Nm 26
26
Max ilay aj bisil eb israel junelxa
1A yet max lajwi ec' jun ilya' tol chi cam anima yuj tu', max yalon Jehová bay cham Moisés c'al bay cham sat sacerdote Eleazar, is c'ajol Aarón:
2Iaj is bisil eb israel yin junjun makanil yayji eb, chi el yich yin eb tol 20 abil is k'inal tol tiempo wal toj yin owal, ẍi Jehová.
3Max wajban oc cham Moisés yetok Eleazar masanil eb winak bay yac'alil Moab, bay is ti a' Jordán, bay sataktok Jericó, 4yet chi tz'ibelay masanil eb 20 abil is k'inal chi beyc'altok, axca wal max yun yalon Jehová bay cham Moisés.
A ton masanil eb max eltek bay Egipto:
5A eb is c'ajol Rubén is babel c'ajol cham Israel, a ton eb chi binaj can yin is yinatil: Enoc, Falú, 6Ezrón, c'al Carmi; 7axa is bisil yinatil eb ti' ay 43,730 eb winak yin masanil. 8A Falú, a' ay is c'ajol Eliab; 9axa pax Eliab a' ay is c'ajol Nemuel, Datán c'al Abiram. A Datán yetok Abiram tu' yicham winakil conob yayji eb. A ton eb junej yayji is lajk'anej yetok Coré. Max meltzoj oc eb ajc'ulal yin Jehová, yin cham Moisés c'al yin cham Aarón. 10Palta max jak tx'otx' tx'otx' is ti' cax max turlay aytok eb cawan tu' yetokc'al Coré. Masanil eb max tzakloj yintak Coré tu' max cami, a ton 250 eb winak max cam yuj k'ak'ej. A juntzan tu' max oc tx'oxbanilejal bay eb israel masanil. 11Axa pax eb is yinatil Coré xin, maj cam eb.
12Axa pax eb c'ajol Simeón xin, chi binajcan yin is yinatil, a ton Nemuel, Jamín, Jaquín, 13Zera c'al Saúl. 14Axa is bisil eb yinatil eb ti', ay 22,200 eb winak yin masanil.
15A eb is c'ajol Gad chi binajcan yin yinatil, a ton eb ti': Zefón, Hagui, Zuni, 16Ozni, Era, 17Arodi c'al Areli. 18Axa is bisil eb yinatil eb ti', ay 40,500 eb winak yin masanil.
19A pax eb c'ajol Judá max cam bay tx'otx' Canaán a ton Er c'al Onán. 20A eb c'ajol Judá chi binajcan yin is yinatil, a ton Sela, Fares c'al Zara. 21A eb c'ajol Fares, chi binajcan yin is yinatil, a ton Hezrón c'al Hamul. 22Axa is bisil eb yinatil Judá, ay 76,500 eb winak yin masanil.
23A eb c'ajol Isacar, chi binajcan yin is yinatil, a ton Tola, Fúa, 24Jasub c'al Simrón, 25Axa is bisil eb yinatil eb ti' 64,300 eb winak yin masanil.
26A eb c'ajol Zabulón, chi binajcan yin is yinatil, a ton Sered, Elón c'al Jahleel. 27Axa is bisil eb yinatil eb ti' ay 60,500 eb winak yin masanil.
28Axa pax yin yinatil José, cab tribual max yunej, a ton Manasés c'al Efraín. 29A is c'ajol Manasés, chi binajcan yin is yinatil, a ton Maquir, is mam Galaad. 30Axa eb is c'ajol Galaad, chi binajcan yin is yinatil, a ton Jezer, Helec, 31Asriel, Siquem, 32Semida c'al Hefer. 33(A Zelofehad is c'ajol Hefer, c'amc'al is c'ajol, asan is cutz'in ay, a ton Maala, Noa, Hogla, Milca c'al Tirsa.) 34Axa bisil eb yinatil Manasés ay 52,700 eb winak yin masanil. 35Axa eb is c'ajol Efraín, chi binajcan yin is yinatil, a ton Sutela, Bequer c'al Tahán. 36Ay jun is c'ajol Sutela chi binajcan yin is yinatil, a ton Erán. 37Axa is bisil eb yinatil Efraín, ay 32,500 eb winak yin masanil.
