Ez 2
2
Re' Ezequiel xsik'arik wach ruum i Dios chi xkahnik chi jalal ruq'oral
1Re' i QaJaaw Dios je' wili i xuq'or weh: Hat rak'uun winaq tipaa' johtoq, re' hin wilik i naa nuq'orom aweh, inki. 2Noq k'ahchi' chi q'orik wuuk' xokik wuuk' i ruxlab'al chi manlik. Ruum i re' xinpahik johtoq. Re' reh ma' xukanaa' ta nuq'orob'jiik. 3Je' wili i xuq'or weh: Hat rak'uun winaq, re' hin naa kaat nutaq'aam reje chi kixilak i aj Israel. Re' i tinamit ma' kinimanik taj ximahkunik chi nuwach, chi re' i kimaam kati't, chi re' keh xa ko xik'uloq wo' ayu' yu'naak. 4Re' keh q'e' kow i kinaah, q'e' kow i kánima, re' hin nak'at nutaq'aam reje chi kixilak, eh naa aq'orom keh i nuk'uhb'aal. 5Atoob' ta neenkinimaj, atoob' ta ma' neenkinimaj, ruum re' taqe re' ma' kinimanik taj. Xa re' la' neenkinab'eej chi xnutaq'aaj reje jinaj i jalal nuq'oral chi kixilak. 6Re' hat rak'uun winaq mat yo'jik chikiwach, maayohb'isaj awiib' ruuk' i neenkiq'or aweh. Atoob' ta neenawik'raaj chi je' xilak k'iix wilkaat kuum, oon chi je' xilak josq'laj tzina'j, atoob' ta xa nee chik inkiyoj aweh i kiwach ruum kijosq'iil. 7Re' hat naa aq'orom keh i nuq'oral atoob' ta neenkib'iraj, atoob' ta ma' neenkib'iraj, ruum re' keh ma' kinimanik taj. 8Re' hat rak'uun winaq chab'iraj i k'ahchi' nuq'orom aweh, mo'-oq je' akab' taqe i tinamit ma' kinimanik taj. Cha teh aachii' chak'ux i nuyeew aweh, inki.
9Eh re' hin xwilow panusaq wiriik jinaj i q'ab'iis wilik i koq wuuk' ruchopom i junb'oht chi huuj. 10Eh xuhe' chik wach chi nuwach, k'ul tz'ihb'amaj wach je' chi riij, je' chuwach. Ar tz'ihb'amaj i runimaal ti'kiil k'uxliis, eh i runimaal oq'ik naa ruchaliik chikinaah i aj Israel.
Currently Selected:
Ez 2: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.