Lv 12
12
Sakbanilal eb ix ix yet mayal watx'ji c'ul
1Max yalon Jehová bay cham Moisés axca ti':
2Al masanil juntzan ti' bay eb et israelal: Ta a junok ix ix chi alji junok is winak unin, yowalil tol ukeb c'ual man sakok yayji ix atac'ala' leyalil, axcac'alta' yet chi yilon is bisbal xajaw yet junjuntak el. 3Yukubixial wal yalji jun winak unin tu', cax chi ak'lay circuncidar. 4Axa pax ix txutxej tu xin, chito beyc'altok ix yin manto sakok yayji yin junokxa 33 c'ual, axca tol lanantoc'al sakbanen ba, c'amc'al chi je' mitx'on junok tzet yetal tol wet yayji ocok, tamwal chi je' toj bay in cajlobal yet c'amto chi tz'aknaj juntzan c'ual tu'. 5Palta ta ix unin chi alji xin, 14 c'ual chi cancan yin man sakok yayji, axcac'alta' chi yun yin is bisbal xajaw yet junjuntak el, cax chi beyc'altok yin sakbanen ba yin junokxa 66 c'ual.
6A yet chi tz'aknaj juntzan c'ual tol txequel yayji tu xin, caxc'al winak unin ma ix unin, yowalil chi yitek ix txutxej tu' junok no ach'ej calnel jun abil is k'inal, yet chi tz'a masanil yin xajanbalil, yetok junok no yune jobbejal paloma tzanc'al tzet makanil, chi tz'a yin xajanbalil yuj yak'lay tan yobtakil. A juntzan tu' chi ak'lay bay junok sacerdote bay satak mantiado. 7Axa jun sacerdote tu' chi ak'on ayin yin xajanbalil yet watx' chi ak'lay tan yobtakil, caytu' chi yun sakbicanok.
A ton juntzan leyalil ti' yin yet chi alji winak unin ma ix unin.
8Ta a ix txutxej tu' c'am chi je' yak'on junok calnel, chi yitek cac'onok no jobbejal paloma tzanc'al tzet makanil, jun no' chi ak'lay tz'a yin xajanbalil, axa junxa no' xin, chi ak'lay yin xajanbalil yuj yak'lay tan yobtakil; axa jun sacerdote chi ak'on yin xajanbalil, yet watx' chi ak'lay tan yobtakil ix. Caytu' chi yun sakbicanok, ẍi Jehová, cachi, ẍi Cham.
Currently Selected:
Lv 12: ATBYK89
Highlight
Copy
Compare
Share
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
