Jueces 21
21
E tzaj jyo'n cyxu'jil ke tiyjil Benjamín
1Ke aj Israel otok txi cytziyan jun yol axix toc tuj Mizpa, tu'n mi'n t-xi cyk'o'n ambil tu'n cymoje' ke cyme'jel cyuc'il tiyjil Benjamín. 2Octzun cychmon cyib tuj Betel ex e cub ten twitz Dios; ex ate'x tejxi ttzaj klolj in che ok'tok wen ex in cyma'ntok: 3Aya Kman aju Cydios aj Israel, ¿tiku'n ma tzaj jlu ki'je, ex tiku'n cbel naj jun c'loj cyiyjil aj Israel ja'lo?
4Tuj juntl k'ij primxix e jaw we' aj Israel, jaw cybincha'n jun altar ex xi cyk'o'n oyaj te Kman, akeju patun in che cub, cyuc'ix ke chojbil te mojbabl tibil. 5Ex in cyma'ntok cyxolx: ¿Alcye jun kxol minti' o ten tuj buyj tibil oc tuj Mizpa? Porque otok txi cytziyan jun yol axix toc tu'n tcub cybyo'n akeju minti' e ten tuj buyj tibil.
6Nimxix in che bisuntok aj Israel ti'j ju otok baj cyi'j tiyjil Benjamín, akeju cyerman, ex in cyma'ntok: Ja'lo ma naj jun c'loj cyiyjil aj Israel. 7¿Ti cbantel ku'n tu'n tcnet cyxu'jil tiyjil Benjamín, akeju ma che cyaj ank'in? Porque o txi ktziyan jun yol axix toc twitz Kman, tu'n mi'n t-xi kk'o'n ambil tu'n cymoje' ke kme'jel cyuc'il. 8¿Atpe jun c'loj kiyjil minti' pon tyec'un tib twitz Kman tuj Mizpa? Che chi.
Eltzun cynic' ti'j ka mi jun aj Jabes aju at tuj tx'otx' Galaad otok ten tuj buyj tibil, 9porque tej tjaw list, mi jun cye ke xjal najl tuj lugar lu o tzaj tzak'wente. 10-11Entons cyu'n enter tnam xjal e je'x sama'n cablaj mil soldad, akeju cyuw cyc'u'j tuj k'oj, ex xi k'o'n orden cye tu'n tcub cybyo'n tu'n spad cycyakil ke xinak najlke tuj tnam Jabes, cyuc'ix ke c'wa'l ex ke xu'j otok cyilxi xinak. 12Cyxol keju najlke tuj tnam Jabes e cnet cyaje syent k'apoj na'nxtok cylonte xinak, ex e tzajtzun cyi'n tu'n cyul tuj campament tcubsa'n tuj Silo, tuj tx'otx' Canaán. 13Cycyakiltzun tnam xjal e k'mante tu'n cyxi' junjun xjal k'malte cye tiyjil Benjamín, akeju ate'tok tuj pic Rimón, tu'n mi'n cucx tten k'oj cyxol. 14E ajtztzun meltz'aj ke tiyjil Benjamín ex atzun cye aj Israel xi cyk'o'n cye akeju xu'j otok che tzaj cyi'n tuj tnam Jabes, pero minti' e canun ke xu'j lu cye cycyakil.
15Atzun cye aj Israel tzaj tz'e'y cyc'u'j cyi'j ke tiyjil Benjamín, tu'nju otok txi tk'o'n Kman ambil tu'n tnaj jun c'loj cyiyjil aj Israel. 16Atzun ke nejenel cye tnam xjal in cyma'ntok cyxolx: ¿Tza'n tten cnetel cyxu'jil ke mastl ku'n? Porque ke xu'j tiyjil Benjamín bi'x o che naj cycyakil. 17Ate Benjamín il ti'j cucx ctel toclen cyxol ke kiyjil nok cyu'n keju o che cyaj ank'in, tu'ntzun mi'n tnaj jun c'loj tiyjil Israel. 18Atzun ke mlay bant che'x kk'o'n kme'jel tu'n cymoje' cyuc'il, porque kcyakil aj Israel ko' o txi ktziyan jun yol axix toc tu'n mi'n cyxi kk'o'n kme'jel cye tiyjil Benjamín, tu'ntzun mi'n ttzaj mya ba'n kibaj. 19Pero cycyakil abk'i nno'c jun nintz nink'ij te Kman tuj Silo, aju tcubsa'n tuj tbank'ab k'ij te tnam Betel, tuj tjawitz k'ij te be in xi' tuj Betel tu'n tpon tuj Siquem, ex tuj tnayaj k'ij te tnam Lebona, che chi.
20Xitzun cysama'n ke nejenel cye aj Israel ju tkanil lu cye tiyjil Benjamín: Cyxi'ye ex cyewanx cyibe cyxol tkan uva ate' nikayin ti'j tnam Silo, 21ex listtzun che tencuye. Octzun cyetz ke txin ate' tuj Silo tuj c'lojin cyten ex in che bixun, ax icxtzun cyeye bix che etze tuj lugar jatum cyewan cyibe, ex teyle junjun cyeye ba'n tu'n t-xi telk'a'n jun txin te t-xu'jil, ex bi'xtzun che aje tuj cytx'otx'e. 22Ex katzun ma che ul cyman ex ka cyerman ke txin k'malte keye, cxeltzun kma'ne cye cyja': In ko cubsane cywitze tu'n tcub cynajsa'ne cyil ke jlu, porque minti' ma che cnet xu'j ku'ne te cye cycyakil tuj k'oj oc tuj tnam Jabes. Ax icx, como mya cyu'ne ma che'x cyk'o'ne, cyja'tzun minti' cyile ti'j ju yol axix toc o txi cytziyane.
23Atzun cye tiyjil Benjamín ba'n ela tuj cywitz tu'n tbant cyu'n icju, cyja'tzun, teyle junjun cye xi telk'a'n jun txin, akeju in che bixuntok, ex xi cyi'n tu'n toc te cyxu'jil. E ajtzun tuj cytx'otx' ex jaw cybincha'n juntl maj ke tnam ex e najan cyuj.
24Ax icx ke mastl aj Israel e aj meltz'aj, ex teyle junjun xi' tuj tex ttx'otx', cyxol tex tiyjil ex cyxol keju at cyxilen cyuc'il.
25Tuj tk'ijlalil lu, minti'tok rey cyxol aj Israel ex teyle junjun in tbincha'ntok nok alcye ba'n tuj twitz.
Currently Selected:
Jueces 21: MAMH
Highlight
Share
Copy
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993