Sal 127
127
Chu'nchel i chib'ih wilik qeh re' qaDios inye'wik qeh
1Wila' ma' re' QaJaaw Dios xyej-anik reh i paat
xama' xta neerutiq i neenkian i aj yej-an reh.
Eh wila' ma' re' i QaJaaw Dios incha'jinik reh i tinamit
xama' xta rutiq i neenkian i aj cha'joom.
2Eh xama' xta neerutiq reh jino'q chi neenokik q'iij chi kamanik,
xa k'axik wo' noq nee rureq rukaxlanwi'k.
Eh re' QaJaaw Dios ma' k'axik ta noq
i ruyeew kikaxlanwi'k taqe i ruk'ax, i ruyeew kihi'liik.
3Re' taqe i qak'uun qixq'uun ki-aasjik xa qakooch
noq i ruyeew cho qeh i QaJaaw Dios, eh xiik' naah kiloq'il chi qeh.
4Re' taqe i qak'uun qixq'uun ki-aasjik noq ko hoj ak'un,
je' naa jinaj flecha chi qeh. Je' rukab' i ruko'leej wii' riib' i winaq kow riib'.
5Atoob' reh awach i wilik k'ih-oq rak'uun rixq'uun,
ruum ma' naa ta ruk'ixiik
chikiwach taqe i ki-ixowanik wach,
noq naa ruq'orob'jiik panookb'al.
Currently Selected:
Sal 127: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
