Malaquías 4
4
Aju tk'ijlalil oc tul Kman
1Chi Kman aju Tajaw Tcyakil: Nlak'ex ttzaj tk'ijlalil castiw in c'ant ic tza'n k'ak' tuj jorni ex atzun che oquex k'ot cycyakil keju in jaw cyniman cyib ex ke binchal mya ba'n, ex che bajel tz'e'y tu'n ic tza'n ttxa triw, ex mi ch'in cytx'akan cyjel ten. 2Atzun cyeye akeye in che niman weye tzul jun colol cyeye tz'aklxix, ic tten ic tza'n tkan k'ij in che banix xjal tu'n. Che jawil t'icpaje tu'n tzalajbil ic tza'n ke tal wacẍ in che etz tuj cype'n. 3Ke xjal binchal mya ba'n che bajel cywabane tjak' cykane ic tza'n tkukil tx'otx' tuj k'ij oc tbant tcyakil jlu wu'ne, chi Kman aju Tajaw Tcyakil.
4Cyna'ntze aju ley xi nk'o'ne te nmajene Moisés twi witz Horeb. Xi nk'o'ne ke ley ex ke mandamayent cye cycyakil aj Israel.
5Cybintze: Cxel nsama'ne nsanjele Elías cyuc'ile na'nxtok tul canun tk'ijlalil tu'n tcub nk'o'ne cycastiw xjal, aju k'ij lu ma'xix t-xilen ex xobajilxix. 6Ex tu'n Elías cbantel cyten mambaj cyuc'il cyc'wa'l ex ke c'wa'lbaj cbantel cyten cyuc'il cyman. Katzun minti' ma txi cyniman, ctzajel nsama'ne mya ba'n cyibaj ex cbajel nxitune cytanmi, chi Kman.
Currently Selected:
Malaquías 4: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993