Popular Bible Verses from Isaías 12

Share

Ate Dios in colin wi'je; k'ukl nc'u'je ti'j, mlay chin xobe. Ti'j Kman nno'c nclon wibe ex chin bitzale te; ma chin clete tu'n.

Ax icx cyeye, ba'n tu'n cyxi'ye c'al tuc'il tzalajbil ti'j twi a' te colbil.

Che bitzane te Kman porque ma'xix aju ma tbincha, a jlu ba'n tu'n tojtzkinjtz tuj tcyakil twitz tx'otx'.

Tuj tk'ijlalil tzul oc cyma'ye: Cyk'onxe chjonte te Kman ex che cubsane twitz, cytx'olbanxe cye ke nasyon aju ma tbincha, cymanxe cye ti'j nim toclen tbi.

Tuj tk'ijlalil tzul cxe'l tma'na cyja': In xi nk'o'ne chjonte teya Nman; masque o tzaj tk'oja wi'je, pero ma baj tk'oja ex ma tzaj tk'ukba'na nc'u'je juntl maj.

Che sch'ine tu'n tzalajbil ex che bitzane, akeye najl tuj tnam Sión, porque ma'xix toclen aju Dios Xjan cye aj Israel, aju at cyxole.