Salmos 12
12
Na'j Dios tu'n tkaninjtz onbil te Dios
Bitz tu'n David
1Ko tcloma Nman porque minti'tl in che niman xjal teya; minti'tl in che bet xjal tuj tumelxix.
2In che nic'an yol cyxolx jun tuc'il juntl; xmletz' che yolin ex in che yolin tu'n cab cyc'u'j.
3Che najxwit tu'n Kman cycyakil xjal xmletz' ke, ex cyuc'ix keju in cyma'n nimcu yol te cynimbil cyib,
4in cyma'n cyja': Jacu ko camban nok tu'n ktzi'; ex axte ktzi' jacu colin ki'j. ¿Alcye jun jacu cub k'onte jun ley kibaj? Che chi.
5Ex atzun yol lu ma tma Kman: Akine chin jawil we' ex che cletel wu'ne ke xjal in che baj yajla'n ex ke xjal meba. Che cletel wu'ne ic tza'n cye cyajbil.
6Ke yol in tzaj ttziyan Kman tbanilxix ke; ic cyten ic tza'n sak pwak tbanilxix ex ktz'uminxix twitz tetzlenxi wuk maj tuj jorni.
7Tu'na Nman ko oquel tcwentina; cucx ko cletele tu'na cywitz ke xjal mya ba'n ke.
8Ke xjal mya ba'n in che bet tuj tcyakil lugar, ex cycyakil xjal in jaw cynimsa'n aju mya ba'n.
Currently Selected:
Salmos 12: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
