Isaías 12
12
Bitz te ak'bil chjonte
1Tuj tk'ijlalil tzul cxe'l tma'na cyja':
In xi nk'o'ne chjonte teya Nman; masque o tzaj tk'oja wi'je, pero ma baj tk'oja ex ma tzaj tk'ukba'na nc'u'je juntl maj.
2Ate Dios in colin wi'je; k'ukl nc'u'je ti'j, mlay chin xobe. Ti'j Kman nno'c nclon wibe ex chin bitzale te; ma chin clete tu'n.
3Ax icx cyeye, ba'n tu'n cyxi'ye c'al tuc'il tzalajbil ti'j twi a' te colbil.
4Tuj tk'ijlalil tzul oc cyma'ye:
Cyk'onxe chjonte te Kman ex che cubsane twitz, cytx'olbanxe cye ke nasyon aju ma tbincha, cymanxe cye ti'j nim toclen tbi.
5Che bitzane te Kman porque ma'xix aju ma tbincha, a jlu ba'n tu'n tojtzkinjtz tuj tcyakil twitz tx'otx'.
6Che sch'ine tu'n tzalajbil ex che bitzane, akeye najl tuj tnam Sión, porque ma'xix toclen aju Dios Xjan cye aj Israel, aju at cyxole.
Currently Selected:
Isaías 12: MAMH
Highlight
Copy
Compare
Share
Want to have your highlights saved across all your devices? Sign up or sign in
Mam del Norte © Sociedades Bíblicas Unidas 1993
