, eh hat nuDios,
xa re' wo' hat tinuq'o'reej panutiij.
3WaJaaw nuDios, re' hin kowahq'eq i nupahqaaj aweh panutiij chib'ih inwaaj,
eh kinab'iraj wo' hoq. Eh re' hin kinokik chi ruyub'jiik.
4NuDios, re' hat ma' nawaaj ta wach i yiib' wach na'ojb'al. Je' re' noq,
re' taqe i yiib' wach kib'anik ma' jaruuj naa aye'em kiye'aab' awuuk',
5eh ni xata mponik chawach i nimaq kiwach inki a'n kiib'.
Ma' nawaaj ta kiwach i ma' holohik ta kib'anik.
6Re' hat inasach kiwach i chukul q'orik.
Eh ma' nawaaj ta kiwach i ma' korik ta kiq'orik,
je' wo' taqe i kansan kas kichaaq'.
7Eh re' hin, xa ruum chi ma' k'isiin ta xaketelaaj
nuwach naawokiik chupaam aSantolaj Paat.
Eh ar naa kaat nuloq'em ruuk' i ruyohljiik awach.
8WaJaaw nuDios, chak'am nub'eeh ruuk' i korik,
reh chi ma' xta neekinkuchej i ki-ixowanik nuwach,
eh kinak'am chupaam i korik laj b'eeh.
9Re' keh ma' korik ta kiq'orik, nujinaq chi yiib' wach na'ojb'al paam i kánima.
Eh re' q'orik i nelik cho pan kalaq
je' chuhkiil i kamnaq ma' tz'aplik ta naah i rujuleel,
eh aj chukul q'orik taqe.
10QaJaaw Dios, chayeew taqe chutojariik i kimahk.
Eh maayeew q'ab' keh chi nee kielik korik.
Eh chaq'eb' taqe chi riij ak'ux ruum i kimahk,
ruum chi xatkiq'eb' wo' chi riij kik'ux i keh.
11Eh re' taqe inkisik' ko'lemb'al kiib' awuuk' chayeew rusuqkiil kik'ux.
Juneliik kitz'uyinik,
ruum re' hat titoob'inik keh.
Re' kik'axwik aweh insuuqb'ik kik'ux awuum i hat.
12WaJaaw nuDios, chatoob'eej tii i korik wach ruk'ux.
Eh je'-oq jino'q nimlaj pulato ch'ihch' chako'leej wii' ruuk' ak'axb'al.
Currently Selected:
Sal 5: POK
Highlight
Share
Compare
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
