Sal 83
83
Ruk'utuxik ruk'ayewal pa kiwi' ri e etzelanel*f83*
1Nimalej Dios ¿Achike roma man jun nabij?
¡Man taben chi man jun nabij, ni man kak'oje' kan choj keri'!
2Ri e etzelanel awichin kan yeken k'a roma koyowal.
Ri itzel nikina' chawe kan kipaban k'a ki'.
3Kan xkiya' k'a chikiwech chi xeyakatej chiqij roj ri oj atinamit;
pan ewel k'a xkich'ob rij ri etzelal ri nibekibana' chiqe roj ri kan oj achajin rat.
4Xkich'ob k'a chi yeyakatej chiqij roj israelita, richin yojkik'is;
kan nikajo' k'a nikiyoj jumul ri rubi' re qaruwach'ulew.
5Kan jun k'a kiwech kibanon chire re ch'obonik re'.
Kan xkiyala' k'a kitzij chi yeyakatej chawij.
6Re winaqi' re' je ri edomita,
ri ismaelita, ri moabita, ri agareno,
7ri guebalita, ri amonita, ri amalecita,
ri aj-Filistea y ri aj-Tiro.
8Keri' chuqa' ri winaqi' aj-Asiria kan xkitun chuqa' ki' kik'in konojel re winaqi' re';
kan xkisuj-ki' richin yekito' ri amonita y ri moabita.
9Nimalej Dios, tabana' chike re winaqi' re', achi'el xaben chike ri aj-Madián,
achi'el xaben chire ri Sísara, y chire ri Jabin chiri' chuchi' ri raqen ya' Quisón,
10ri xeken kan chupan ri ruwach'ulew Endor,
ri xa xepunupuxin kan, y xeq'ey chiri'.
11Tabana' kik'in rije' achi'el xaben chike ri Oreb y ri Zeeb, tata'al kichin ri aj-Madián;
achi'el xaben chike ri Zébah y Salmuná, ri e rey richin Madián,
12ri xkibij chi nikichop kan ri ruwach'ulew ri kan awichin rat.
13Qa-Dios roj, tabana' chike rije' chi xketalutej-el,
achi'el nuben ri surkum chire ri ruxaq taq che'.
achi'el ri solot ri xa nuk'uaj-el ri kaq'iq'.
14-15Kan ke'atzeqelibej k'a rik'in ri awuchuq'a',
achi'el ri q'aq' ri nijote-q'anej chi'anin pa jun juyu'.
Tabana' chi nisach kik'u'x,
achi'el toq ri q'aq' nibe-q'anej chi'anin chuwa taq juyu'.
16Nimalej Jehová, kan ke'ak'ixbisaj k'a re winaqi' re',
richin keri' kan xkatkikanoj k'a rat.
17Ke'ak'ixbisaj y tasacha' kik'u'x richin q'asen,
richin yeken pa jun ruk'ayewal.
18Tabana' ronojel re' richin niketamaj, chi ri abi' rat, Jehová,
y chi kan xaxe rat yaq'aton-tzij pa ruwi' ri ruwach'ulew.
Currently Selected:
Sal 83: KQC
Highlight
Copy
Compare
Share
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.