38A eb is c'ajol Benjamín, chi binajcan yin is yinatil, a ton Bela, Asbel, Ahiram, 39Sefufam c'al Hufam. 40A eb c'ajol Bela, chi binajcan yin is yinatil, a ton Ard, c'al Naamán. 41Axa is bisil eb yinatil Benjamín 45,600 eb winak yin masanil.
42A pax is c'ajol Dan chi binajcan yin is yinatil, a ton Suham. 43Axa is bisil eb yinatil Suham ay 64,400 eb winak yin masanil.
44A pax eb is c'ajol Aser, chi binajcan yin is yinatil, a ton Imna, Isúi, c'al Bería. 45A is c'ajol Bería, chi binajcan yin is yinatil, a ton Heber, c'al Malquiel. 46(A Aser tu' ay jun is cutz'in chi yik Sera.) 47Axa is bisil eb yinatil Aser tu' ay 53,400 eb winak yin masanil.
48A eb is c'ajol Neftalí chi binajcan yin is yinatil, a ton Jahzeel, Guni, 49Jezer, c'al Silem. 50Axa is bisil eb yinatil Neftalí ay 45,400 eb winak yin masanil.
51Yuj tu' xan a is bisil masanil eb winak yet Israel ay 601,730.
Leyal tzet chi yun pojlay ec' tx'otx' tx'otx'
52Max k'anjab Jehová bay cham Moisés, max yaloni:
53Chi pojlay ec' tx'otx' tx'otx' xol masanil tribu atac'ala' jantak is bisil junjun max aji. 54-56Yin suerteal chi yun pojlay ec' tx'otx' xol eb. Miman tx'otx' chak' bay mac xiwil bisil, txennej tx'otx' chak' bay mac txennej is bisil, ẍi Jehová.
Is bisil eb levita
57Eb c'ajol Leví chi binajcan yin is yinatil, a ton Gersón, Coat c'al Merari. 58A eb yitxiquin Leví tu', chi binajcan yin is yinatil, a ton Libni, Hebrón, Mahli, Musi, c'al Coré a ton eb tu' yinatil Leví.
A Coat tu' a ton is mam Amram. 59A Amram tu' max mojay yetok jun ix yinatil Leví, a ton ix chi yik Jocabed. A yet ayic' Leví tu' bay Egipto max alji ix. A Amram yetok Jocabed a ton eb is mam c'al is txutx Aarón yetok Moisés c'al María. 60Axa eb c'ajol Aarón xin, a ton Nadab, Abiú, Eleazar c'al Itamar. 61A Nadab c'al Abiú max cam eb yet max yak'on eb jun k'ak' tol tx'ok yeli, bay Jehová.
62A masanil eb winak yin yinatil Leví, a ton eb yin jun xajaw is k'inal chi beyc'altok, ay 23,000. A eb ti' c'am oc eb bisilok juntzanxa eb yet israelal, yujtol a eb levita tu' c'am is satak eb max yi' yetok juntzanxa tribual tu'.
63Caywal tu' max yun yeloc is bisil eb israel max ilay aj yuj cham Moisés yetok cham sacerdote Eleazar bay ac'al Moab, bay ti' a' Jordán bay satak Jericó. 64A masanil eb tu', c'am junok eb max bislay yuj cham Moisés c'al cham Aarón yet max yion aj eb cham is bisil eb yet babelal bay takin tx'otx' Sinaí. 65Yujtol max yal Jehová tol ok cam eb bay takin tx'otx', c'amxa junok eb tu' maxto cani; asanxanej Caleb is c'ajol Jefone, yetok Josué is c'ajol Nun max cani.
Currently Selected:
Nm 26: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
