Ez 19
19
Re' ruti'kiil k'uxliis chikiij i kireey i aj Israel
1Re' i QaJaaw Dios je' wili xuq'or weh: Hat rak'uun winaq cha tz'uyej i tz'uuy reh ruti'kiil k'uxliis keh i kireey i aj Israel, 2je' wili i cha q'or keh:
Re' i Jerusaleem atuut noq wilik, je' ixoq kaq b'ahlam,
eh chi kixilak i je' kaq b'ahlam xuk'isaj taqe
i ki'ib' chi kok' rak'uun jinaj keh i re', re' i Joacaz.
3Xuk'isaj chi korik korehtaal,
xponik chi je' rukab' i nimlaj kaq b'ahlam
i rub'an chik ruchopariik rutiib' i ruk'ux chik taqe i winaq.
4Eh re' taqe i tokoom tinamit xkib'iraj rib'iral
i rub'an k'ul xkiq'at chuwach,
je' naa xkikoj ruxirob'aal noq kichop.
Eh b'ak'lik wach chi karena noq xkik'am reje Egipto.
5Noq xrilow i je' ixoq kaq b'ahlam chi ma' xelik ta korik
ruuk' i xukapaaj naq rub'aan.
Xusik' wo' chik jinaj i k'isa rak'uun, re' Joaquín,
korehtaal xuk'isaj xureq wo' chik i runimaal.
6Eh noq xponik chik chi je' nimlaj kaq b'ahlam,
xak'ul chik inooj chi kixilak i je' kaq b'ahlam,
xutijej chik ruchopariik i rutiib'
i ruk'ux chik taqe i winaq.
7Eh yohb'aal wach i leq' xub'an
chupaam i paat imb'aan wii' i taaq'anik
xkuxik rusacham wach i tinamit.
Eh noq xuk'er chii' xiyo'jik i tinamit ruum.
8Ruum i re' xchalik b'anroq reh
kuum i tinamit wilkeeb' reje chi junsuut,
xkiq'at chuwach je' naa
xq'ehb'ik pan xirob' noq xkichop.
9Eh b'ak'lik wach chi karena
noq xkik'am reje chuwach i kireey i aj Babilonia,
xkiyeew pantz'ilom reh chi ma' naa ta chik
rib'irjiik chi k'erik chii' chinaah i yuuq' Israel.
10Re' i Jerusaleem i atuut taq noq wilik
je' naq rukab' i juniwal chi uuva
tikooj chii' rooq ha' ma' k'isiin i q'ab' i ruyeew,
eh inwachinik chi korik ruum xa eliik wilik ruha'iil.
11Eh kow i q'ab' xi elik
xkamanik chi kikarote i reey,
yohb'aal wach najtiil naah xponik,
yohb'aal wach i q'ab', je' wo' hoq i xaq.
Eh chu'nchel i tinamit xi ilwik reh.
12Xa re' la' re' i je' juniwal chi uuva re' re' xk'ulik chuqaroq
xq'eb'arik wach ak'al ruum
i je' kowlaj teew inchalik parelb'aal q'iij,
xq'ehb'ik taqe wach,
eh xchiqik taqe i kowlaj q'ab' i xk'atarik wach q'aaq'.
13Eh yu'naak i je' juniwal chi uuva re' re' je' naa panchiq
ak'al tikooj ma' xta ruha'iil.
14Eh nah taq q'ab' i nelik reje i q'aaq'
ink'atwik reh xaq, ruch'ihil i wach.
Ma' jino'q chik i kowlaj q'ab' xkamanik chi kikarote i reey
tiko'q keh, panatz'uuy, inki weh i Dios.
Re' i tz'uuy wili reh i ruti'kiil k'uxliis naa rukamaniik wii'.
Currently Selected:
Ez 19: POK
Highlight
Copy
Compare
Share
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
