Salmos 13
13
Na'j Dios tu'n tkaninjtz onbil te Dios
Bitz tu'n David
1Nman ¿jtoj ban ntzaj tna'na? ¿Maj c'ic'el nna'njtze tu'na te jumajx? ¿Cucxpetzun cxel tewan tiba nwitze?
2¿Cucxpetzun c'ic'ex yajbil wu'ne ex tu'n nbisune tcyakil k'ij? ¿Jtojtzun chin tzokpete tjak' cycawbil ke aj k'oj wi'je?
3Nman Dios, chin tque'yintza, chin ttzak'wentza, k'ontza spic'un cyuj ke nwitze ex mi'n tak'a ambil tu'n ncyime.
4Mi'n tak'a ambil tu'n cymante ke aj k'oj wi'je cyja': Ma cub ti'j ku'ne. Tu'n mi'n cytzalaj ka otok chin cub tz'ake.
5K'ukl nc'u'je ti'j tc'ujlalila; in tzalaj wanmiye porque aya clol weye.
6Oc chin bitzale te Kman tu'nju ba'n ma tbincha weye.
Currently Selected:
Salmos 13: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
