Sal 39
39
Re' noq xuq'or i reey David chi xama' najt ta rooq i k'acharik ayu' wach ak'al
1Re' hin xnuq'or naq chi naa wik'raam wiib' ruuk' i nuna'ojb'al,
chi ma' naa ta numahkuniik ruuk' i ju' waaq'.
Eh chi naa naq nutz'apam i nuchii' noq ko wilkeeb' ayu'
i yiib' wach kina'ojb'al.
2Re' hin xa je' hin meem xnub'an, wiib' ma' xta nuq'or.
Ni xata naq chi riij i holohik xinq'orik.
Xa re' la', re' nuti'kiil xooj chunimaal.
3Re' wánima xa nyot'ik chik,
eh noq kinokik chukapeb'jiik riij i k'achi' nuk'ulum,
xa je' chik inqop ruq'aq'al i wánima noq inwik'raaj,
ruum i re' kow xnuq'or chi je' wili:
4QaJaaw Dios inwaaj chi nee nayeew weh
chi naab'jik chib'ih naa wojiik kuxoq wii'.
Eh nik' chik najtiil naa nuk'achariik ayu' wach ak'al.
5Mi xama' najt ta rooq i nuk'achariik naa aye'em ayu' wach ak'al.
Korik re' nuk'achariik xama' xta tz'aaq chawach,
ruum re' k'acharik ayu' wach ak'al xa je' nik'ik junhuup chi teew.
6Re' i k'achareel ayu' wach ak'al,
xa je' nik'ik muuj i ruk'achariik.
Xa ma' xta neerutiq reh chi nee rumol wach rub'ehomal,
ruum ma' reht'al taj awach aj eh naa rukahniik.
7QaJaaw Dios, yu'naak ma' awach ta chik i neenwuy-eej
chi nee kirutob'eej, ruum xa awuuk' wo' hat ch'iklik nuk'ux.
8Je' re' noq, cha a'n otob'il kinako'leej chupaam taqe numahk,
maayeew q'ab' chi nee kinkikaqse'laaj taqe i ma' xta kina'ojb'al.
9QaJaaw Dios, re' hin xa je' ma' kinchol q'orik xnub'an wiib',
xama' xta xnuq'or chi riij i xnuk'ul,
ruum re' hat aweht'al chib'ih i na a'n wuuk'.
10Chakuy manlik i tojb'al numahk xayeew.
Re' hin xakimik chik weh noq inwik'raaj
ruum i ti' k'axik xayeew cho chi nunaah.
11Re' hat i nayeew chutojariik i ru mahk
awach inawaaj akojom runa'ojb'al,
eh nayeew q'ab' chi nk'uxarik ruum
i rumohol taqe i q'e' looq' reh.
Je' re' noq, chu'nchel i k'achareel ayu' wach ak'al
xa je' ki-ik'ik junhuup chi teew.
12QaJaaw Dios chab'iraj tii weh i nutiij.
Chab'iraj i nuq'or aweh.
Maacanaa' chi je' re' i nupahqaaj aweh ruuk' oq'ik.
Ruum xa hin ik'al b'eeh ayu', je' rukab' noq xi ik'ik
chi k'acharik taqe i numaam wati't
13QaJaaw Dios chayeew pee chik cho k'isinoq
rusuqkiil nuk'ux noq komajaa' kinkimik, kinki.
Currently Selected:
Sal 39: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
